បើថៃមិនឲ្យខ្មែរនាំចូល «ស្វាយកែវរមៀត ផ្លែមៀន» ខ្មែរក៏មិនខ្ចីទិញផ្លែឈើពីថៃដែរ
17-09-2016
វិវាទរវាងកម្ពុជា-ថៃ ក្នុងការនាំចេញទំនិញកសិផលពីកម្ពុជា ដែលថៃមិនអនុញ្ញាតឲ្យនាំចូលផ្លែស្វាយកែវរមៀត និងផ្លែមៀន ចូលក្នុងទឹកដីថៃ បាននឹងកំពុងក្លាយជាព័ត៌មានមួយគួរឲ្យចាប់អារម្មណ៍។ ក្រោយពីមានការបដិសេធពីភាគីថៃ ខាងភាគីកម្ពុជា ក៏មិនទ្រដែរព្រមទាំងបានលើកឡើងថា កម្ពុជាក៏មិនបញ្ជាទិញផ្លែលើពីថៃដូចគ្នា។ យ៉ាងណាក្ដីបន្ទាប់ពីភាគីកម្ពុជាថ្លែងដូច្នេះ ភាគីថៃក៏បានបើកកិច្ចប្រជុំសម្របសម្រួលមួយភ្លាម។
កិច្ចប្រជុំបន្ទាន់មួយបានធ្វើឡើងម្តងទៀតរវាង អាជ្ញាធរខេត្តច័ន្ទបុរី ប្រទេសថៃ និងខេត្តប៉ៃលិន ប្រទេសកម្ពុជា នាថ្ងៃទី១៦ ខែកញ្ញា ឆ្នាំ២០១៦ នៅច្រកព្រំដែនអន្តរជាតិព្រំ ក្រោយពីកិច្ចប្រជុំលើកមុនបានបរាជ័យ រវាងមន្ត្រីជំនាញនៃភាគីទាំង២។ បរាជ័យដោយសារតែភាគីថៃ បាន ហាមឃាត់មិនឲ្យកម្ពុជានាំចូលផ្លែស្វាយកែវរមៀត និងផ្លែមៀន និងកសិផលមួយចំនួនទៀត ចូលក្នុងទឹកដីគេទេ ហើយភាគីកម្ពុជាក៏បានឆ្លើយតបវិញថា កម្ពុជាក៏មិនបញ្ជាទិញផ្លែឈើពីប្រទេសថៃវិញដូចគ្នា។
ជាលទ្ធផលនៃកិច្ចប្រជុំសារជាថ្មីនេះ ភាគីទាំងពីរបានពិភាក្សាសម្របសម្រួលគ្នា បន្ទាប់មកភាគីថៃក៏បានអនុញ្ញាតឲ្យភាគីកម្ពុជា នាំកសិផលទាំងនោះចូលដូចដើមវិញ ប៉ុន្តែការនាំចូលនោះបានត្រឹម តែក្នុងខេត្តច័ន្ទបុរីប៉ុណ្ណោះ ដោយរង់ចាំដោះស្រាយគ្នាបន្តទៀតរវាងរដ្ឋមន្ត្រី ក្រសួងកសកម្មនៃប្រទេសទាំង២ នៅពេលខាងមុខ ។
តាមរយៈអគ្គស្នងការដ្ឋាននគរបាលជាតិ បានស្រង់ប្រសាសន៍ អភិបាលរងខេត្តប៉ៃលិនលោកអៀង វុធ យ៉ាងដូច្នេះថា៖ «ក្នុងកិច្ចប្រជុំនោះលោក ក៏បានជម្រាបទៅអភិបាលខេត្ត ច័ន្ទបុរីថា កាលណាភាគីថៃហាមឃាត់ផ្លែឈើកម្ពុជាមិន ឱ្យនាំចូលទៅ ប្រទេសថៃបែបនេះខ្លាចក្រែងប្រជាជនកម្ពុជា កើតក្តីក្តៅក្រហាយនាំគ្នាធ្វើបាតុកម្មប្រឆាំងនិងភាគីថៃមិនឱ្យ នាំចូលផ្លែឈើចូលមកកម្ពុជាវិញ ធ្វើឱ្យបញ្ហានេះកាន់តែប៉ះ ពាល់ធ្ងន់ធ្ងរ»។
ប្រភពដដែលបានឲ្យដឹងទៀតថា ភាគីថៃគេស្នើសុំឲ្យភាគីកម្ពុជា ត្រូវមានអង្គភាពត្រួតពិនិត្យ គុណភាពអនាម័យផលិតផលកសិផលឲ្យបានត្រឹមត្រូវ ធ្វើយ៉ាងណាឲ្យកានាំចូលផលិតផលកសិផលកម្ពុជា ទៅប្រទេសថៃ ដំណើរការទៅរលូន ត្រឹមត្រូវតាមស្តង់ដារ ដើម្បីផលប្រយោជន៍នៃប្រជាជនប្រទេសទាំងពីរ។
ជាការគួរកត់សម្គាល់ ក្នុងរយៈពេលប្រហែល១ខែចុងក្រោយ នេះភាគីថៃបានបិទមិនឱ្យផ្លែស្វាយកែវរមៀត និងផ្លែមៀន និងកសិផលមួយចំនួនទៀតរហូតដល់១៨មុខ មិនឱ្យនាំចូល ប្រទេសថៃនោះទេ ដោយភាគីថៃគេសំអាងថាផ្លែស្វាយកែវ រមៀត និងផ្លែមានរបស់កសិករខ្មែរ មិនល្អ មានផ្ទុកមេរោគ ៣ប្រភេទ បង្កប៉ះពាល់សុខភាពប្រជាជនថៃ។ បញ្ហានេះ មន្ត្រីជំនាញ ខេត្តប៉ៃលិន និងមន្ត្រីជំនាញ ខេត្តចន្ទបុរី បានជួបប្រជុំដោះស្រាយម្តងរួចមកហើយ ប៉ុន្តែបរាជ័យ។ លុះកិច្ចប្រជុំបន្ទាន់រវាងអាជ្ញាធរខេត្តទាំង២បានធ្វើឡើងម្តងទៀត ត្រូវបានគេមើលឃើញថា បានទទួលលទ្ធផលផ្លែផ្លាមួយចំនួន ហើយរំពឹងថាអាចឈានដល់សម្រេចជោគជ័យ នៅពេលរដ្ឋមន្ត្រីក្រសួងកសិកម្មនៃប្រទេសទាំងពីរបើកកិច្ចប្រជុំដោះស្រាយ ជាមួយគ្នានៅពេលឆាប់ៗ ខាងមុខ៕
ប្រភពvayofm
កិច្ចប្រជុំបន្ទាន់មួយបានធ្វើឡើងម្តងទៀតរវាង អាជ្ញាធរខេត្តច័ន្ទបុរី ប្រទេសថៃ និងខេត្តប៉ៃលិន ប្រទេសកម្ពុជា នាថ្ងៃទី១៦ ខែកញ្ញា ឆ្នាំ២០១៦ នៅច្រកព្រំដែនអន្តរជាតិព្រំ ក្រោយពីកិច្ចប្រជុំលើកមុនបានបរាជ័យ រវាងមន្ត្រីជំនាញនៃភាគីទាំង២។ បរាជ័យដោយសារតែភាគីថៃ បាន ហាមឃាត់មិនឲ្យកម្ពុជានាំចូលផ្លែស្វាយកែវរមៀត និងផ្លែមៀន និងកសិផលមួយចំនួនទៀត ចូលក្នុងទឹកដីគេទេ ហើយភាគីកម្ពុជាក៏បានឆ្លើយតបវិញថា កម្ពុជាក៏មិនបញ្ជាទិញផ្លែឈើពីប្រទេសថៃវិញដូចគ្នា។
ជាលទ្ធផលនៃកិច្ចប្រជុំសារជាថ្មីនេះ ភាគីទាំងពីរបានពិភាក្សាសម្របសម្រួលគ្នា បន្ទាប់មកភាគីថៃក៏បានអនុញ្ញាតឲ្យភាគីកម្ពុជា នាំកសិផលទាំងនោះចូលដូចដើមវិញ ប៉ុន្តែការនាំចូលនោះបានត្រឹម តែក្នុងខេត្តច័ន្ទបុរីប៉ុណ្ណោះ ដោយរង់ចាំដោះស្រាយគ្នាបន្តទៀតរវាងរដ្ឋមន្ត្រី ក្រសួងកសកម្មនៃប្រទេសទាំង២ នៅពេលខាងមុខ ។
តាមរយៈអគ្គស្នងការដ្ឋាននគរបាលជាតិ បានស្រង់ប្រសាសន៍ អភិបាលរងខេត្តប៉ៃលិនលោកអៀង វុធ យ៉ាងដូច្នេះថា៖ «ក្នុងកិច្ចប្រជុំនោះលោក ក៏បានជម្រាបទៅអភិបាលខេត្ត ច័ន្ទបុរីថា កាលណាភាគីថៃហាមឃាត់ផ្លែឈើកម្ពុជាមិន ឱ្យនាំចូលទៅ ប្រទេសថៃបែបនេះខ្លាចក្រែងប្រជាជនកម្ពុជា កើតក្តីក្តៅក្រហាយនាំគ្នាធ្វើបាតុកម្មប្រឆាំងនិងភាគីថៃមិនឱ្យ នាំចូលផ្លែឈើចូលមកកម្ពុជាវិញ ធ្វើឱ្យបញ្ហានេះកាន់តែប៉ះ ពាល់ធ្ងន់ធ្ងរ»។
ប្រភពដដែលបានឲ្យដឹងទៀតថា ភាគីថៃគេស្នើសុំឲ្យភាគីកម្ពុជា ត្រូវមានអង្គភាពត្រួតពិនិត្យ គុណភាពអនាម័យផលិតផលកសិផលឲ្យបានត្រឹមត្រូវ ធ្វើយ៉ាងណាឲ្យកានាំចូលផលិតផលកសិផលកម្ពុជា ទៅប្រទេសថៃ ដំណើរការទៅរលូន ត្រឹមត្រូវតាមស្តង់ដារ ដើម្បីផលប្រយោជន៍នៃប្រជាជនប្រទេសទាំងពីរ។
ជាការគួរកត់សម្គាល់ ក្នុងរយៈពេលប្រហែល១ខែចុងក្រោយ នេះភាគីថៃបានបិទមិនឱ្យផ្លែស្វាយកែវរមៀត និងផ្លែមៀន និងកសិផលមួយចំនួនទៀតរហូតដល់១៨មុខ មិនឱ្យនាំចូល ប្រទេសថៃនោះទេ ដោយភាគីថៃគេសំអាងថាផ្លែស្វាយកែវ រមៀត និងផ្លែមានរបស់កសិករខ្មែរ មិនល្អ មានផ្ទុកមេរោគ ៣ប្រភេទ បង្កប៉ះពាល់សុខភាពប្រជាជនថៃ។ បញ្ហានេះ មន្ត្រីជំនាញ ខេត្តប៉ៃលិន និងមន្ត្រីជំនាញ ខេត្តចន្ទបុរី បានជួបប្រជុំដោះស្រាយម្តងរួចមកហើយ ប៉ុន្តែបរាជ័យ។ លុះកិច្ចប្រជុំបន្ទាន់រវាងអាជ្ញាធរខេត្តទាំង២បានធ្វើឡើងម្តងទៀត ត្រូវបានគេមើលឃើញថា បានទទួលលទ្ធផលផ្លែផ្លាមួយចំនួន ហើយរំពឹងថាអាចឈានដល់សម្រេចជោគជ័យ នៅពេលរដ្ឋមន្ត្រីក្រសួងកសិកម្មនៃប្រទេសទាំងពីរបើកកិច្ចប្រជុំដោះស្រាយ ជាមួយគ្នានៅពេលឆាប់ៗ ខាងមុខ៕
ប្រភពvayofm
