ក្រុមគ្រូពេទ្យកំពុងជួយសង្គ្រោះអ្នកត្រូវរបួស
12-08-2016
ប៉ូលិសថៃបានបញ្ជាក់នៅថ្ងៃសុក្រនេះថា ការបំផ្ទុះគ្រាប់បែកជាច្រើនគ្រាប់ ដែលបានបណ្ដាលឲ្យមនុស្សបួននាក់ស្លាប់និងរបួសជាច្រើននាក់ថ្មីៗនេះ មិនមែនជាអំពើភេរវកម្មទេ គ្រាន់ជាការវាយប្រហារបំផ្លាញនៅក្នុងស្រុកប៉ុណ្ណោះ។ប៉ូលិសបានប្រាប់អ្នកសារព័ត៌មានថា ហេតុការណ៍បំផ្ទុះគ្រាប់បែកមិនមែនជាអំពើភេរវកម្មទេ តែជាហេតុការណ៍កើតឡើងក្នុងខេត្ដតាមគោលដៅក្នុងស្រុក។
យ៉ាងតិចណាស់មានការបំផ្ទុះគ្រាប់បែក១១គ្រាប់ ភាគច្រើនជាការបំផ្ទុះភ្លោះ បានវាយប្រហារនៅក្នុងខេត្ដចំនួន៥នៅភាគខាងត្បូងប្រទេសថៃក្នុងរយៈពេល២៤ម៉ោង។ក្នុងនោះមានការបំផ្ទុះភ្លោះនៅក្នុងក្រុងHua Hinកាលពីយប់ថ្ងៃព្រហស្បតិ៍ និងមានការបំផ្ទុះជាបន្ដបន្ទាប់ទៀតនៅព្រឹកថ្ងៃ១២សីហានេះ។
នៅមិនទាន់ច្បាស់ទេថាមានក្រុមណាមួយនៅពីក្រោយហេតុការណ៍បំផ្ទុះគ្រាប់បែក ទោះបីមានពាក្យចរចាមអារ៉ាមថា ពួកឧទ្ទាមមូស្លីមបះបោរនៅភាគខាងត្បូងប្រទេសថៃជាអ្នកនៅពីក្រោយ ប៉ុន្ដែប៉ូលិសបានច្រានចោល ព្រោះមិនទាន់មានភស្ដុតាងច្បាស់លាស់។
ខេត្ដនៅភាគខាងត្បូងប្រទេសថៃ បានក្លាយជាតំបន់បះបោរដ៏ក្ដៅគគុកជាងមួយទសវត្សមកហើយ ប៉ុន្ដែអំពើហិង្សាភាគច្រើនកើតឡើងនៅតំបន់ដាច់ស្រយាលគឺនៅតាមព្រំដែន ដែលស្ថិតនៅឆ្ងាយពីទីតាំងរងការបំផ្ទុះគ្រាប់បែកថ្មីៗនេះ។
សូមបញ្ជាក់ថា ក្រោយមានការបំផ្ទុះគ្រាប់បែកផ្ទួនៗគ្នាកើតឡើង ប៉ូលិសបានចេញសេចក្ដីថ្លែងការណ៍បញ្ជាពង្រឹងសន្ដិសុខនៅតាមការិយាល័យរដ្ឋាភិបាលសំខាន់ៗ និងទីសាធារណៈមួយចំនួនទៀត ពិសេសនៅតាមចំណតរថយន្ដក្រុង ស្ថានីយ៍រថភ្លើង អាកាសយានដ្ឋាន តំបន់ទេសចរណ៍ ភោជនីយដ្ឋាន និងនៅតាមកន្លែងកំសាន្ដនានា ដែលមានមនុស្សប្រមូលផ្ដុំច្រើន។
ប្រព័ន្ធផ្សព្វផ្សាយក្នុងស្រុកបានរាយការណ៍ថា មានភ្លើងឆាបឆេះជាច្រើនកន្លែងផងដែរនៅខេត្ដភាគខាងត្បូងប្រទេសថៃក្នុងរយៈពេល២៤ដូចគ្នា ប៉ុន្ដែមិនទាន់ច្បាស់ថាមានជាប់ពាក់ព័ន្ធនឹងការបំផ្ទុះគ្រាប់បែកឬអត់ទេ។
ជាការកត់សម្គាល់ ហេតុការណ៍បំផ្ទុះគ្រាប់បែកនៅក្នុងខេត្ដភាគខាងត្បូងជាច្រើនគ្រាប់ថ្មីៗនេះ កើតឡើងបន្ទាប់ពីថៃទើបតែបានបញ្ចប់ការធ្វើប្រជាមតិកាលពីថ្ងៃអាទិត្យចុងសប្ដាហ៍មុន។ជាការធ្វើប្រជាមតិសាកល្បងលើសេចក្ដីព្រាងរដ្ឋធម្មនុញ្ញថ្មីគាំទ្រដោយរបបយោធា។សេចក្ដីព្រាងច្បាប់នេះទៀតសោត មានប្រជាជនថៃមួយចំនួនមិនពេញចិត្ដ ដោយខា្លចរបបយោធាមកគ្រប់គ្រងលើសិទ្ធិសេរីភាពរបស់ពួកគេកាន់តែខ្លាំងជាងមុន ស្របពេលបច្ចុប្បន្នកំពុងរឹតដ្បិតស្រាប់ផង៕
---------------------
http://vayofm.com/news/detail/71210-213761634.html
ប៉ូលិសថៃបានបញ្ជាក់នៅថ្ងៃសុក្រនេះថា ការបំផ្ទុះគ្រាប់បែកជាច្រើនគ្រាប់ ដែលបានបណ្ដាលឲ្យមនុស្សបួននាក់ស្លាប់និងរបួសជាច្រើននាក់ថ្មីៗនេះ មិនមែនជាអំពើភេរវកម្មទេ គ្រាន់ជាការវាយប្រហារបំផ្លាញនៅក្នុងស្រុកប៉ុណ្ណោះ។ប៉ូលិសបានប្រាប់អ្នកសារព័ត៌មានថា ហេតុការណ៍បំផ្ទុះគ្រាប់បែកមិនមែនជាអំពើភេរវកម្មទេ តែជាហេតុការណ៍កើតឡើងក្នុងខេត្ដតាមគោលដៅក្នុងស្រុក។
យ៉ាងតិចណាស់មានការបំផ្ទុះគ្រាប់បែក១១គ្រាប់ ភាគច្រើនជាការបំផ្ទុះភ្លោះ បានវាយប្រហារនៅក្នុងខេត្ដចំនួន៥នៅភាគខាងត្បូងប្រទេសថៃក្នុងរយៈពេល២៤ម៉ោង។ក្នុងនោះមានការបំផ្ទុះភ្លោះនៅក្នុងក្រុងHua Hinកាលពីយប់ថ្ងៃព្រហស្បតិ៍ និងមានការបំផ្ទុះជាបន្ដបន្ទាប់ទៀតនៅព្រឹកថ្ងៃ១២សីហានេះ។
នៅមិនទាន់ច្បាស់ទេថាមានក្រុមណាមួយនៅពីក្រោយហេតុការណ៍បំផ្ទុះគ្រាប់បែក ទោះបីមានពាក្យចរចាមអារ៉ាមថា ពួកឧទ្ទាមមូស្លីមបះបោរនៅភាគខាងត្បូងប្រទេសថៃជាអ្នកនៅពីក្រោយ ប៉ុន្ដែប៉ូលិសបានច្រានចោល ព្រោះមិនទាន់មានភស្ដុតាងច្បាស់លាស់។
ខេត្ដនៅភាគខាងត្បូងប្រទេសថៃ បានក្លាយជាតំបន់បះបោរដ៏ក្ដៅគគុកជាងមួយទសវត្សមកហើយ ប៉ុន្ដែអំពើហិង្សាភាគច្រើនកើតឡើងនៅតំបន់ដាច់ស្រយាលគឺនៅតាមព្រំដែន ដែលស្ថិតនៅឆ្ងាយពីទីតាំងរងការបំផ្ទុះគ្រាប់បែកថ្មីៗនេះ។
សូមបញ្ជាក់ថា ក្រោយមានការបំផ្ទុះគ្រាប់បែកផ្ទួនៗគ្នាកើតឡើង ប៉ូលិសបានចេញសេចក្ដីថ្លែងការណ៍បញ្ជាពង្រឹងសន្ដិសុខនៅតាមការិយាល័យរដ្ឋាភិបាលសំខាន់ៗ និងទីសាធារណៈមួយចំនួនទៀត ពិសេសនៅតាមចំណតរថយន្ដក្រុង ស្ថានីយ៍រថភ្លើង អាកាសយានដ្ឋាន តំបន់ទេសចរណ៍ ភោជនីយដ្ឋាន និងនៅតាមកន្លែងកំសាន្ដនានា ដែលមានមនុស្សប្រមូលផ្ដុំច្រើន។
ប្រព័ន្ធផ្សព្វផ្សាយក្នុងស្រុកបានរាយការណ៍ថា មានភ្លើងឆាបឆេះជាច្រើនកន្លែងផងដែរនៅខេត្ដភាគខាងត្បូងប្រទេសថៃក្នុងរយៈពេល២៤ដូចគ្នា ប៉ុន្ដែមិនទាន់ច្បាស់ថាមានជាប់ពាក់ព័ន្ធនឹងការបំផ្ទុះគ្រាប់បែកឬអត់ទេ។
ជាការកត់សម្គាល់ ហេតុការណ៍បំផ្ទុះគ្រាប់បែកនៅក្នុងខេត្ដភាគខាងត្បូងជាច្រើនគ្រាប់ថ្មីៗនេះ កើតឡើងបន្ទាប់ពីថៃទើបតែបានបញ្ចប់ការធ្វើប្រជាមតិកាលពីថ្ងៃអាទិត្យចុងសប្ដាហ៍មុន។ជាការធ្វើប្រជាមតិសាកល្បងលើសេចក្ដីព្រាងរដ្ឋធម្មនុញ្ញថ្មីគាំទ្រដោយរបបយោធា។សេចក្ដីព្រាងច្បាប់នេះទៀតសោត មានប្រជាជនថៃមួយចំនួនមិនពេញចិត្ដ ដោយខា្លចរបបយោធាមកគ្រប់គ្រងលើសិទ្ធិសេរីភាពរបស់ពួកគេកាន់តែខ្លាំងជាងមុន ស្របពេលបច្ចុប្បន្នកំពុងរឹតដ្បិតស្រាប់ផង៕
---------------------
http://vayofm.com/news/detail/71210-213761634.html
