ខេត្តបាត់ដំបង៖ អ្នកភូមិបឹងក្រសាល,ស្រុកបាណន់ ខេត្តបាត់ដំបង កើតហេតុភេទចម្លែក ផ្អើលទាំងភូមិខណៈព្រឹកមិញនេះម៉ោង០៩និង០០នាទីថៃ្ងទី ៣១កក្កដា២០១៦ មានទាំងអាជ្ញាធរនិងប្រជាពលរដ្ឋផងដែរបាននំាគ្នាធ្វើពិធីតាមបែបសាសនាបួងសួងសុំសេចក្តីសុខសប្បាយនៅផ្ទះមួយខ្នង ស្ថិតនៅក្នុងភូមិបឹងក្រសាល ឃុំស្នឹង ស្រុកបាណន់នោះ។
ដោយហេតុការណ៍ចម្លែកនោះគឺផ្ទះមួយខ្នងនៅសុខៗមានភ្លើងឆេះក្នុងផ្ទះអស់រយៈពេល១៥ថ្ងៃហើយ មិនរលត់សោះ ។
បើយោងតាមព័ត៌មានពីហេតុការណ៍នេះឲ្យដឹងថា ផ្ទះដែលមានម្ចាស់ខាង(ប្តី)ឈ្មោះ បឿន សាលឿន អាយុ៣៧ឆ្នាំ និងប្រពន្ឋឈ្មោះ កោប យី អាយុ៣៨ឆ្នាំ មានកូន៣នាក់គិតទំាងកូនក្នុងផ្ទៃ៨ខែផងនោះ អគ្គិភ័យដែលឆេះមិនដឹងមូលហេតុនេះកើតឡើងតំាងពីថ្ងៃទី១៧ កក្កដា រហូតមកដល់វេលាម៉ោង៧យប់ថ្ងៃទី៣០ កក្កដា២០១៦នេះហើយនៅតែមិនរលត់ទៀត ។
បើតាមសម្ដីម្ចាស់ផ្ទះនិងអ្នកជិតខាងបានប្រាប់ថា នៅក្នុងផ្ទះនេះតែងតែកើតមានអគ្គិភ័យរហូត ដោយម្តង(ឆេះខ្នើយ) (ម្តងឆេះជង្រុកស្រូវ) និង(ឆេះកញ្ច្រែងដាក់ឌីស) (ឆេះខោឆេះអាវ)
ទោះយកអីវ៉ាន់ទាំងអស់នោះទៅដាក់ចោលនៅលើរបង ក៏តាមទៅឆេះរបងនោះទៀត ក្រោយមកម្ចាស់បានយកអីវ៉ាន់ទៅផ្ញើផ្ទះអ្នកជិតខាង ក៏តាមទៅឆេះអីវ៉ាន់ដល់ផ្ទះនោះទៀត ពេលនេះអ្នកជិតខាងលែងឲ្យផ្ញើហើយ ។
មិនអស់ចិត្តម្ចាស់ផ្ទះរត់ទៅរកព្រះសង្ឃដើម្បីទោះទាយមើលតើខុសអ្វីទៅ ? ។
ព្រះសង្ឃបាននិមន្តមកហើយ មានពុទ្ធដីកាថា (ញោមបានទុក្ខវត្ថុស័ក្ដិសិទ្ធិមួយក្នុងផ្ទះហើយ) ទើបបណ្ដាលឲ្យកើតមានអគ្គិភ័យបែប(ភ្លើងឆេះ)យ៉ាងដូច្នេះ ។
ព្រះសង្ឃបាននិមន្តមកហើយ មានពុទ្ធដីកាថា (ញោមបានទុក្ខវត្ថុស័ក្ដិសិទ្ធិមួយក្នុងផ្ទះហើយ) ទើបបណ្ដាលឲ្យកើតមានអគ្គិភ័យបែប(ភ្លើងឆេះ)យ៉ាងដូច្នេះ ។
វត្ថុដែលស័ក្ដិសិទ្ធិនោះ ត្រូវបានម្ចាស់ផ្ទះថា គាត់រើសបានមួយរយ:ហើយវា(ស្រដៀងម្កុដ) មានទំហំ៧ហ៊ុនមកទុកលើផ្ទះ ហើយចាប់តំាងពីថ្ងៃនោះមកក៏កើតមានភ្លើងឆេះក្នុងផ្ទះរហូត អញ្ចឹងទៅ ។ ប៉ុន្តែរឿងដែលជាចម្ងល់មួយទៀតនោះ នៅពេលម្ចាស់ផ្ទះបានយកវត្ថុនោះចេញហើយអគ្គិភ័យនៅតែកើតមានដដែលៗ នេះបានទើបជារឿងដែលគួរឲ្យភ័យព្រួយបំផុត ។
មកដល់ព្រឹកនេះអាជ្ញាធរមូលដ្ឋានឃុំ-ស្រុក បានរៀបចំបួងសួងសុំសេចក្តីសុខដោយមានប្រជាពលរដ្ឋអ្នកភូមិ ជាច្រើនកុះករមកចូលរួមបួងសួងផងដែរ អាចថារាប់រាយអ្នកឯណោះ ។
មកដល់ព្រឹកនេះអាជ្ញាធរមូលដ្ឋានឃុំ-ស្រុក បានរៀបចំបួងសួងសុំសេចក្តីសុខដោយមានប្រជាពលរដ្ឋអ្នកភូមិ ជាច្រើនកុះករមកចូលរួមបួងសួងផងដែរ អាចថារាប់រាយអ្នកឯណោះ ។
យើងចំាតាមដានមើលបន្ត ថាតើបន្ទាប់ពីធ្វើពិធីសួងសួងចប់ អគ្គិភ័យនឹងកើតមានទៀតដែរឬទេ? ៕
