យន្តហោះមួយគ្រឿងទទួលរហស្សនាមជាបក្សីស្លាបដែកសមុទ្រ ត្រូវបានគេរំពឹងថា គឺជាយន្តហោះសម្រាប់ថ្ងៃអនាគត។
ក្រុមអ្នកស្រាវជ្រាវប្រចាំសកលវិទ្យាល័យ Imperial ក្នុងទីក្រុងឡុងដ៍ បានបង្កើតនូវគំនិតមួយនេះ ទាក់ទងនឹងយន្តហោះដែលអាចជួយដោះស្រាយបញ្ហារបស់មនុស្សបាន។ យន្តហោះនេះមានលក្ខណៈពិសេសដូចជា អាចផ្ទុកអ្នកដំណើរបាន២០០០នាក់ ហើយអ្វីដែលសំខាន់នោះគឺយន្តហោះនេះថែមទាំងអាចចុះចតលើទឹកបាន ដោយមិនចាំបាច់មានព្រលានយន្តហោះទំហំធំសម្រាប់ចុះចតនោះទេ។
ចង់ដឹងពីដំណើរការរបស់យន្តហោះយក្សនេះអស្ចារ្យយ៉ាងណា ទស្សនាវីដេអូគំរូខាងក្រោម៖
A Blended Wing Body Concept, by Cranfield University, MSc AVD
ក្រុមអ្នកសិក្សាស្រាវជ្រាវបានបង្ហើបផងដែរថា គម្រោងការមួយនេះកំពុងជួបប្រទះបញ្ហាខ្លះៗ ដោយសារតែព័ត៌មានពាក់ព័ន្ធនឹងផ្លូវទឹកដែលពួកគេទទួលបាននៅមានការខ្វះខាតនៅឡើយ។
បច្ចុប្បន្នយន្តហោះធំជាងគេអាចដឹកអ្នកដំណើរបានត្រឹមតែ៨០០នាក់ប៉ុណ្ណោះ ហើយប្រសិនបើយន្តហោះសមុទ្រនេះលេចចេញជារូបរាងមែន វានឹងក្លាយទៅយន្តហោះទីមួយដែលអាចដឹកអ្នកដំណើរបានច្រើនបំផុត។
ប្រែសម្រួល៖ ហៃ សុខហេង
ប្រភព៖ dailymail
ប្រភព៖ dailymail
