កាលពីថ្ងៃទី២៩-៣០ ខែសីហា ឆ្នាំ២០១៦ មន្ត្រីព្រំដែនកម្ពុជា-យួន បានបើកកិច្ចប្រជុំមួយនៅក្នុងរាជធានីភ្នំពេញ ដោយនៅក្នុងកិច្ចប្រជុំនោះភាគីកម្ពុជាបានស្នើឲ្យយួនបញ្ឈប់សកម្មភាពធ្វើផ្លូវ ជីកស្រះ និងសាងសង់ប៉ុស្ដិ៍យាមក្នុងតំបន់សដែលជាតំបន់ហាមឃាត់ ឬជាតំបន់មិនទាន់កំណត់ខ្សែព្រំដែនច្បាស់លាស់។ ក៏ប៉ុន្តែរហូតមកដល់ពេលនេះភាគីយួនមិនទទួលយកសំណើរបស់កម្ពុជាទេ ហើយទាហានយួននៅតែបន្តសាងសង់ប៉ុស្ដិ៍យាមក្នុងតំបន់សតាមព្រំដែន ភូមិឡំ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី យ៉ាងងងើល។ បញ្ហានេះមិនទាន់ឃើញលោក វ៉ា គឹមហុង ប្រធានគណៈកម្មាធិការព្រំដែនកម្ពុជា និងជាទេសរដ្ឋមន្ត្រីទទួលបន្ទុកកិច្ចការព្រំដែន ចាត់វិធានការទប់ស្កាត់ចំពោះអំពើរំលោភបំពានពីសំណាក់ភាគីយួននៅឡើយទេ។
សេចក្ដីរាយការណ៍ពីមន្ត្រីអាជ្ញាធរខេត្តរតនគិរី និងសមត្ថកិច្ចតាមព្រំដែនក្នុងឃុំប៉ក់ញ៉ៃ ស្រុកអូរយ៉ាដាវ បានឲ្យដឹងថាទាហានយួននៅតែបន្តសាងសង់ប៉ុស្ដិ៍យាមចំនួន២តាមព្រំដែន បើទោះបីមានកិច្ចប្រជុំរវាងមន្ត្រីកិច្ចការព្រំដែននៃប្រទេសទាំងពីរ កាលពីថ្មីៗកន្លងទៅនេះយ៉ាងណាក៏ដោយ។ អភិបាលរងខេត្តរតនគិរី និងជាអ្នកនាំពាក្យសាលាខេត្តរតនគិរី លោក ញ៉ែម សំអឿន បានប្រាប់បណ្ដាញព័ត៌មានកាលពីថ្ងៃអង្គារ កន្លងទៅនេះថាភាគីយួននៅតែសាងសង់ប៉ុស្ដិ៍យាមបានប្រមាណ៦០ភាគរយហើយ បើទោះបីភាគីកម្ពុជាស្នើសុំឲ្យផ្អាកការសាងសង់យ៉ាងណាក៏ដោយ។ បញ្ហាដែលយួននៅតែធ្វើអ្វីៗតាមអំពើចិត្តនោះ គឺដោយសារគេអះអាងថាការសាងសង់ប៉ុស្ដិ៍យាមធ្វើនៅលើទឹកដីយួនមិនប៉ះពាល់ទឹកដីខ្មែរទេ ប៉ុន្តែការពិតប៉ុស្ដិ៍យាមនោះត្រូវបានជនជាតិដើមភាគតិចភូមិឡំ បញ្ជាក់ថាចូលជ្រៅក្នុងទឹកដីខ្មែរ។
អ្នកតាមដានករណីយួនរំលោភលើអធិបតេយ្យភាពនិងបូរណភាពទឹកដីខ្មែរ បានលើកឡើងថាជានិច្ចកាលយួនមិនដែលបោះបង់មហិច្ឆតារំលោភឈ្លានពានទឹកដីខ្មែរតាមព្រំដែននោះទេ ជាក់ស្ដែងមួយរយៈពេលកន្លងទៅនេះយួនបានធ្វើផ្លូវ និងសាងសង់ប៉ុស្ដិ៍យាមតាមព្រំដែនដោយគ្មានញញើតអ្វីទាំងអស់។ ចំណែករដ្ឋាភិបាលកម្ពុជាដែលមានលោក ហ៊ុន សែន ជានាយករដ្ឋមន្ត្រី គឺបានត្រឹមតែធ្វើលិខិតកំណត់ទូតផ្ញើទៅរដ្ឋាភិបាលយួនយ៉ាងតិច២៣លើករួចមកហើយ ប៉ុន្តែរដ្ឋាភិបាលកុម្មយនិស្តក្រុងហាណូយ មិនបានឆ្លើយតបជាវិជ្ជមានទាល់តែសោះ។ ផ្ទុយទៅវិញភាគីយួននៅតែគឃ្លើនក្នុងការជីកស្រះ សាងសង់ប៉ុស្ដិ៍ឈរជើង និងធ្វើផ្លូវតាមព្រំដែនជាឯកតោភាគី ហើយតំបន់ខ្លះគឺរំលោភចូលជ្រៅក្នុងទឹកដីខ្មែរតែម្តង។ ដូច្នេះលោក វ៉ា គឹមហុង ដែលជាទេសរដ្ឋមន្ត្រីទទួលបន្ទុកកិច្ចការព្រំដែន គួរពិនិត្យឡើងវិញចំពោះសកម្មភាពរបស់យួន ព្រោះឥឡូវនេះទាហានយួនសាងសង់ប៉ុស្ដិ៍ឈរជើងតាមព្រំដែនក្នុងស្រុកអូរយ៉ាដាវ ខេត្តរតនគិរី បានសម្រេចប្រមាណ៦០ភាគរយទៅហើយ៕
លោក វ៉ា គឹមហុង ទេសរដ្ឋមន្ត្រីទទួលកិច្ចការព្រំដែន
សេចក្ដីរាយការណ៍ពីមន្ត្រីអាជ្ញាធរខេត្តរតនគិរី និងសមត្ថកិច្ចតាមព្រំដែនក្នុងឃុំប៉ក់ញ៉ៃ ស្រុកអូរយ៉ាដាវ បានឲ្យដឹងថាទាហានយួននៅតែបន្តសាងសង់ប៉ុស្ដិ៍យាមចំនួន២តាមព្រំដែន បើទោះបីមានកិច្ចប្រជុំរវាងមន្ត្រីកិច្ចការព្រំដែននៃប្រទេសទាំងពីរ កាលពីថ្មីៗកន្លងទៅនេះយ៉ាងណាក៏ដោយ។ អភិបាលរងខេត្តរតនគិរី និងជាអ្នកនាំពាក្យសាលាខេត្តរតនគិរី លោក ញ៉ែម សំអឿន បានប្រាប់បណ្ដាញព័ត៌មានកាលពីថ្ងៃអង្គារ កន្លងទៅនេះថាភាគីយួននៅតែសាងសង់ប៉ុស្ដិ៍យាមបានប្រមាណ៦០ភាគរយហើយ បើទោះបីភាគីកម្ពុជាស្នើសុំឲ្យផ្អាកការសាងសង់យ៉ាងណាក៏ដោយ។ បញ្ហាដែលយួននៅតែធ្វើអ្វីៗតាមអំពើចិត្តនោះ គឺដោយសារគេអះអាងថាការសាងសង់ប៉ុស្ដិ៍យាមធ្វើនៅលើទឹកដីយួនមិនប៉ះពាល់ទឹកដីខ្មែរទេ ប៉ុន្តែការពិតប៉ុស្ដិ៍យាមនោះត្រូវបានជនជាតិដើមភាគតិចភូមិឡំ បញ្ជាក់ថាចូលជ្រៅក្នុងទឹកដីខ្មែរ។
អ្នកតាមដានករណីយួនរំលោភលើអធិបតេយ្យភាពនិងបូរណភាពទឹកដីខ្មែរ បានលើកឡើងថាជានិច្ចកាលយួនមិនដែលបោះបង់មហិច្ឆតារំលោភឈ្លានពានទឹកដីខ្មែរតាមព្រំដែននោះទេ ជាក់ស្ដែងមួយរយៈពេលកន្លងទៅនេះយួនបានធ្វើផ្លូវ និងសាងសង់ប៉ុស្ដិ៍យាមតាមព្រំដែនដោយគ្មានញញើតអ្វីទាំងអស់។ ចំណែករដ្ឋាភិបាលកម្ពុជាដែលមានលោក ហ៊ុន សែន ជានាយករដ្ឋមន្ត្រី គឺបានត្រឹមតែធ្វើលិខិតកំណត់ទូតផ្ញើទៅរដ្ឋាភិបាលយួនយ៉ាងតិច២៣លើករួចមកហើយ ប៉ុន្តែរដ្ឋាភិបាលកុម្មយនិស្តក្រុងហាណូយ មិនបានឆ្លើយតបជាវិជ្ជមានទាល់តែសោះ។ ផ្ទុយទៅវិញភាគីយួននៅតែគឃ្លើនក្នុងការជីកស្រះ សាងសង់ប៉ុស្ដិ៍ឈរជើង និងធ្វើផ្លូវតាមព្រំដែនជាឯកតោភាគី ហើយតំបន់ខ្លះគឺរំលោភចូលជ្រៅក្នុងទឹកដីខ្មែរតែម្តង។ ដូច្នេះលោក វ៉ា គឹមហុង ដែលជាទេសរដ្ឋមន្ត្រីទទួលបន្ទុកកិច្ចការព្រំដែន គួរពិនិត្យឡើងវិញចំពោះសកម្មភាពរបស់យួន ព្រោះឥឡូវនេះទាហានយួនសាងសង់ប៉ុស្ដិ៍ឈរជើងតាមព្រំដែនក្នុងស្រុកអូរយ៉ាដាវ ខេត្តរតនគិរី បានសម្រេចប្រមាណ៦០ភាគរយទៅហើយ៕
លោក វ៉ា គឹមហុង ទេសរដ្ឋមន្ត្រីទទួលកិច្ចការព្រំដែន
