សពជនរងគ្រោះប្រុសស្រី ដែលសមត្ថកិច្ច លើកគរលើគ្នា នាំឲ្យមានការរិះគន់

ខេត្តបាត់ដំបង ៖ ប្រជាពលរដ្ឋ នៅក្បែរកន្លែងកើតហេតុ និងអ្នកលេង បណ្តាញសង្គមហ្វេសប៊ុក បានរិះគន់ ចំពោះមន្ត្រី និងសមត្ថកិច្ច ខេត្តបាត់ដំបង ដែលបានចុះ ទៅជួយអន្តរាគមន៍ ករណីគ្រោះថ្នាក់ចរាចរណ៍ ឡានដឹកដីបុកជាមួយ ឡានដឹកអ្នកដំណើរ របស់ក្រុមហ៊ុន មេគង្គអ៊ិចប្រេស កាលពីថ្ងៃទី២៩ សីហា ២០១៦ នៅស្រុកមោងឫស្សី ខេត្តបាត់ដំបង ដោយមានអ្នកស្លាប់ ១០នាក់ តែអ្វីដែលធ្វើអោយ ប្រជាពលរដ្ឋ មានការឈឺចាប់ ជំនួសក្រុមគ្រួសារសពនោះ ដោយសារឃើញ សមត្ថកិច្ច លើកយកសពជនរងគ្រោះ ដាក់ត្រួតលើគ្នា លាយឡំគ្នា ទាំងប្រុស ទាំងស្រីមើលទៅ ដូចជាប្រមាថ ជនរងគ្រោះ ពេកហើយ។

អ្នកលេងហ្វេសប៊ុកម្នាក់ បានសរសេរថា ឃើញហើយហួសចិត្ត ឡានបុកគ្នាស្លាប់ ៤-១០ នាក់ ក៏មិនរន្ធត់ ដល់ដល់រូបភាពសព ដែលគេលើក ដាក់បែបនេះ ដែលប្រៀបបានជា សំរាមទៅហើយ ។ យ៉ាងណាក៏ដោយ ក្រៅពីរៀបរាប់ ដល់សកម្មភាពហត់នឿយ របស់សមត្ថកិច្ច ក្នុងកិច្ចអន្តរាគមន៍ ករណីគ្រោះថ្នាក់ ដ៏គួរឲ្យរន្ធត់នេះ អ្នកលេងហ្វេសប៊ុកខ្លះ បានលកើឡើងថា កុំបន្ទោសគាត់ នេះជាចំណុចខ្វះខាត ដែលសង្ឃឹមថា ពេលក្រោយ សមត្ថកិច្ច នឹងទុកដាក់ សពជនរងគ្រោះ បានល្អប្រសើរជាងនេះ។
បញ្ជីរាយនាមឈ្មោះ ជនរងគ្រោះទាំង ១០ នាក់ ដែលបានស្លាប់ នៅក្នុងគ្រោះថ្នាក់ចរាចរណ៍ នៅខេត្តបាត់ដំបង កាលពីថ្ងៃទី២៩ ខែសីហា ឆ្នាំ២០១៦ រួមមាន ១.ឈ្មោះ រស់ រស្មី ភេទស្រី អាយុ ២១ឆ្នាំ រស់នៅសង្កាត់ កាកាប ខណ្ឌឫស្សីកែវ រាជធានីភ្នំពេញ។ ២. ឈ្មោះ អ៊ុន គឹមលាង ភេទស្រី អាយុ ៤៣ឆ្នាំ រស់នៅភូមិពា ញែក ឃុំផ្ទះព្រៃ ក្រុងសំពៅមាស ខេត្តពោធិសាត់។ ៣. ឈ្មោះ ហ៊ាង សូលីណែត ភេទស្រី អាយុ ២៦ឆ្នាំ រស់នៅ សង្កាត់ច្បាអំពៅ ខណ្ឌច្បាអំពៅ ។ ៤. ឈ្មោះ លេង ប៊ុនធឿន ភេទប្រុស អាយុ ៤៧ឆ្នាំ មុខរបរ ផ្នែកសុខាភិបាល រស់នៅសង្កាត់ ស្ទឹងមានជ័យ ខណ្ឌស្ទឹងមានជ័យ ។
៥. ឈ្មោះ ឆោម លឹម ហុង ភេទប្រុស អាយុ ២៨ឆ្នាំ មុខរបរគ្រូ រស់នៅ ភូមិតាហែន២ ឃុំរការ ស្រុកសង្កែ ខេត្តបាត់ដំបង ។ ៦.ឈ្មោះ ប៉ោង សុជាតា ភេទស្រី អាយុ ១៩ឆ្នាំ រស់នៅភូមិ អូបែកក្អម សង្កាត់ទឹកថ្លា ខណ្ឌ សែនសុខ ។ ៧. ឈ្មោះ យ៉ែម សារ៉ាត់ ភេទប្រុស អាយុ ២១ឆ្នាំ រស់នៅ ភូមិតាឡី ឃុំគរ ស្រុកព្រៃឈរ ខេត្តកំពង់ចាម ។ ៨. ឈ្មោះ រស់ ពិសី ភេទស្រី អាយុ ២៣ឆ្នាំ រស់នៅបុរី លឹមឃាងហាក់ សង្កាត់កន្ទោក ខណ្ឌ ពោធិសែនជ័យ ៩. ឈ្មោះ ឃ្លី ពិសី ភេទប្រុស អាយុ ២៥ឆ្នាំ រស់នៅ ភូមិរំចេក៤ សង្កាត់រតន: ក្រុងបាត់ដំបង ខេត្តបាត់ដំបង និង១០. ឈ្មោះ យិន ស៊ីវ ឆេង ភេទស្រី អាយុ ២៦ឆ្នាំ រស់នៅ ភូមិព្រៃល្វា ឃុំព្រៃល្វា ស្រុក ព្រៃកប្បាស ខេត្តតាកែវ៕