យោងតាមរដ្ឋាភិបាលក្រុងសេអ៊ូលកាលពីថ្ងៃអាទិត្យបានឱ្យដឹងថា កូរ៉េខាងជើងប្រហែលមានផែនការធ្វើឃាត និងចាប់ពង្រត់ដើម្បីសងសឹកចំពោះការរត់ចោលស្រុករបស់មន្ត្រីធំៗរបស់ខ្លួន។ មន្ត្រីម្នាក់មកពីក្រសួងបង្រួមបង្រួមរបស់កូរ៉េខាងត្បូងបាននិយាយថា ការរត់ចោលស្រុករបស់អគ្គរដ្ឋទូតរងកូរ៉េខាងជើងប្រចាំទីក្រុងឡុងដ៍ លោក ថេ យ៉ុងហូ (Thae Yong Ho) និងគ្រួសាររបស់គាត់គឺស្ថិតក្នុងចំណោមមនុស្ស ដែលធ្វើឱ្យកូរ៉េខាងជើងស្ថិតក្នុងស្ថានភាព "លំបាកខ្លាំង"។ មន្ត្រីមិនបញ្ចេញឈ្មោះរូបនោះបាននិយាយថា "មានឱកាសខ្ពស់ណាស់ដែលថាកូរ៉េខាងជើងនឹងប៉ុនប៉ងទប់ស្កាត់ការរត់ចោលស្រុកបន្ថែមទៀត និងកោលាហលក្នុងចំណោមប្រជាជនរបស់ខ្លួន"។ មន្ត្រីរូបនេះនិយាយថា ការប៉ងធ្វើឃាតលើជនរត់ចោលស្រុកក្នុងប្រទេសកូរ៉េខាងត្បូង និងការចាប់ពង្រត់ជនជាតិកូរ៉េខាងត្បូងនៅក្រៅប្រទេសទំនងនឹងកើតឡើងខ្លាំងណាស់"។ លោកនិយាយថា មានការប៉ុនប៉ងសម្លាប់លោក វ៉ាង ចាងយ៉ុប (Hwang Jang-Yop) អតីតគ្រូរបស់មេដឹកនាំមុនគឺលោក គីម ជុងអ៊ីល ដែលរត់គេចមកកូរ៉េខាងត្បូងកាលពីឆ្នាំ ១៩៩៧ ហើយស្លាប់ដោយមូលហេតុធម្មជាតិនៅ ១៣ ឆ្នាំក្រោយ។ កាលពីសប្តាហ៍មុន លោក ថេ យ៉ុងហូបានក្លាយជាមន្ត្រីការទូតជាន់ខ្ពស់បំផុតដែលរត់គេចខ្លួនមកកាន់កូរ៉េខាងត្បូង ដោយតាមសេចក្តីរាយការណ៍បាននិយាយថា លោកមិនសប្បាយចិត្តនឹងរបបក្នុងទីក្រុងព្យុងយ៉ាង និងចង់ឱ្យគ្រួសារល្អប្រសើរជាងនេះ៕ លោក ថេ យ៉ុងហូ ប្រភព៖ news.sky.com
