នេះអាចចាត់ទុកថា ជាលើកដំបូងហើយដែលអ្នកប្រដាល់កម្ពុជាលេចមុខប្រកួតក្នុងព្រឹត្តិការណ៍ធំលំដាប់អន្តរជាតិនៅលើទឹកដីបារាំង និងជាឱកាសដែលកីឡាករកម្ពុជាបង្ហាញសមត្ថភាពឲ្យពិភពលោកបានស្គាល់ និងរកចំណូលបន្ថែមទៀត។
កែវ រំចង់
កែវ រំចង់បានប្រាប់ថា រូបគេពិតជាមានឈ្មោះទៅប្រកួតក្នុងកម្មវិធី The Best of Siam នាថ្ងៃទី២៩ ខែតុលា ឆ្នាំ២០១៦ខាងមុខនៅប្រទេសបារាំងមែន។ ពាក់ព័ន្ធនឹងការប្រកួតនេះ កីឡាករនៅខេត្តបាត់ដំបងរូបនេះបានប្រាប់ថា រូបគេទទួលបានតម្លៃខ្លួនចំនួន២៥០០អឺរ៉ូ (ជិត៣ពាន់ដុល្លារអាមេរិក»ដោយមិនគិតថា ឈ្នះ ឬចាញ់នោះទេគឺទទួលបានតម្លៃខ្លួនចំនួននេះ។ យ៉ាងណា សម្រាប់អ្នកឈ្នះនឹងទទួលបានខ្សែក្រវាត់។
ជើងខ្លាំងកម្ពុជា កែវ រំចង់ នឹងត្រូវប្រឈមនឹងជើងខ្លាំងម្ចាស់ផ្ទះបារាំង Morgan Adrar ដែលមានបទពិសោធន៍ជោកជាំក្នុងអាជីពប្រដាល់សេរី។
កែវ រំចង់
តាមពិតទៅកីឡាករកម្ពុជារូបនេះធ្លាប់ចេញទៅប្រកួតនៅប្រទេសបារាំង២ដង និងធ្លាប់ឈ្នះខ្សែក្រវាត់ថែមទៀត ប៉ុន្តែជាការរៀបចំរបស់សហព័ន្ធគុនខ្មែរនៅប្រទេសបារាំង។ សម្រាប់ការប្រកួតលើកនេះត្រូវបានគេដឹងថា រៀបចំធំដែលប្រជុំដោយកំពូលជើងខ្លាំងជាច្រើនរួមទាំងកីឡាករថៃប៉ះកីឡាករបារាំង៕
មើលការវ៉ៃរបស់កីឡាករបារាំង Morgan Adrar ដែលប្រកួតនឹងកីឡាករថៃ Saenchai
