ក្នុងមួយឆ្នាំម្តង ទាហានទ័ពអាកាស នៃក្រុមយន្តហោះទម្លាក់គ្រាប់ Bomb Wing ជំនាន់ទី៥ តែងតែសាកល្បងសមត្ថភាព ក្នុងការធ្វើប្រតិបត្តិការ យន្តហោះទម្លាក់គ្រាប់បែក សមត្ថភាពនុយក្លេអ៊ែ របស់ពួកគេ ហើយឆ្នាំនេះ B-52 ធំៗ ១២គ្រឿង បានហោះឡើងពីមូលដ្ឋានទ័ពអាកាស Minot Air Force Base នៅរដ្ឋដូកាតាខាងជើង។
ទោះជាកងទ័ពអាកាសសហរដ្ឋអាមេរិក បានធ្វើការហោះហើរយន្តហោះទម្លាក់គ្រាប់ Boeing B-52 Stratofortress តាំងពីទសវត្សឆ្នាំ ១៩៥០ ក៏ដោយ ក៏យន្តហោះទម្លាក់គ្រាប់ខ្នាតធំទាំងនេះ នៅតែដើរតួនាទីយ៉ាងសំខាន់ ក្នុងការគ្របដណ្ដប់លើអាវុធនុយក្លេអ៊ែជាតិ ដោយកាលពីដើមឆ្នាំនេះ B-52 មួយគ្រឿង បានលេចចេញបង្ហាញនូវសាមគ្គីភាព ប្រឆាំងទៅនឹងកូរ៉េខាងជើង ក្នុងអំឡុងនៃការហោះទាបៗ លើ Osan ក្នុងប្រទេសកូរ៉េខាងត្បូង។
ឮយោងតាមលោក Matthew Brooks ការសាកល្បងនៃការហោះហើរជាប្រចាំឆ្នាំនេះ គឺធ្វើឡើង ដើម្បីឲ្យប្រាកដថា នាយទាហាន និង B-52 បានរក្សានូវស្មារតីខ្ពស់ ត្រៀមខ្លួនរួចរាល់ជាស្រេច ក្នុងការប្រយុទ្ធ និងដើម្បីបង្ហាញថា យន្តហោះទម្លាក់គ្រាប់ទាំងនេះ អាចឆ្លើយតបភ្លាមៗ ចំពោះការគម្រាមកំហែង បែបយុទ្ធសាស្ត្រ ដែលកើតឡើង នៅពេលណា និងទីណាក៏ដោយ ក្នុងពិភពលោក៕