ភ្នំពេញ៖ មជ្ឈដ្ឋាននានាកំពុងយកចិត្តទុកដាក់តាមដានព័ត៌មានដែលលេចឮថា ស្ត្រីវៀតណាមឈ្មួញឈើដ៏ល្បីល្បាញប្រចាំខេត្តស្ទឹងត្រែង ឈ្មោះ ព្រឿង ដាក់ឈ្មោះខ្មែរថា «ហេង សំនៀង» អាច ត្រូវតុលាការក្រុងភ្នំពេញដោះលែងឲ្យនៅក្រៅឃុំមានសេរីភាពនៅថ្ងៃទី២៥ ខែមករា ឆ្នាំ២០១៧ស្អែកនេះ គ្មានប្រភពបញ្ជាក់ថាយាយព្រឿងរួចពីការឃុំខ្លួននេះដោយសារអ្វីនោះទេ ។ ជាមួយនឹងដំណឹងដោះលែងមេឈ្មួញឈើដុះស្លែប្រចាំភូមិភាគឦសាននេះមន្ត្រីរាជការ និងប្រជាពលរដ្ឋដែលតាមដានរឿងនេះបានលើកឡើងថា ប្រសិនបើស្ត្រីវៀតណាមឈ្មួញឈើឈ្មោះ យាយព្រឿង ត្រូវបានដោះលែងនៅថ្ងៃទី២៥ ខែមករា ឆ្នាំ២០១៧ពិតមែននោះ គឺយុទ្ធនាការបង្ក្រាបបទល្មើសព្រៃឈើនា ពេលកន្លងមកក្លាយទៅជារឿងឥតន័យដែលធ្វើឲ្យសមត្ថកិច្ចកងរាជអាវុធហត្ថដែលខិតខំបង្ក្រាបបាក់ទឹកចិត្ត។ករណីនេះ ទាមទារឲ្យថ្នាក់ដឹកនាំក្រសួងយុត្តិធម៌គួរពិនិត្យមើលចំណាត់ការមិនប្រក្រតីរបស់មន្ត្រីតុលាការជាបន្ទាន់។

សូមរំឭកថា មេឈ្មួញឈើស្ត្រីវៀតណាមដាក់ឈ្មោះជាខ្មែរ «ហេង សំនៀង» ហៅយាយព្រឿង ត្រូវសមត្ថ កិច្ចកងរាជអាវុធហត្ថលើផ្ទៃប្រទេសចាប់ខ្លួនកាលពីថ្ងៃទី១៣ ខែតុលា ឆ្នាំ២០១៦ ពីបទ ប៉ុនប៉ងលួចវត្ថុតាង និងប្រឆាំងអ្នក រាជការសាធារណៈពេលកំពុងបំពេញការងារនៅក្នុង ឃុំអូរប្ញស្សីកណ្តាល ស្រុកសៀមបូក ខេត្តស្ទឹងត្រែង។ ក្រោយមកសំណុំរឿងរបស់ យាយព្រឿង ត្រូវបានបញ្ជូន មកសាលាដំបូងរាជភ្នំពេញ ហើយត្រូវ ឃុំខ្លួនយាយព្រឿង ម្នាក់នេះនៅក្នុងពន្ធនាគារព្រៃស មិនទាន់បានប៉ុន្មានផងឥឡូវនេះស្រាប់តែលេចឮព័ត៌មានស្តីពីការដោះលែង យាយព្រឿង ឲ្យនៅក្រៅឃុំនៅថ្ងៃទី២៥ ខែមករា ឆ្នាំ២០១៧ ស្អែកនេះបានធ្វើឲ្យពលរដ្ឋខ្មែរនិយាយតៗគ្នាថាអស់ជំនឿលើអ្នកដឹកនាំ ជនប្រព្រឹត្តល្មើសជាក់ស្តែងដូចយាយព្រឿងដាក់ទោសបានមួយដង្ហើមចង្រិត ហើយប្រាកដណាស់យាយព្រឿងនឹងវិលទៅបំផ្លាញព្រៃឈើខ្មែរនៅភូមិភាគឦសានជាក់ជាមិនខាន។

ប្រភពពីមន្ត្រី និងពលរដ្ឋក្នុងក្រុងស្ទឹងត្រែងបានបញ្ជាក់ថា ស្ត្រីវៀតណាមមេឈ្មួញឈើឈ្មោះ ហេង សំនៀង ហៅ យាយព្រឿង ជាឈ្មួញមានទំនាក់ទំនងល្អជាមួយមន្ត្រីជាន់ខ្ពស់ក្នុងខេត្តស្ទឹងត្រែង ក៏ដូចមន្ត្រី រដ្ឋបាលព្រៃឈើក្នុងខេត្តស្ទឹងត្រែង និងមន្ត្រីមានមុខការពាក់ព័ន្ធបង្ក្រាបបទល្មើព្រៃឈើយូរឆ្នាំមកហើយ ដោយយាយព្រឿងបង់ខែបង់ក្បាលទូកដឹកឈើពីតំបន់ព្រៃនានាចូលក្រុងស្ទឹងត្រែង បង់ក្បាលឡានដឹកចេញទៅវៀតណាមទាំងយប់ទាំងថ្ងៃ រហូតមន្ត្រីទាំងតូចទាំងធំជួយសម្រួល សមត្ថកិច្ចខ្លះបានសើមមាត់ជាប់ជាប្រចាំបានក្លាយទៅជាកូនជឹងរបស់យាយព្រឿងជូយមើលផ្លូវយកចិត្តយាយ រហូតដល់យាយព្រឿងមានកម្លាំងរាជការក្នុងដៃជួយកាងហើយយាយព្រឿងធ្វើជំនួញឈើល្មើសតាមអំពើចិត្ត។ អ្នកក្រុងស្ទឹងត្រែងបង្ហើបថា យាយព្រឿង ប្តី និងកូនប្រុសជាមន្ត្រីនគរបាល ក្នុងខេត្តស្ទឹងត្រែងដែលអាចប្រើឥទ្ធិពលកាងមុខរបរប្រមូលទិញឈើនិងដឹកជញ្ជូនយកទៅលក់នៅវៀតណាម ៕

ថ្ងៃ​ពុធ ទី០៣ ខែមករា ឆ្នាំ២០១៧

ភ្នំពេញៈអនុប្រធានការិយាល័យប្រតិបត្តិពន្ធនាគារខេត្តកំពង់ធំផ្នែកអនុរក្សមានចារិកស្រីកំពុងតែល្បីល្បាញខាងរំលោភសេពសសន្ថវៈ(រួមបវេណី)អំពើអនាចារ ទៅលើប្រុសក្មេងស្អាត ៗនៅក្នុងគុកចាប់តាំងពីឆ្នាំ២០០១រហូតដល់ឆ្នាំ២០១៥គឺមានចំនួនរាប់ពាន់នាក់ហើយគាត់ជា មនុស្សចូលចិត្តប្រើអំពើហិង្សាដ៏ឃោរឃៅព្រៃផ្សៃបំផុតជាពិសេសបានដោះយកស្បែកជើងផ្ទា ត់វាយក្បាលស្ត្រីអ្នកជាប់គុកដោយគ្រាន់តែពួកគេប្រកែកគ្នាបន្តិចបន្តួចកាលពីថ្ងៃទី១៥ខែធ្នូឆ្នាំ២០១៦កន្លងទៅថ្មីៗនេះ។

លោក ភិន សំអុល អាយុខ្ទង់៥០ឆ្នាំជាងមានតួនាទីជា មន្ត្រីអនុប្រធានការិយាល័យប្រតិបត្តិ នៃពន្ធនាគារខេត្តកំពង់ធំផ្នែកអនុរក្សជារៀងរាល់ថ្ងៃ តែងតែជេរបញ្ចោរអ្នកទោស មិនថាយប់ឬថ្ងៃដូចសត្វធាតុ។ គាត់ធ្លាប់បាននិយាយគំរាមកំហែងអ្នកទោសនៅក្នុងគុកខេត្តកំពង់ធំថា«គុកនេះជាគុករបស់អញ អ្ហែងចង់ខ្លាំងអី...!»។

នៅក្នុងរយៈពេលពីរបីថ្ងៃនេះមានអ្នកទោសបានស្លាប់ពីរនាក់ ដោយសារបុគ្គលនេះមិនបញ្ជូន ទៅសង្គ្រោះបន្ទាន់នៅមន្ទីរពេទ្យធំ ក៍ព្រោះតែអំពើពុករលួយគ្មានលុយឱ្យ (ភិន សំអុល)។ គាត់បានចោទប្រកាន់អ្នកទោសថា ឈឺពុត! តែធាតុពិតនៅពីក្រោយរឿងនេះជាលេសហេតុផលនៃ អំពើពុករលួយតែប៉ុណ្ណោះ។

ដោយសារចារិកស្រីឈ្លោះមិនរើសមុខនោះ សូម្បីតែមន្ត្រីពន្ធនាគារគ្នាឯងក៍លោក ភិន សំអុល ឆ្កឹះឆ្កៀលចាក់ចុចជេរបញ្ចោរមិនរើសមុខឡើយ។ ព្រោះគាត់អាងខ្នងបង្អែក អគ្គស្នងការពន្ធនា គារក្រសួងមហាផ្ទៃនៅពីក្រោយខ្នង។ ថ្វីបើ ភិន សំអុល មានតួនាទីស័ក្តិតូចក្តី។ ក៍ប៉ុន្តែគ្មាននរណាហ៊ានប៉ះពាល់គេឡើយ។

នៅក្នុងគុកខេត្តកំពង់ធំ អ្នកលក់ដូរសុទ្ធតែមានការដេញថ្លៃត្រឹមត្រូវ តែត្រូវបានលោក សំអុល ចាក់រុកដេញគេឱ្យចេញរួចយកកន្លែងនោះលក់ខ្លួនឯងដោយដំឡើងថ្លៃទំនិញគ្រប់មុខមួយទ្វេគុណនឹងបីទៅបួនដងដូចជា ត្រី ប្រហុក ផ្អក សាច់គោ និងសាច់ជ្រូក។ល។និង។ល។

នៅក្នុងអំឡុងខែកុម្ភៈឆ្នាំ២០១៥អគ្គស្នងការនគរបាលជាតិបានបញ្ជូនមន្ត្រីអធិការកិច្ចមួយក្រុ មចុះទៅស៊ើបអង្គេតរឿងលោក ភិន សំអុល រំលោភសេពសន្ថវៈ អ្នកទោសបុរសៗ នៅខេត្តកំពង់ធំរយៈពេលបីថ្ងៃ តាមរយៈពាក្យបណ្តឹងអ្នកទោសក្នុងគុកបួននាក់ បានប្តឹង។ អគ្គស្នងការន គរបាលបានត្រឹមតែបញ្ឈរជើងបុគ្គលនោះតែប្រាំមួយខែ ក៍ដោះលេងឱ្យមានសេរីភាពវិញ ហើ យគេបានធ្វើទុក្ខម្នេញអ្នកទោសកាន់តែសាហាវលើសដើម។

លោក ខៀវ សុភ័គ អ្នកនាំពាក្យក្រសួងមហាផ្ទៃបានប្រាប់ឱ្យដឹងព្រឹកថ្ងៃទី៣១ខែធ្នូឆ្នាំ២០១៦ថា ខ្ញុំរីករាយដែលបានដឹងដំណឹងនេះ។ ក្រសួងមហាផ្ទៃមិនគាំទ្រ រឿងទាំងប៉ុន្មាន ដែលបុគ្គល (ភិន សំអុល) បានធ្វើនោះទេ។ អ្វីដែលខ្ញុំបានទទួលដឹងដំណឹងនេះ! ក្រសួងនឹងចាត់ឱ្យមន្ត្រីជំនាញចុះទៅស៊ើបអង្គេតរឿងនេះជាបន្ទាន់។

ឧត្តមសេនីយ៍ត្រី ភាន ឆវ័ន្ត ប៉ូលិសបម្រើការ ស្នងការដ្ឋានខេត្តកំពង់ធំ ដែលជាប្រធានគ្រប់គ្រងគុកខេត្តកំពង់ធំផងនោះ បានបដិសេធនៅព្រឹកថ្ងៃទី៣១ ខែធ្នូថា អត់មានករណីដូច ការផ្តល់ដំ ណឹងទៅឱ្យកាសែតនោះទេ។ ដូចជាការប្រើអំពើហិង្សាទៅលើអ្នកទោស ហើយការរំលោភសេ ពសន្ថវៈអ្នកទោសវិញក៍គ្មានដែរ។

លោកបន្តទៀថា រាល់ករណីរឿងអ្វីកើតមានឡើងគឺសុទ្ធតែមានគណៈកម្មការចុះត្រួតពិនិត្យជា ពិសេសមានព្រះរាជអាជ្ញាចូលរួម។ ពាក់ព័ន្ធព័ត៌មានថ្មីៗដែលទុកឱ្យអ្នកទោសស្លាប់ពីរនាក់នៅ ក្នុងគុកខេត្តកំពង់ធំខ្ញុំបានធ្វើរបាយការណ៍ជូនអគ្គស្នងការនគរបាលជាតិរួចហើយ។

ទាក់ទងករណីខាងលើលោក ភិន សំអុល អនុប្រធានការិយាល័យពន្ធនាគារខេត្តកំពង់ធំ ទទួលបន្ទុកផ្នែកអនុរក្ស បានឆ្លើយតប នៅព្រឹកថ្ងៃទី៣១ ខែធ្នូ ឆ្នាំ២០១៦ថា លោកទទួលស្គាល់បាន ដោះទ្រនាប់ជើងផ្ទាត់វាយក្បាលស្ត្រីអ្នកទោសពិតប្រាកដមែន។ ប៉ុន្តែក្នុងលក្ខណៈបែបអប់រំមិន ធ្ងន់ធ្ងរទេ។ព្រោះមានអ្នកចូរឃាត់ស្ត្រីទាំងនោះមិនស្តាប់។ចំពោះរឿងលក់ដូរនៅក្នុងគុកគឺមកពីអ្នកចាស់មិនគោរពច្បាប់ផ្ទៃក្នុងអង្គភាព។ ដូច្នេះលោកក៍សុំថ្នាក់ដឹកនាំលក់ដូររយៈពេលមួយម កហើយដោយគ្មានការដេញថ្លៃទេ។

ការនិយាយបែបអៀនៗខ្លួនដល់រឿងរំលោភសេពសន្ថវៈអ្នកទោសប្រុសៗ លោកបានបន្តទៀត ថាសម្រាប់អ្នកទោសបួននាក់បានប្តឹងខ្ញុំនោះ ត្រូវបញ្ជូនទៅខេត្តបាត់ដំបងជាមួយអ្នកទោសសរុ ប២០នាក់។ព្រោះគុកកំពង់ធំមានកន្លែងតូចចង្អៀត។ និយាយជារួមទៅរឿងទាំងអស់នេះវាមិន ពិតទេព្រោះក្រុមការងារអគ្គស្នងការ បានចុះស្រាវជ្រាវម្តងហើយ។ រឿងនេះមានគេចង់ធ្វើបាប ការងាររបស់ខ្ញុំ !បើទោះបីខ្ញុំខំប្រឹងធ្វើការយ៉ាងក៍ដោយ។

យោងតាមប្រភពពីបុរសម្នាក់ ធ្លាប់ជាប់គុកនៅខេត្តកំពង់ធំ អស់រយៈពេលជិតពីរឆ្នាំបាននិយា យរៀបរាប់នៅព្រឹកថ្ងៃទី៣១ខែធ្នូឆ្នាំ២០១៦ថា ភិន សំអុល ជាមនុស្សកាកសំណល់ខ្មែរក្រហម បានប្រើអំពើហិង្សាដោះយកទ្រនាប់ជើងវាយក្បាលស្ត្រីជាប់គុកពីរនាក់ហើមក្បាល កាលពីថ្ងៃ ទី១៥ខែធ្នូឆ្នាំ២០១៦។ ព្រោះតែពួកគេប្រកែកគ្នាបន្តិចបន្ទួច។ ដោយញៀនដៃវាយមនុស្សគ្មានទោសពៃ ភិន សំអុល បានវាយបុរសឈ្មោះ ហាវ ភឿង រយះក្បាលចេញឈាមប្រវែងមួយថ្នាំងដៃកន្លះដោយគ្មានមូលហេតុអ្វីសោះ។

ប្រភពដដែលបានបង្ហាញ អំពើឃោរឃៅរបស់ ភិន សំអុល ទៀតថា គាត់បានវាយបុរសម្នាក់ឈ្មោះ សុជ សាម នឹងដងអំបោសឫស្សីរហូតក្លាយទៅជាមនុស្សឆ្កួតដែលកំពុងតែសង្គ្រោះបន្ទាន់នៅមន្ទីរពេទ្យធំខេត្តកំពង់ធំ។ ដោយសាររងរបួសក្បាលធ្ងន់ធ្ងរពេកគ្មានសង្ឃឹមថា សុជ សាម អាចរស់រានមានជីវិតឡើយ។

អ្វីដែលកាន់តែធ្ងន់ធ្ងរនោះ ចាប់តាំងពីឆ្នាំ២០០១ រហូតដល់ខែកុម្ភៈឆ្នាំ២០១៥ ត្រូវបានប្រភពដ ដែលបន្តថា លោក សំអុល បានរំលោភសេពសន្ថវៈ អ្នកទោសប្រុសក្មេងស្អាតៗ រាប់ពាន់នាក់នៅក្នុងគុកខេត្តកំពង់ធំ។ ក្នុងឆ្នាំ២០១៥ដោយការអត់ទ្រាំមិនបាន រំលោភសេពសន្ថវៈទាំងព្រឹក ទាំងល្ងាច ហើយមានពេលខ្លះរំលោភម្តងពីរនាក់ផងនោះ មានមនុស្សបួននាក់បានចេញមុខប្តឹ ង ភិន សំអុល ទៅសាលាខេត្តកំពង់ធំ។ ក្នុងនោះមានឈ្មោះ លុច្ស កុយ, ស្រ៊ី ប៉េ ,យក់ រីហ្សែន និង ប៉ែត សុខហៃ។ ដើម្បីលុបលាងអំពើពាលរបស់ខ្លួនលោក សំអុល ឱ្យគេដឹកអ្នកប្តឹងទាំងបួននាក់នោះផ្លាស់ទៅគុកខេត្តបាត់ដំបងដោយយកលេសថាទាំងបួននាក់មិនគោរពវិន័យគុក។ រីឯអ្នកនៅសល់ត្រូវគាត់គំរាមកំហែងទុកជាមុនកុំឱ្យប្តឹងផ្តល់ដូចទាំងបួននាក់នោះបន្តទៀត។

គួរបញ្ជាក់ថាមានជនរងគ្រោះជាច្រើននាក់ ដែលមិនហ៊ានចេញមុខប្តឹងផ្តល់ឬតវ៉ា ព្រោះពួកគេ ភ័យខ្លាចលោក ភិន សំអុល ធ្វើបាប។ ក៍ប៉ុន្តែយ៉ាងហោចណាស់ ក៍មានមនុស្សបួននាក់ដែលបានបង្ហាញអំពើអាក្រក់ ភិន សំអុល រួចជាស្រេច។ រីឯសំណុំរឿងនោះទៀតសោតត្រូវបានគេបិទមិនឱ្យប្រព័ន្ធផ្សព្វផ្សាយដឹងឡើយ។ដោយការអត់ទ្រាំមិនបាននឹងការរំលោភអ្នកទោសប្រុសៗទាំងនោះច្រើនពេកទើបធ្វើឱ្យបែកការណ៍អំពើលាមកអនាចាររបស់លោក ភិន សំអុល ត្រូវត្រលាតត្រឡាងការពិត៕

អង្គារ ២៧ ធ្នូ, ២០១៦ 

December 27, 2016

កាលពីម្សិលមិញនេះផេកហ្វេសបុក Narita Skincare Beauty Home បានបង្ហោះអត្ថបទមួយទាក់ទងនឹងល្បិចបោកថ្មី ដើម្បីចែកចាយឲ្យបងប្អូនអានទាំងអស់ ដើម្បីឲ្យប្រយ័ត្នទាំងអស់គ្នា! អត្ថបទរបស់គាត់បានសរសេរថា៖ ចាស៎សួរស្តីអតិថិជននិងមិត្តៗបងប្អូនទាំងអស់គ្នាថ្ងៃនេះនាងខ្ញុំមានរឿងចង់ចែករំលែកដល់អ្នកទាំងអស់គ្មាដើម្បីអោយមានការប្រយ័ត្នចំពោះជនឆបោករូបនេះ។

នៅថ្ងៃទី 25 12 2016 ជនខិលខូចរូបនេះបានចូលទៅក្នុងហាងនាងខ្ញុំ ដោយប្រើល្បិចអោយកូនចៅខ្ញុំcallទៅខ្ញុំ បន្ទាប់មកជនខិលខូចនោះបាននិយាយជាមួយខ្ញុំ ហើយវាបាននិយាយជាមួយខ្ញុំដោយប្រាប់ខ្ញុំថាវានាំភ្ញៀវមកទិញលេលាបមុខហើយខ្ញុំថាអោយទិញជាមួយកូនចៅខ្ញុំទៅ ខ្ញុំអត់នៅទេហើយវាថាអញ្ចឹងស្អែកវានាំគេមកម្តងទៀតខ្ញុំក៌បិទទូរស័ព្ទ ។ ហើយវានៅតែបន្តការនិយាយម្នាក់ឯងដោយធ្វើកាយវិការអោយកូនចៅខ្ញុំដកIpaidដែលខ្ញុំបានសាកថ្មហ្នឹងយកអោយវា វាប្រាប់កូនចៅខ្ញុំថាខ្ញុំអោយយកប្រញាប់ឡើងយកទៅធ្វើឯកសារ ហើយអោយកូនចៅខ្ញុំហ្នឹងជិះទៅជាមួយវាទៀត។ដោយមានការសង្ស័យកូនចៅខ្ញុំថាCallទៅខ្ញុំសិនវាថាមិនបាច់Callទេ វាក៌ទាញIpaidខ្ញុំពីកូនចៅខ្ញុំហើយកូនចៅខ្ញុំក៌ទាញមកវិញ ហើយវាថាម៉េចអត់ទុកចិត្តវាមែនទេ ហើយកូនចៅខ្ញុំថាអត់ទុកចិត្តទេ វាក៌ថាអោយលឿនប្រយ័ត្នគាត់ខឹងកូនចៅខ្ញុំមិនព្រម។ហើយស្របពេលនោះមានកូនចៅខ្ញុំម្នាក់ទៀតមកដល់វាក៌ជិះម៉ូតូចេញបាត់ទៅ៕

ព្រះតេជគុណ ប៊ុន ប៊ុនតិញនិង​គល់ប្រញូងដែលរងការពុះជ្រៀក(រូបភាពពីគេហទំព័រវិទ្យុសំឡេងព្រះសង្ឃឯករាជ្យ)

បុណ្យ​ភ្ជុំ​ចប់​ត្រឡប់​មក​ផ្ទះ​វិញ​យំ​បោក​ខ្លួន ​ព្រោះ​មន្ត្រី​ឥណទាន​ គាស់​ផ្ទះ ​យក​ទ្រព្យ​លក់​សងបំណុល

តាកែវ ៖ គ្រួសារមួយ ដែលត្រូវជាកូនបំណុលរស់នៅភូមិគោកដូង ឃុំពេជសារ ស្រុកកោះអណ្តែត ខេត្តតាកែវ បានយំបោកខ្លួនហួសចិត្ត ពេលត្រឡប់មកដល់ផ្ទះ ព្រោះតែមន្ត្រីឥណទាន ធនាគារភូមិ រួមជាមួយនឹងមេភូមិ ដែលបានចូលមកគាស់ផ្ទះរបស់គាត់ យកទ្រព្យសម្បត្តិទៅលក់ ក្រោយពីពួកគាត់បង់លុយយឺតពេលតាម កាលកំណត់ជិត២០ថ្ងៃ។
ការចុះមកគាស់ទម្លុះទម្លាយផ្ទះកូនបំណុល ដោយមិនមានដីការបស់ព្រះរាជអាជ្ញាយ៉ាងដូច្នេះ បានធ្វើឲ្យ ប្រជាពលរដ្ឋ ដែលរស់នៅក្នុងភូមិ ឃុំ ជាមួយនឹងកូនបំណុល មានការមិនពេញចិត្ត និងធ្វើការរិះគន់ខ្លាំងៗ ទៅលើពួកមន្ត្រីឥណទានធនាគារថា មិនគួរណាគាបសង្កត់ប្រជាពលរដ្ឋដល់ថ្នាក ់នេះសោះ ថែមទាំងបាន ប្រព្រឹត្តដូចជាចោរបែបទៀតផង។
បើតាមការឲ្យដឹងពីពលរដ្ឋដែលរស់នៅក្បែរផ្ទះគ្រួសារកើតហេតុខាងលើប្រាប់ថា ករណីមន្ត្រីឥណទានរួមនឹង លោកមេភូមិ ចុះមកគាស់ផ្ទះដោយមិនមានដីការបស់ព្រះរាជអាជ្ញា និងអាជ្ញាធរសមត្ថកិច្ចពាក់ព័ន្ធចូលរួមនេះ កើតឡើងកាលពីរសៀលថ្ងៃទី២៩ ខែកញ្ញា ឆ្នាំ២០១៦។
ចំណែកលោកយាយឈ្មោះ ស៊ីង សៀង ដែលជាកូលបំណុលរបស់ធនាគារភូមិ និយាយរៀបរាប់ទាំងទឹកភ្នែក ថា រូបគាត់មិននឹកស្មានថា ធនាគារដែលនិយាយក្តែងៗថា ជួយអភិវឌ្ឍន៍រាស្ត្រ តែបែរជាគាបសង្កាត់រាស្ត្រ ជាន់ករាស្ត្រ ដល់ថ្នាក់នេះសោះ។ គាត់បានបន្ថែមទៀតថា គាត់ដឹងថាបង់លុយយឺតតាមកាលកំណត់របស់ ធនាគារ តែគាត់បានគិតថានឹងយកមាសដែលរូបគាត់ទុកក្នុងខ្នើយដាក់ក្នុងមួយទូទៅលក់សងធនាគារ ក្រោយពេលចប់បុណ្យភ្ជុំបិណ្ឌនេះ ក៏ប៉ុន្តែត្រូវក្រុមមន្ត្រីឥណទាន រួមជាមួយមេភូមិនាំគ្នាមកគាស់ផ្ទះរបស់គាត់ ដែលចាក់សោចោល ឆែកឆេររករបស់របរមានតម្លៃដូចជាទូ គ្រែ យកចេញពីផ្ទះ របស់គាត់ ហើយធ្វើកិច្ចសន្យា លក់ ដោយគ្មានការអនុញ្ញាតពីម្ចាស់ផ្ទះ និងដឹងឮត្រឹមតែលោកមេភូមិ និងសាក្សី ជិតខាង ហើយសម្រេចលក់ សម្ភារៈរបស់គាត់ឡៃឡុងទៅឲ្យអ្នកទិញម្នាក់រស់នៅក្នុងឃុំជាមួយគ្នាដើម្បីយកលុយនោះ មកបង់បង្គ្រប់ សម្រាប់ខែដែលគាត់បានបង់លុយយឺត ហើយអ្វីដែលកូនបំណុលស្តាយបំផុតនោះគឺមាសចំនួន៥ជី និងខ្សែ ក ប្លាទីន ២ជី ព្រោះជាទ្រព្យទុកសម្រាប់គាត់ស្លាប់ទៅ បានឲ្យកូនចៅយកមាសនឹងទៅលក់សម្រាប់ធ្វើបុណ្យគាត់ តែឥឡូវបានបាត់បង់អស់ហើយ ដោយក្រុមមន្ត្រីឥណទានទាំងនោះមកគាស់ផ្ទះ របស់គាត់រុះរើខ្ទេចគ្មានសល់ បាត់អស់រលីង។
ចំណែកលោកពូ ចាន់ ពូយ ដែលជាអ្នករស់នៅជិតខាងផ្ទះរបស់គាត់បាននិយាយថា នៅក្នុងថ្ងៃដែលក្រុមមន្ត្រី ឥណទាន ធនាគារភូមិ ចុះមករុះរើ និងគាស់ផ្ទះរបស់កូនបំណុលខាងលើនោះ រូបគាត់ជាមួយនឹងប្រពន្ធបាន ទៅហាមឃាត់គេដែរ តែមន្ត្រីឥណទាន ទាំងនោះ មិនព្រមស្តាប់ទេ ថែមទាំងបាននិយាយថា បើសិនជាលោកពូ មកពាក់ព័ន្ធតើលោកពូជាអ្នកចេញលុយសងមែន។ ពេលឮគេនិយាយដូច្នោះ គាត់ក៏បានដកខ្លួនចេញ ហើយ ពួកគេធ្វើសកម្មភាពអីតាមតែចិត្តរបស់គេ។ លោកពូ ចាន់ ពូយ បាននិយាយទៀតថា ទង្វើរបស់ ធនាគារភូមិ នេះហាក់បីដូចជាកៀបសង្កត់ប្រជាពលរដ្ឋទន់ខ្សោយពេកហើយ ចង់ធ្វើអីតាមតែចិត្តចង់ចូលទៅ រុះរើផ្ទះរបស់ គេមិនចាំបាច់មានព្រះរាជអាជ្ញាបានដែរ។
ឯលោក រត្ន ចាន់រ៉ាត់ ត្រូវជាកូនរបស់លោកយាយកូនបំណុលរបស់ធនាគារភូមិនោះ ក្រោយពេលកើតរឿង ហេតុនេះឡើងបាន៣ថ្ងៃ គឺនៅថ្ងៃទី០២ ខែតុលា ឆ្នាំ២០១៦ រូបលោកបាសរសេរពាក្យបណ្ដឹងមួយដាក់ទៅ លោកមេភូមិ តែលោកមេភូមិមិនព្រមចុះហត្ថលេខាទេ ព្រោះមានឈ្មោះលោកនៅក្នុងពាក្យបណ្តឹងនោះដែរ ទើបលោកមិនព្រមទទួលនិងចុះហត្ថលេខាទេ។
ចំណែកឯប៉ូលិសប៉ុស្តិ៍រដ្ឋបាលវិញបាននិយាយថា ជំពាក់លុយគេហើយមិនសង គេធ្វើអញ្ចឹងហើយ ហើយគាត់ ក៏មិនព្រមទទួលដែរ។
ជុំវិញករណីដែលកើតឡើងខាងលើនេះពលរដ្ឋក្នុងភូមិក៏ដូចជាកូនបំណុលបានសុំឲ្យអាជ្ញាធរ ជាពិសេស លោក ឡាយ វណ្ណៈ អភិបាលខេត្តតាកែវ មេត្តាជួយដល់រាស្ត្រទន់ខ្សោយ ផងកុំឲ្យគ្រឹះស្ថានមីក្រូហិរញ្ញវត្ថុ និង ធនាគារមួយចំនួនអនុវត្តិការងាររបស់ខ្លួនជាមួយកូនបំណុលដូចករណីនេះទៀត៕


រក្សាសិទ្ធិដោយ កម្ពុជាថ្មី

October 4, 2016

វីរជន​សង្គ្រោះ​កុមារ​នៅ​ស្ទឹង​មាន​ជ័យ បាន​ទទួល​មរណភាព

ដំណឹងអកុសល បានធ្លាក់មកដល់ សម្រាប់កុមារខ្សត់ខ្សោយខ្មែរ។ លោក គ្រីស្យង់ ហ្គោកឺឡាំង ដេប៉ាលីយ៉ែរ (Christian GAUQUELIN des PALLIERES) ស្ថាបនិកអង្គការ​ដើម្បីភាពញញ្ញឹមនៃកុមារ បានទទួល​មរណភាព​ហើយ នៅ​មុន​នេះ​បន្តិច។

មនុស្សចាស់នៅកណ្ដាលគេនេះ គឺលោក គ្រីស្យង់ ដេប៉ាលីយ៉ែរ និងភរិយា។ (រូបថតលើហ្វេសប៊ុក)

 September 23, 2016

ដោយ លោក ពៅ មេត្តា​​ | ថ្ងៃពុធ ទី២១ ខែកញ្ញា ឆ្នាំ២០១៦ប្រជាពលរដ្ឋដែលអង្គុយចាំលក់ស្រូវទៅឲ្យឈ្មួញ (រូបថត៖ បូ សាវី)

ប្រភព William Guang