សំគាល់៖ ឋានៈដល់រដ្ឋលេខាធិការហើយគេនៅប្លន់ដីបានតាមចិត្ត ចុះទំរាំរាស្រ្ត? នេះហើយរបបតិរច្ឆានដឹកនាំប្រើអារម្ម៍ណ៍ និងបក្សពួក តែមិនប្រើច្បាប់។ ពេលនេះច្បាស់ហើយពួកស៊ីភីភីសូម្បីតែគ្នាឯងក៏ប្លន់ដែរ។
.....................................
ភ្នំពេញ៖ អនុរដ្ឋលេខាធិការក្រសួងកិច្ចការនារី លោកស្រី ញ៉ែម មរកត បានបង្ហោះសារបង្ហាញក្តីអស់សង្ឃឹមរបស់ខ្លួន ដោយសារតែចៅហ្វាយក្រុងកែប លោក ងិន ងិនដា បានលួចធ្វើប្លង់កម្មសិទ្ធិប្លន់យកដីរបស់ខ្លួនទៅលក់ជិត ៤០ម៉ឺនដុល្លារ ជិត ២០ឆ្នាំហើយ គ្មានមន្រ្តីណាហ៊ានមានចំណាត់ការផ្លូវច្បាប់ ទៅលើចៅហ្វាយក្រុងនេះឡើយ បើទោះបីក្រុមអធិការកិច្ច បានស្រាវជ្រាវរកឃើញថា មន្រ្តីនេះ ពិតជាបានប្លន់យកដីរបស់លោកស្រីយ៉ាងណាក្តី។
លោកស្រី ញ៉ែម មរកត បានសរសេរលើទំព័រ Facebook របស់ខ្លួន ដោយត្អូញត្អែរប្រាប់ទៅ ហ៊ុន សែន នាយករដ្ឋមន្រ្តី នៃកម្ពុជាថា «សម្តេចអើយចៅហ្វាយក្រុងកែប ងិន ងិនដា លួចដីនាងខ្ញុំ ទៅធ្វើប្លង់ដាក់ឈ្មោះខ្លួនឯង ឃុបឃិតគ្នាយកដីនេះទៅលក់បោកគេបន្តទៀត ក្រសួងអធិការកិច្ចអង្កេតឃើញជាប់ដូចសម្លកំពិសគេដឹងពេញខេត្តកែបហើយនៅតែមិនហ៊ានចាប់ចោរទៀត ពួកគេមិនស្តាប់អនុសាសន៍សម្តេចទេ គេថា ធ្វើមន្រ្តីល្អគ្មានលុយទេ ធ្វើមន្រ្តីខិលខូចទើបឆាប់មានបាន ពួកគេស្គាល់តែលុយប៉ុណ្ណោះ»។
