ខេត្តស្វាយរៀង៖ ជាញឹកញាប់ សម្តេចតេជោ ហ៊ុន សែន បានក្រើនរំលឹកមន្ត្រីគយ និងរដ្ឋាករ ឲ្យប្រឹងប្រែងបន្តធ្វើការកែទម្រង់លើវិស័យគយ និងរដ្ឋាករ ដោយមិនត្រូវស្ងប់ចិត្ត និងសប្បាយភ្លេចខ្លួន ចំពោះលទ្ធផល ដែលសម្រេចបាននោះឡើយ។ សម្តេចតេជោ បានរំលឹកក្នុងឱកាស ខួប ៦៥ឆ្នាំថ្ងៃកំណើតរដ្ឋបាលគយ និង រដ្ឋាករកម្ពុជានាព្រឹកថ្ងៃទី២៩ ខែមិថុនា ឆ្នាំ២០១៦ នេះថា «ការកែទម្រង់ គឺជាកត្តាស្លាប់រស់របស់កម្ពុជា កែទម្រង់ គឺរស់ មិនកែទម្រង់ គឺស្លាប់។ ហេតុនេះ ចាត់ទុកថា ការកែទម្រង់ គឺជាកិច្ចការប្រចាំថ្ងៃរបស់យើង គ្មានពេលដែល ត្រូវស្ងប់ចិត្ត ហើយសប្បាយភ្លេចខ្លួន ចំពោះលទ្ធផល ដែលគយសម្រេចបាននោះទេ»។ បើទោះជាប្រមុខរាជរដ្ឋភិបាលរំលឹកហើយរំលឹកយ៉ាងណាក៏ដោយចំពោះខេត្តស្វាយរៀងឯណេះវិញ ស្ថាប័នគយខេត្តដែលដឹកនាំដោយលោក ខៀវ សារឿន នៅបន្តទម្លាប់ធូរលង់បណ្តែតបណ្តោយឲ្យមានការរត់ពន្ធទំនិញនាំចូលពីវៀតណាមកាន់តែកើនឡើងយ៉ាងអនាធិបតេយ្យ។
ចាប់តាំងពីលោក ខៀវ សារឿន តែងតាំជាប្រធាសាខាគយ និងរដ្ឋាករ ខេត្តស្វាយរៀងតាមការរំពឹងពីថ្នាក់លើថាអាចដឹកនាំកែលំអ#អនុវត្តគោលនយោបាយកំណែទម្រង់មានប្រសិទ្ធភាព តែផ្ទុយទៅវិញអស់រយៈពេល ជាងមួយឆ្នាំមកហើយ គេមិនដែលឃើញលោក ខៀវ សារឿន ចាត់ ចែងដាក់បញ្ជាឲ្យកូនចៅ ពង្រឹងបន្ថែមនូវប្រសិទ្ធភាព នៃការបង្ការ និងបង្ក្រាបអំពើរត់ពន្ធ ដែលការងារនេះមានសារៈសំខាន់ណាស់ ពីព្រោះវានឹងបង្កើនចំណូលពន្ធចូលថវិការដ្ឋផង និងកាត់បន្ថយនូវវិសមភាពក្នុងការប្រកួតប្រជែងនៅលើទីផ្សារផង និងជាការរួមចំណែក អនុវត្តន៍គោលនយោបាយ កែទម្រង់ក្នុងការប្រមូល ចំណូលពន្ធជូនជាតិ ឲ្យមានប្រសិទ្ធភាពនោះទេ។ ជាមួយគ្នានេះមានមន្ត្រីតូចតាចមួយចំនួនសូមមិនបញ្ចេញឈ្មោះនិយាយថា
ដោយសារតែលោក ខៀវ សារឿន មានអាយុជិតចូលនិវត្តន៍ទើបភាពអសកម្មក្នុងមុខតំណែងដឹកនាំបានកើតឡើង ដែលគេសង្កេតឃើញឈ្មួញទាំងតូចទាំងធំ សូម្បីតែចែ ភី ជាមេឈ្មួញដ៏មានអំណាច ក៏មិនហ៊ានរំលងលោក ខៀវ សារឿន បានដែរ។
ដោយសារតែលោក ខៀវ សារឿន មានអាយុជិតចូលនិវត្តន៍ទើបភាពអសកម្មក្នុងមុខតំណែងដឹកនាំបានកើតឡើង ដែលគេសង្កេតឃើញឈ្មួញទាំងតូចទាំងធំ សូម្បីតែចែ ភី ជាមេឈ្មួញដ៏មានអំណាច ក៏មិនហ៊ានរំលងលោក ខៀវ សារឿន បានដែរ។
មានសេចក្តីរាយការណ៍ពីខេត្តស្វាយរៀងបានអះអាងថា បច្ចុប្បន្នករណីឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ ចូលប្រទេសកម្ពុជា តាមច្រកអន្តរជាតិបាវិត និងច្រករបៀង មួយចំនួនតាមច្រក ព្រំដែន រឹតតែកើនឡើងយ៉ាងអនាធិបតេយ្យ ដោយសមត្ថកិច្ចជំនាញគយ មិនបានទប់ស្កាត់ សកម្មភាពខុសច្បាប់នោះទេ តែបែរជាធ្មេចភ្នែកឲ្យឈ្មួញនាំចូលទំនិញខុសច្បាប់ ដើម្បីប្រមូលប្រាក់ក្រៅប្រព័ន្ធគយ (គ្មានវិក្កយបត្រ) ដែលគេគេចាត់ទុកថាជាការប្រព្រឹត្តអំពើពុករលួយ ពេញបន្ទុក។ ប្រភពបានបញ្ជាក់ថា រាល់ទំនិញដែលឆ្លងកាត់ខេត្តស្វាយរៀងបង់ពន្ធចូលរដ្ឋតែ៤០ភាគរយបណ្ណោះក៏អាចបង្គ្រប់ផែនការប្រមូលពន្ធប្រចាំខែទៅហើយ។ ហេតុដូច្នេះហើយទើបឈ្មួញធំៗមានឱកាសនាំទំនិញគេចពន្ធ ឆ្លងដែនខុសច្បាប់ នាំចូលតាមច្រកព្រំដែនបាវិតមានដូចជា ទំនិញចាប់ហួយ ទំនិញចម្រុះ ថ្នាំពេទ្យ គ្រឿងអេឡិចត្រូនិច គ្រឿងបន្លាស់ គ្រឿងសំណង់ គ្រឿងចក្រ ទំនិញពាក់កណ្តាលសម្រេច ។ល។ ដោយឡែក នៅតាមច្រក របៀង ឈ្មួញបានលួចនាំចូល ម៉ូតូ និងប្រេងសាំង សាច់គោ សាច់ជ្រូក ពោះគោ ពោះជ្រូក សាច់មាន់ គ្រឿងក្នុងមាន់ទា និងស៊ុតមាន់ ស៊ុតទា ព្រមទាំងបន្លែ ផ្លែឈើ សុទ្ធតែគេចពន្ធតែបានបង់លុយក្រៅផ្លូវការ ជូនមន្ត្រីគយតាមច្រកនិមួយៗ រហូតលោក ខៀវ សារឿន ។
សេចក្តីរាយការណ៍បានឲ្យដឹងទៀតថា លោក ខៀវ សារឿន ជាប្រធានសាខាគយ ខេត្តស្វាយរៀង មិនចាត់វិធានការបង្ក្រាបករណីរត់ពន្ធទំនិញនោះសោះ បើទោះជាដឹងថា ម៉ូតូគេចពន្ធដែលផលិតនៅវៀតណាមត្រូវបាន ឈ្មួញនាំ ចូលប្រទេសកម្ពុជា យ៉ាងអនាធិបតេយ្យ ។ ហើយម៉ូតូទាំងនោះ ត្រូវបានឈ្មួញនាំចូល តាមច្រករបៀងនានា នៃតំបន់ព្រំដែន ស្រុកចន្ទ្រា យកមកស្តុកទុកលក់ក្នុងខេត្តនិងមួយចំនួនក្រុមឈ្មួញ នាំចេញបន្តទៅបណ្តាខេត្តមួយចំនួន ដូចជា ខេត្តព្រៃវែង ខេត្តកណ្តាល និងខេត្តកំពង់ចាម គេមិន ដែលឃើញលោក ខៀវ សារឿន ចាត់វិធានការបង្ក្រាបម្តងណាឡើយ។ ចំពោះសកម្មភាពនាំចូលប្រេង សាំងគេចពន្ធ យកមកលក់ចែកចាយ នៅទូទាំងខេត្តស្វាយរៀង ក៏កំពុងធ្វើឲ្យខាតបង់ ចំណូលថវិកាជាតិដែលមិនសក្តិសមបណ្តែតបណ្តោយឲ្យកើតឡើងឡើយ។ ប៉ុន្តែអ្វីៗត្បិតរដ្ឋមិនទទួលបានចំណូលក៏ពិតមែនតែលោកមេគយសាខាខេត្ត ខៀវ សារឿន និងលោក នង សុខុម ប្រធានការិយាល័យគយ និងរដ្ឋាករ ប្រចាំច្រកបាវិត បានសម្ងំប្រមូលលុយយ៉ាងសុខស្រួល ។
ប្រភពបានបង្ហើបដោយអះអាងថា លោក ខៀវ សារឿន ជាប្រធានសាខាគយ ខេត្តស្វាយរៀង មានទំនាក់ ទំនងនឹងលោក នង សុខុម ប្រធានការិយាល័យគយ និងរដ្ឋាករ ប្រចាំច្រកបាវិត យ៉ាងស្អឹតរមួត គ្រង់យ៉ាងព័ត៌មាននៃមុខសញ្ញារត់ពន្ធទំនិញសុទ្ធតែស្ថិតក្នុងកណ្តាប់ដៃលោក នង សុខុម ហើយខណៈគយដើមទី ក្រោមការចាត់ចែងរបស់លោក នង សុខុម ជាអ្នកត្រួតពិនិត្យប្រភេទ និងបរិមាណទំនិញនាំចូល បង់ពន្ធគ្រប់ ឬមិនគ្រប់ ទំនិញគេចពន្ធសុទ្ធដឹកចូលតាមរថយន្តកុងតឺន័រ បង្កប់តាមរថយន្តក្រុងដឹកអ្នកដំណើរ ដែលចេញចូលតាមច្រកបាវិតរាល់ថ្ងៃសុទ្ធសឹងជាប្រភពប្រាក់ចំណូលយ៉ាងក្រាសក្រែលរបស់លោក នង សុខុម ប្រធានការិយាល័យគយ និងរដ្ឋាករ ប្រចាំច្រកបាវិត ហើយជាមួយគ្នានេះលោក ខៀវ សារឿន ប្រធានសាខាគយក៏មានលទ្ធភាពប្រើប្រាស់មនុស្សជំនិតប្រមូលលុយពីពួកឈ្មួញតូចធំៗ បានយ៉ាងងាយស្រូលផងដែរ។ ករណីនេះរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាពិសេសអគ្គនាយកដ្ឋានគយ និងរដ្ឋាករ គួរចាត់តាំងឲ្យមានការអង្កេតស្រាវជ្រាវ លុបបំបាត់អំពើពុករលួយ ដែលប្រព្រឹត្តឡើងដោយលោក ខៀវ សារឿន និងលោក នង សុខុម ជាបន្ទាន់ដើម្បីទប់ស្កាត់ការបំផ្លាញប្រាក់ពន្ធពីមន្ត្រីខិលខូចមួយក្តាប់តូចនេះ ៕
----------------------------
http://mlobkhmer-news.com/2860
http://mlobkhmer-news.com/2860
