ភ្នំពេញ៖ អគ្គលេខាធិការរងនៃគណៈកម្មាធិការជាតិ រៀបចំការបោះឆ្នោត (គ.ជ.ប) លោក សោម សូរីដា បានថ្លែង នៅព្រឹកថ្ងៃទី១២ ខែសីហា ឆ្នាំ២០១៦ថា ជាជនណាក៏ដោយ ឲ្យតែមានសញ្ជាតិខ្មែរ អត្តសញ្ញាណប័ណ្ណខ្មែរ ទោះបីជាមិនចេះនិយាយភាសាខ្មែរ គឺអាចបោះឆ្នោតបាន ដោយមិនប្រកាន់អ្វីឡើយ ។ មានប្រសាសន៍ក្នុងពេលបើកវគ្គ បណ្ដុះបណ្ដាល អ្នកសារព័ត៌មាន ស្ដីពី ការចុះឈ្មោះបោះឆ្នោត ដើម្បីរៀបចំបញ្ជីបោះឆ្នោតថ្មី ឆ្នាំ២០១៦ នៅព្រឹកថ្ងៃទី១២ ខែសីហា ឆ្នាំ២០១៦ លោក សោម សូរីដា បានថ្លែងថា ឲ្យតែមានសញ្ជាតិជាខ្មែរ គឺបោះឆ្នោត បានទាំងអស់គ្នា។ សូមជំរាបថា លទ្ធផលបោះឆ្នោតអាណត្តិទី៥ កាលពីឆ្នាំ២០១៣ គណបក្សប្រជនកម្ពុជា ទទួលបាន ៦៨អាសនៈ និងគណបក្សសង្គ្រោះជាតិ ទទួលបាន ៥៥អាសនៈ៕
--------------
dap-news.
