តារាចម្រៀងជើងចាស់សិចស៊ី Britney Spears បានបញ្ចេញវីដេអូចម្រៀងថ្មីចំណងជើងថា “Make Me” ស្ថិតក្នុងអាល់ប៊ុម “Glory” កាលពីម្សិលមិញ ខណៈក្នុងបទចម្រៀងមានឈុតស៊ីអារម្មណ៍ជាច្រើន។
”Make Me” មានការចូលរួមច្រៀងពីតារារ៉េប G-Eazy និងមានឈុតស្រើបស្រាលមួយចំនួនរវាង Britney ជាមួយបុរសសាច់ដុំម្នាក់នៅលើគ្រែ។ លើសពីនេះទៅទៀតតារាស្រីដែលមានភាពល្បីល្បាញខ្លាំងប្រមាណកាលពី៧ឆ្នាំមុន បានបង្ហាញក្បាច់រាំគ្រលែងចង្កេះយ៉ាងទាក់ទាញ ក្នុងឈុតសំលៀកបំពាក់ក្នុង។ អាល់ប៊ុម “Glory” នឹងចេញជាផ្លូវការនៅថ្ងៃទី ២៦ ខែ សីហា នេះ៕
