រឿងរ៉ាវពលរដ្ឋខ្មែរនៅឃុំត្នោត ខេត្តស្វាយរៀង បោះបង់ចោលភូមិកំណើត ធ្វើឲ្យមជ្ឈដ្ឋាននានាចាប់អារម្មណ៍យ៉ាងខ្លាំង
-----------------
ថ្ងៃ October 31, 2016 ដោយ មនសិការខ្មែរ
ប្រភពព័ត៌មានពីពលរដ្ឋខ្មែររស់នៅតាមតំបន់ព្រំដែនភូមិធ្លក ឃុំត្នោត ស្រុកកំពង់រោទ៍ ខេត្តស្វាយរៀង បានឲ្យដឹងថា ពួកគាត់ជាច្រើនគ្រួសារបានបោះបង់ចោលភូមិកំណើតមកតាំងទីលំនៅក្នុងភូមិធ្លកថ្មី ក្រោយពេលបង្គោលព្រំដែនខ្មែរ-យួនក្នុងតំបន់នេះ ត្រូវបានបោះរួចរាល់។ ពលរដ្ឋភូមិធ្លក ដែលសុំមិនបញ្ចេញឈ្មោះបានឲ្យដឹងថា បង្គោលព្រំដែនលេខ២០២ និង២០៣ បានបោះចូលជ្រៅមកក្នុងទឹកដីខ្មែរធ្វើឲ្យប៉ះពាល់ដល់ទីកន្លែងកំណើតរបស់ពួកគាត់ ហេតុនេះហើយទើបពួកគាត់សម្រេចចាកចេញទៅកាន់ទីតាំងថ្មី។ ប្រភពបានឲ្យដឹងទៀតថា បង្គោលព្រំដែនខ្មែរ-យួនលេខ២០២ និង២០៣ នៅចន្លោះភូមិធ្លកចាស់ និងភូមិធ្លកថ្មី ឃុំត្នោត ស្រុកកំពង់រោទ៍ ដែលជាកន្លែងមានការប្រឈមមុខដាក់គ្នារវាងទាហាននិងប្រជាជនយួនជាមួយពលរដ្ឋខ្មែរកាលពីអំឡុងខែកក្កដា ឆ្នាំ២០១៥។
-----------------
ថ្ងៃ October 31, 2016 ដោយ មនសិការខ្មែរ
ប្រភពព័ត៌មានពីពលរដ្ឋខ្មែររស់នៅតាមតំបន់ព្រំដែនភូមិធ្លក ឃុំត្នោត ស្រុកកំពង់រោទ៍ ខេត្តស្វាយរៀង បានឲ្យដឹងថា ពួកគាត់ជាច្រើនគ្រួសារបានបោះបង់ចោលភូមិកំណើតមកតាំងទីលំនៅក្នុងភូមិធ្លកថ្មី ក្រោយពេលបង្គោលព្រំដែនខ្មែរ-យួនក្នុងតំបន់នេះ ត្រូវបានបោះរួចរាល់។ ពលរដ្ឋភូមិធ្លក ដែលសុំមិនបញ្ចេញឈ្មោះបានឲ្យដឹងថា បង្គោលព្រំដែនលេខ២០២ និង២០៣ បានបោះចូលជ្រៅមកក្នុងទឹកដីខ្មែរធ្វើឲ្យប៉ះពាល់ដល់ទីកន្លែងកំណើតរបស់ពួកគាត់ ហេតុនេះហើយទើបពួកគាត់សម្រេចចាកចេញទៅកាន់ទីតាំងថ្មី។ ប្រភពបានឲ្យដឹងទៀតថា បង្គោលព្រំដែនខ្មែរ-យួនលេខ២០២ និង២០៣ នៅចន្លោះភូមិធ្លកចាស់ និងភូមិធ្លកថ្មី ឃុំត្នោត ស្រុកកំពង់រោទ៍ ដែលជាកន្លែងមានការប្រឈមមុខដាក់គ្នារវាងទាហាននិងប្រជាជនយួនជាមួយពលរដ្ឋខ្មែរកាលពីអំឡុងខែកក្កដា ឆ្នាំ២០១៥។
សកម្មជនព្រំដែននិងមន្ត្រីអង្គការក្រៅរដ្ឋាភិបាលបានអំពាវនាវឲ្យលោក វ៉ា គឹមហុង ប្រធានគណៈកម្មាធិការចម្រុះកិច្ចការព្រំដែនកម្ពុជា និងជាទេសរដ្ឋមន្ត្រីទទួលបន្ទុកកិច្ចការព្រំដែន ពិនិត្យមើលករណីពលរដ្ឋខ្មែរផ្លាស់ប្ដូរទីលំនៅពីភូមិធ្លកចាស់ ទៅរស់នៅក្នុងភូមិធ្លកថ្មីនោះផង។ ដោយហេតុថា ពលរដ្ឋជាច្រើនគ្រួសារនៅភូមិធ្លកចាស់ បានរើចេញពីទីកន្លែងកំណើតរបស់ខ្លួនមកតាំងទីលំនៅភូមិធ្លកថ្មី បន្ទាប់ពីបង្គោលព្រំដែនលេខ២០២ និង២០៣ បោះចូលជ្រៅមកក្នុងទឹកដីខ្មែរ។ ការដែលពលរដ្ឋខ្មែរចាកចេញពីភូមិធ្លកចាស់ គឺដោយសារតែមិនអាចស៊ូទ្រាំនឹងការធ្វើទុក្ខបុកម្នេញពីសំណាក់អាជ្ញាធរយួន ក៏ដូចជាសមត្ថកិច្ចយួនការពារព្រំដែន។
តាមការអះអាងរបស់ប្រជាពលរដ្ឋដែលចាកចេញពីភូមិកំណើតបានឲ្យដឹងថា ភូមិធ្លកចាស់ គឺជាទឹកដីខ្មែរយ៉ាងពិតប្រាកដព្រោះពួកគាត់រស់នៅតំបន់នេះតពីដូនតាមក ហើយមានផ្នូរដូនតារបស់ពួកគាត់ជាភស្ដុតាងទៀតផង។ ពលរដ្ឋដែលសម្រេចចិត្តរើលំនៅដ្ឋានបានឲ្យដឹងថា បើសិនជាពួកគាត់មិនរើចេញទេនោះ គឺត្រូវប្រឈមនឹងការគំរាមកំហែងសព្វបែបយ៉ាងពីអាជ្ញាធរ និងសមត្ថកិច្ចយួន ព្រោះបច្ចុប្បន្នទឹកដីភូមិធ្លកចាស់ ក្លាយជាទឹកដីយួនរួចទៅហើយ ចំណែកភូមិដែលពួកគាត់តាំងលំនៅបច្ចុប្បន្នត្រូវដាក់ឈ្មោះថា ជាភូមិធ្លកថ្មី ព្រោះភូមិចាស់ធ្លាក់ទៅក្នុងកណ្ដាប់ដៃយួន។ សកម្មជនព្រំដែននិងក្រុមមន្ត្រីសង្គមស៊ីវិលបានកត់សម្គាល់ថា ការបោះបង្គោលព្រំដែនកម្ពុជា-យួនកន្លងមក មិនឃើញមានចំណេញអ្វីសម្រាប់ភាគីកម្ពុជានោះទេ ជាក់ស្ដែងពលរដ្ឋភូមិធ្លកចាស់ ជាច្រើនគ្រួសារត្រូវផ្លាស់ប្ដូរទីលំនៅដោយសារទីកន្លែងកំណើតរបស់ពួកគាត់ក្លាយជាដីយួនបន្ទាប់ពីបង្គោព្រំដែនលេខ២០២ និង២០៣ ត្រូវបានបោះរួចរាល់៕
<
