ថ្ងៃទី ២៦/០៦ /២០១៧ ព្រឹកនេះមានកងកំលាំងប្រដាប់អាវុធជាច្រើនបានជួបជុំគ្នានៅខាងមុខវត្ត ពោធិយារាម ហៅវត្ត ចាស់ មានទាំងឡានដឹក នឹងឧទ្ធមភាចាក់ ហោះពីលើវត្តទៀតផង! អ្វីដែលគួរអោយ កត់សម្គាល់ផងនោះ បុណ្យរំលឹកខួប កម្ពុជាក្រោមត្រូវបានបាត់បង់ ៦៨ឆ្នាំ ដែលបារាំងបានកាត់អោយប្រទេសវៀតណាម (យួន) ធ្វើឡើងនៅវត្តពោធិយារាម ហៅវត្តចាស់ កាលពី ថ្ងៃទី ២៥/០៦/២០១៧ កន្លងទៅ ទើបតែបញ្ចប់។
ចំណែកឯនៅថ្ងៃនេះផងដែរ សមាគមខ្មែរកម្ពុជាក្រោម ដែលដឹកនាំដោយ ឯកឧត្តម ថាច់ ស៊ីថា លោកបានមានគម្រោង ជាមួយនិង សហគមន៍ខ្មែរកម្ពុជាក្រោម រួមនិងសម្ព័ន្ធយុវជនខ្មែរដើម្បីប្រជាធិបតេយ្យ និងប្រជាពលរដ្ឋខ្មែរ ជាច្រើនទៀត ធ្វើការដង្ហែញត្តិទៅដាក់ជូនរដ្ឋសភាជាតិ ក្នុងគោលបំណង អោយសភាជាតិបញ្ចូលថ្ងៃ ០៤មិថុនា ជាថ្ងៃបុណ្យ កាន់ទុក្ខជាតិ ដែលបារាំងបានកាត់ផ្ទេរទឹកដី កម្ពុជាក្រោម ទៅអោយ ប្រទេសវៀតណាម ដាក់អានានិគមបន្ត ។
