កម្ពុជាតាមរយៈក្រសួងការបរទេស បានផ្ញើកំណត់ទូតជាថ្មីមួយទៀត ស្នើឲ្យវៀតណាមបញ្ឈប់សកម្មភាពនានា ដូចជាការជីកស្រះ សង់ប៉ុស្តិ៍ និងផ្លូវជាដើមនៅតាម បន្ទាត់ព្រំដែនកម្ពុជា-វៀតណាម នៅតាមបណ្តាខេត្តមួយចំនួនក្នុងប្រទេសកម្ពុជា។ ការលេចឡើងជាថ្មីនូវបញ្ហាព្រំដែនជាមួយប្រទេសជិតខាងនេះ បង្ហាញថា វៀតណាមដែលតែងតែរំលោភបំពានលើដែនអធិបតេយ្យភាពរបស់កម្ពុជា បានឡើងកំដៅជាថ្មីទៀតហើយ។
អ្នកវិភាគសង្គម និងនយោបាយ លើកឡើងថា បញ្ហាព្រំដែនមិនមែនជារឿងថ្មីនោះទេ ហើយបញ្ហាវៀតណាមរំលោភដែនអធិបតេយ្យភាពកម្ពុជា ត្រូវទាមទារឲ្យរដ្ឋាភិបាលមានជំហដោះស្រាយច្បាស់លាស់។ លោកអ៊ូ វីរៈ ប្រធានវេទិកាអនាគត លើកឡើងថា ការផ្ទុះលើឡើងនូវបញ្ហាព្រំដែនជាមួយប្រទេសវៀតណាមជាថ្មីនេះ ដោយសារតែកម្ពុជាចាញ់ប្រៀបវៀតណាម។ បញ្ហានេះ លោកអ៊ូ វីរៈ បញ្ជាក់ថា កម្ពុជាត្រូវដោះស្រាយឲ្យមានភាពច្បាស់លាស់នៅតំបន់ព្រំដែន បើពុំនោះទេនឹងធ្វើឲ្យប៉ះពាល់ដល់ប្រយោជន៍ជាតិ។
សំឡេងលោកអ៊ូ វីរៈ៖
ដោយឡែក មាស នី អ្នកស្រាវជ្រាវអភិវឌ្ឍន៍សង្គម បានឲ្យដឹងថា ចំពោះកំណត់ទូតដែលកម្ពុជាផ្ញើទៅប្រទេសវៀតណាមលើកនេះ បើសិនជាមិនមានការឆ្លើយតបបែបណា ឬវៀតណាមនៅតែបន្តសកម្មភាព ជីកស្រះ សង់ប៉ុស្តិ៍ និងធ្វើផ្លូវនៅតាមបន្ទាត់ព្រំដែន បានន័យថា វៀតណាមិនបានគោរពប្រទេសកម្ពុជាឲ្យស្មើភាពដូចកាសប្រកាសព្រមព្រៀងគ្នាកន្លងមកនោះទេ។
សំឡេងលោកមាស នី៖
អ្នកវិភាគទាំងពីររូបនេះ បានលើកឡើងស្រដៀងគ្នាថា ចំពោះការដោះស្រាយបញ្ហាព្រំដែនតាមរយៈការចេញកំណត់ទូតតវ៉ានេះជារឿងមួយដ៏ល្អ ប៉ុន្តែជំហមួយទៀត គឺកម្ពុជាគួរតែដាក់ពង្រាយកងទ័ពនៅតាមបណ្តាយព្រំដែនកម្ពុជា-វៀតណាម ដើម្បីបង្ហាញថា កម្ពុជាមិនចុះចាញ់ និងមិនព្រមឲ្យវៀតណាមបន្តរំលោភដែនអធិបតេយ្យភាពរបស់កម្ពុជានោះទេ។ ប៉ុន្តែ លោកមាស នី និងលោកអ៊ូ វីរៈ បញ្ជាក់ថា ការបង្ហាញកម្លាំងទ័ពនៅតាមព្រំដែននេះ មិនមែនក្នុងន័យចង់ប្រើហិង្សា ឬបង្កសង្គ្រោមនោះទេ។
សំឡេងលោកអ៊ូ វីរៈ និងលោកមាស នី៖
ឆ្លើយតបនឹងបញ្ហានេះ មន្ត្រីជាន់ខ្ពស់នៃរាជរដ្ឋាភិបាលកម្ពុជា លោកផៃ ស៊ីផាន អគុណចំពោះអ្នកវិភាគដែលចង់ចូលរួមការពារទឹកដីកម្ពុជា។ ប៉ុន្តែលោកបញ្ជាក់ថា ការងាររបស់រដ្ឋាភិបាលចំពោះបញ្ហាព្រំដែន គឺត្រូវដោះស្រាយតាមបច្ចេកទេស មិនត្រូវយកកងកម្លាំងប្រដាប់អាវុធមកពាក់ព័ន្ធនោះទេ។ ហើយលោកផៃ ស៊ីផាន ថាមិនគួរប្រើពាក្យរំលោភដែនអធិបតេយ្យភាពកម្ពុជាទេ ដោយសារការងារព្រំដែនជាការងារបច្ចេកទេស។
សំឡេងលោកផៃ ស៊ីផាន៖
លោកផៃ ស៊ីផាន លើកឡើងដែរថា របាយការណ៍ដែលកម្ពុជាផ្ញើទៅប្រទេសវៀតណាមជាថ្មីនេះ គ្រាន់តែជាលទ្ធផលនៃការបង្ហាញពីការដោះស្រាយការងារព្រំដែន និងកំពុងតែដោះស្រាយលើបញ្ហានេះ។ លោកបានអះអាងផងដែថា ទាក់ទងជាមួយរឿងព្រំដែននេះ កម្ពុជាមិនមានជម្លោះជាមួយប្រទេសវៀតណាមទេ ហើយកម្ពុជាបច្ចុប្បន្នក៏មិនមានវិបត្តិព្រំដែនឡើយ។ ហើយលោកផៃ ស៊ីផាន ចាត់ទុកអ្នកដែលនិយាយពាក្យថា រឿងព្រំដែនជារឿងរសើប ឬមានជម្លោះព្រំដែននោះ គឺ សុទ្ធតែជាអ្នកដែលប្រឆាំងរដ្ឋាភិបាល និងប្រឆាំងការងារដោះស្រាយបញ្ហាព្រំដែនរបស់រដ្ឋាភិបាលប៉ុណ្ណោះ....។
សំឡេងលោកផៃ ស៊ីផាន៖
ជាការកត់សម្គាល់ បញ្ហាវៀតណាមដែលតែងតែរំលោភបំពានលើដែនអធិបតេយ្យភាពរបស់កម្ពុជា មិនមែនជារឿងថ្មីនោះទេ។ កាលពីខែកក្កដា កន្លងទៅក្រសួងការបរទេសកម្ពុជា បានផ្ញើកំណត់ទូតទៅប្រទេសវៀតណាមម្តងរួចហើយ ទាក់ទងនឹងរឿងកងទ័ពវៀតណាម បានសង់ប៉ុស្តិ៍យាមចំនួន២ នៅស្រុកអូរយ៉ាដាវ ខេត្តរតនគិរី។ ជាដំណោះស្រាយរបស់រដ្ឋាភិបាលកម្ពុជា គឺធ្វើកំណត់ទូតទៅភាគីវៀតណាម និងកំណត់ពេលជួបប្រជុំគ្នាពិភាក្សាលើបញ្ហានេះ។ ប៉ុន្តែដំណោះស្រាយយ៉ាងណានោះនៅមិនទាន់ឃើញមានជាដុំកំភួននៅឡើយទេ ហើយវៀតណាមនៅតែបន្តរំលោភបំពានលើដែនអធិបតេយ្យភាពរបស់កម្ពុជាដដែល។
ទើបនៅថ្ងៃទី១៨សីហាកន្លងទៅនេះ ប្រទេសកម្ពុជាតាមរយៈក្រសួងការបរទេស និងសហប្រតិបត្តិការអន្តរជាតិ បានផ្ញើកំណត់ទូតជាថ្មីមួយទៀត ស្នើឲ្យវៀតណាមបញ្ឈប់សកម្មភាពនានា ដូចជាការជីកស្រះ សង់ប៉ុស្តិ៍ និងផ្លូវជាដើមនៅតាម បន្ទាត់ព្រំដែនកម្ពុជា-វៀតណាម នៅក្នុងខេត្តមណ្ឌលគិរី រតនគិរី ស្វាយរៀង កណ្តាល និងតាកែវ៕
(ដោយ៖ អឿន ភារ៉ា)ប្រភព.vayofm
---------------------------------------------
អ្នកវិភាគសង្គម និងនយោបាយ លើកឡើងថា បញ្ហាព្រំដែនមិនមែនជារឿងថ្មីនោះទេ ហើយបញ្ហាវៀតណាមរំលោភដែនអធិបតេយ្យភាពកម្ពុជា ត្រូវទាមទារឲ្យរដ្ឋាភិបាលមានជំហដោះស្រាយច្បាស់លាស់។ លោកអ៊ូ វីរៈ ប្រធានវេទិកាអនាគត លើកឡើងថា ការផ្ទុះលើឡើងនូវបញ្ហាព្រំដែនជាមួយប្រទេសវៀតណាមជាថ្មីនេះ ដោយសារតែកម្ពុជាចាញ់ប្រៀបវៀតណាម។ បញ្ហានេះ លោកអ៊ូ វីរៈ បញ្ជាក់ថា កម្ពុជាត្រូវដោះស្រាយឲ្យមានភាពច្បាស់លាស់នៅតំបន់ព្រំដែន បើពុំនោះទេនឹងធ្វើឲ្យប៉ះពាល់ដល់ប្រយោជន៍ជាតិ។
សំឡេងលោកអ៊ូ វីរៈ៖
ដោយឡែក មាស នី អ្នកស្រាវជ្រាវអភិវឌ្ឍន៍សង្គម បានឲ្យដឹងថា ចំពោះកំណត់ទូតដែលកម្ពុជាផ្ញើទៅប្រទេសវៀតណាមលើកនេះ បើសិនជាមិនមានការឆ្លើយតបបែបណា ឬវៀតណាមនៅតែបន្តសកម្មភាព ជីកស្រះ សង់ប៉ុស្តិ៍ និងធ្វើផ្លូវនៅតាមបន្ទាត់ព្រំដែន បានន័យថា វៀតណាមិនបានគោរពប្រទេសកម្ពុជាឲ្យស្មើភាពដូចកាសប្រកាសព្រមព្រៀងគ្នាកន្លងមកនោះទេ។
សំឡេងលោកមាស នី៖
អ្នកវិភាគទាំងពីររូបនេះ បានលើកឡើងស្រដៀងគ្នាថា ចំពោះការដោះស្រាយបញ្ហាព្រំដែនតាមរយៈការចេញកំណត់ទូតតវ៉ានេះជារឿងមួយដ៏ល្អ ប៉ុន្តែជំហមួយទៀត គឺកម្ពុជាគួរតែដាក់ពង្រាយកងទ័ពនៅតាមបណ្តាយព្រំដែនកម្ពុជា-វៀតណាម ដើម្បីបង្ហាញថា កម្ពុជាមិនចុះចាញ់ និងមិនព្រមឲ្យវៀតណាមបន្តរំលោភដែនអធិបតេយ្យភាពរបស់កម្ពុជានោះទេ។ ប៉ុន្តែ លោកមាស នី និងលោកអ៊ូ វីរៈ បញ្ជាក់ថា ការបង្ហាញកម្លាំងទ័ពនៅតាមព្រំដែននេះ មិនមែនក្នុងន័យចង់ប្រើហិង្សា ឬបង្កសង្គ្រោមនោះទេ។
សំឡេងលោកអ៊ូ វីរៈ និងលោកមាស នី៖
ឆ្លើយតបនឹងបញ្ហានេះ មន្ត្រីជាន់ខ្ពស់នៃរាជរដ្ឋាភិបាលកម្ពុជា លោកផៃ ស៊ីផាន អគុណចំពោះអ្នកវិភាគដែលចង់ចូលរួមការពារទឹកដីកម្ពុជា។ ប៉ុន្តែលោកបញ្ជាក់ថា ការងាររបស់រដ្ឋាភិបាលចំពោះបញ្ហាព្រំដែន គឺត្រូវដោះស្រាយតាមបច្ចេកទេស មិនត្រូវយកកងកម្លាំងប្រដាប់អាវុធមកពាក់ព័ន្ធនោះទេ។ ហើយលោកផៃ ស៊ីផាន ថាមិនគួរប្រើពាក្យរំលោភដែនអធិបតេយ្យភាពកម្ពុជាទេ ដោយសារការងារព្រំដែនជាការងារបច្ចេកទេស។
សំឡេងលោកផៃ ស៊ីផាន៖
លោកផៃ ស៊ីផាន លើកឡើងដែរថា របាយការណ៍ដែលកម្ពុជាផ្ញើទៅប្រទេសវៀតណាមជាថ្មីនេះ គ្រាន់តែជាលទ្ធផលនៃការបង្ហាញពីការដោះស្រាយការងារព្រំដែន និងកំពុងតែដោះស្រាយលើបញ្ហានេះ។ លោកបានអះអាងផងដែថា ទាក់ទងជាមួយរឿងព្រំដែននេះ កម្ពុជាមិនមានជម្លោះជាមួយប្រទេសវៀតណាមទេ ហើយកម្ពុជាបច្ចុប្បន្នក៏មិនមានវិបត្តិព្រំដែនឡើយ។ ហើយលោកផៃ ស៊ីផាន ចាត់ទុកអ្នកដែលនិយាយពាក្យថា រឿងព្រំដែនជារឿងរសើប ឬមានជម្លោះព្រំដែននោះ គឺ សុទ្ធតែជាអ្នកដែលប្រឆាំងរដ្ឋាភិបាល និងប្រឆាំងការងារដោះស្រាយបញ្ហាព្រំដែនរបស់រដ្ឋាភិបាលប៉ុណ្ណោះ....។
សំឡេងលោកផៃ ស៊ីផាន៖
ជាការកត់សម្គាល់ បញ្ហាវៀតណាមដែលតែងតែរំលោភបំពានលើដែនអធិបតេយ្យភាពរបស់កម្ពុជា មិនមែនជារឿងថ្មីនោះទេ។ កាលពីខែកក្កដា កន្លងទៅក្រសួងការបរទេសកម្ពុជា បានផ្ញើកំណត់ទូតទៅប្រទេសវៀតណាមម្តងរួចហើយ ទាក់ទងនឹងរឿងកងទ័ពវៀតណាម បានសង់ប៉ុស្តិ៍យាមចំនួន២ នៅស្រុកអូរយ៉ាដាវ ខេត្តរតនគិរី។ ជាដំណោះស្រាយរបស់រដ្ឋាភិបាលកម្ពុជា គឺធ្វើកំណត់ទូតទៅភាគីវៀតណាម និងកំណត់ពេលជួបប្រជុំគ្នាពិភាក្សាលើបញ្ហានេះ។ ប៉ុន្តែដំណោះស្រាយយ៉ាងណានោះនៅមិនទាន់ឃើញមានជាដុំកំភួននៅឡើយទេ ហើយវៀតណាមនៅតែបន្តរំលោភបំពានលើដែនអធិបតេយ្យភាពរបស់កម្ពុជាដដែល។
ទើបនៅថ្ងៃទី១៨សីហាកន្លងទៅនេះ ប្រទេសកម្ពុជាតាមរយៈក្រសួងការបរទេស និងសហប្រតិបត្តិការអន្តរជាតិ បានផ្ញើកំណត់ទូតជាថ្មីមួយទៀត ស្នើឲ្យវៀតណាមបញ្ឈប់សកម្មភាពនានា ដូចជាការជីកស្រះ សង់ប៉ុស្តិ៍ និងផ្លូវជាដើមនៅតាម បន្ទាត់ព្រំដែនកម្ពុជា-វៀតណាម នៅក្នុងខេត្តមណ្ឌលគិរី រតនគិរី ស្វាយរៀង កណ្តាល និងតាកែវ៕
(ដោយ៖ អឿន ភារ៉ា)ប្រភព.vayofm
---------------------------------------------
