នៅថ្ងៃទី ២៣ ខែមីនា ឆ្នាំ២០១៦នេះ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានដឹកនាំមន្ត្រីមួយចំនួន ចុះជួបសួរសុខទុក្ខ សកម្មជនគណបក្សសង្គ្រោះជាតិទាំង១៥នាក់ នៅមណ្ឌលអប់រំកែទី១(ព្រៃស)។ ថ្លែងប្រាប់អ្នកសារព័ត៌មាន ក្រោយបញ្ចប់ការសួរសុខទុក្ខសកម្មជនរ បស់ខ្លួន លោក យឹម សុវណ្ណ បានអះអាងថា សកម្មភាពកន្លងទៅនេះ គឺមានការប៉ុនប៉ងធ្វើបាបគណបក្សសង្គ្រោះជាតិជាបន្តបន្ទាប់ ហើយទោះបីជាគេខំធ្វើបាប ចំពោះបុគ្គលណាម្នាក់ក៏ដោយ ក៏មិនអាចធ្វើឲ្យគណបក្សសង្គ្រោះជាតិរលាយបានដែរ។
លោក យឹម សុវណ្ណ បានអះអាងថា ការគាំទ្រគណបក្សសង្គ្រោះជាតិនឹងកើនឡើងបន្ថែមបើទោះបីជាមានមន្ត្រីអ្នកមានអំណាចមួយចំនួនប៉ុនប៉ងធ្វើបាបគណបក្សសង្គ្រោះជាតិយ៉ាងណាក៏ដោយ។ បើតាមលោក យឹម សុវណ្ណ បានបន្តថា សកម្មភាពកន្លងទៅនេះ គឺមានការប៉ុនប៉ងធ្វើបាបគណបក្សសង្គ្រោះជាតិ ជាបន្តបន្ទាប់ ប៉ុន្តែលោកបានឲ្យប្រជាពលរដ្ឋជាអ្នកកាត់ក្តី នៅក្នុងការបោះឆ្នោតឆ្នាំ២០១៨ខាងមុខនេះ។
អ្នកនាំពាក្យគណបក្សប្រឆាំងរូបនេះ បានបញ្ជាក់ថា ទោះបីជាគេខំធ្វើបាបចំពោះ បុគ្គលណាម្នាក់ក៏ដោយ ក៏មិនអាចធ្វើឲ្យគណបក្សសង្គ្រោះជាតិរលាយបានដែរ។ មិនអាចធ្វើឲ្យរលាយ ដោយលោកបញ្ជាក់ថា ពីព្រោះ គណបក្សសង្គ្រោះជាតិ ដឹកនាំដោយប្រើយន្តការ ហើយយន្តការនៅតែដើរគណបក្សរបស់លោក នៅតែរឹងមាំបន្ត….
សូមបញ្ជាក់ថា សព្វថ្ងៃមេដឹកនាំរបស់គណបក្សសង្គ្រោះជាតិទាំងពីររូប កំពុងតែប្រឈមមុខនឹងផ្លូវច្បាប់ ដោយឯកឧត្តម សម រង្ស៊ី ប្រធានគណបក្សសង្គ្រោះជាតិ កំពុងរស់នៅដោយនិរទេសខ្លួន ដើម្បីគេចចេញពីការជាប់ពន្ធនាគារ នៅក្នុងប្រទេសកម្ពុជា ក្រោយពីមានពាក្យបណ្តឹង ពីមន្ត្រីរបស់រដ្ឋាភិបាលបាន ធ្លាប់មកជាបន្តបន្ទាប់។
ដោយឡែក លោក កឹម សុខា ដែលជាអនុប្រធានគណបក្សសង្គ្រោះជាតិវិញ ក៏កំពុងប្រឈមនឹងរឿងអាស្រូវផ្លូវភេទ ហើយករណីរបស់លោក កឹម សុខានេះ បានចូលដល់យន្តការផ្លូវច្បាប់ របស់អង្គភាពប្រឆាំងអំពើពុករលួយហើយ ខណៈដែលរដ្ឋសភាជាតិ ស្នើសុំការឆ្លើយបំភ្លឺពីលោកកឹម សុខា ផងដែរ។
ពាក់ព័ន្ធ រឿងអាស្រូវស្នេហា ដែលគេចោទប្រកាន់ថាជារឿងរបស់លោក កឹម សុខានេះ កន្លងមកសម្ដេច ហ៊ុន សែន នាយករដ្ឋមន្ត្រីកម្ពុជា និងជាប្រធានគណបក្សប្រជាជនកម្ពុជា ធ្លាប់បានព្រមានប្រើប្រាស់វិធានការតាមផ្លូវច្បាប់ បើសិនរឿងអាស្រូវស្នេហារបស់លោក កឹម សុខានេះ ធ្លាប់ចូលក្នុងដៃរបស់រដ្ឋសភា និងរាលដាលដល់គណបក្សប្រជាជន និងរដ្ឋាភិបាល៕
(ដោយ៖គួន សំបូរ)
នៅថ្ងៃទី ២៣ ខែមីនា ឆ្នាំ២០១៦នេះ លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានដឹកនាំមន្ត្រីមួយចំនួន ចុះជួបសួរសុខទុក្ខ សកម្មជនគណបក្សសង្គ្រោះជាតិទាំង១៥នាក់ នៅមណ្ឌលអប់រំកែទី១(ព្រៃស)។ ថ្លែងប្រាប់អ្នកសារព័ត៌មាន ក្រោយបញ្ចប់ការសួរសុខទុក្ខសកម្មជនរ បស់ខ្លួន លោក យឹម សុវណ្ណ បានអះអាងថា សកម្មភាពកន្លងទៅនេះ គឺមានការប៉ុនប៉ងធ្វើបាបគណបក្សសង្គ្រោះជាតិជាបន្តបន្ទាប់ ហើយទោះបីជាគេខំធ្វើបាប ចំពោះបុគ្គលណាម្នាក់ក៏ដោយ ក៏មិនអាចធ្វើឲ្យគណបក្សសង្គ្រោះជាតិរលាយបានដែរ។
លោក យឹម សុវណ្ណ បានអះអាងថា ការគាំទ្រគណបក្សសង្គ្រោះជាតិនឹងកើនឡើងបន្ថែមបើទោះបីជាមានមន្ត្រីអ្នកមានអំណាចមួយចំនួនប៉ុនប៉ងធ្វើបាបគណបក្សសង្គ្រោះជាតិយ៉ាងណាក៏ដោយ។ បើតាមលោក យឹម សុវណ្ណ បានបន្តថា សកម្មភាពកន្លងទៅនេះ គឺមានការប៉ុនប៉ងធ្វើបាបគណបក្សសង្គ្រោះជាតិ ជាបន្តបន្ទាប់ ប៉ុន្តែលោកបានឲ្យប្រជាពលរដ្ឋជាអ្នកកាត់ក្តី នៅក្នុងការបោះឆ្នោតឆ្នាំ២០១៨ខាងមុខនេះ។
អ្នកនាំពាក្យគណបក្សប្រឆាំងរូបនេះ បានបញ្ជាក់ថា ទោះបីជាគេខំធ្វើបាបចំពោះ បុគ្គលណាម្នាក់ក៏ដោយ ក៏មិនអាចធ្វើឲ្យគណបក្សសង្គ្រោះជាតិរលាយបានដែរ។ មិនអាចធ្វើឲ្យរលាយ ដោយលោកបញ្ជាក់ថា ពីព្រោះ គណបក្សសង្គ្រោះជាតិ ដឹកនាំដោយប្រើយន្តការ ហើយយន្តការនៅតែដើរគណបក្សរបស់លោក នៅតែរឹងមាំបន្ត….
សូមបញ្ជាក់ថា សព្វថ្ងៃមេដឹកនាំរបស់គណបក្សសង្គ្រោះជាតិទាំងពីររូប កំពុងតែប្រឈមមុខនឹងផ្លូវច្បាប់ ដោយឯកឧត្តម សម រង្ស៊ី ប្រធានគណបក្សសង្គ្រោះជាតិ កំពុងរស់នៅដោយនិរទេសខ្លួន ដើម្បីគេចចេញពីការជាប់ពន្ធនាគារ នៅក្នុងប្រទេសកម្ពុជា ក្រោយពីមានពាក្យបណ្តឹង ពីមន្ត្រីរបស់រដ្ឋាភិបាលបាន ធ្លាប់មកជាបន្តបន្ទាប់។
ដោយឡែក លោក កឹម សុខា ដែលជាអនុប្រធានគណបក្សសង្គ្រោះជាតិវិញ ក៏កំពុងប្រឈមនឹងរឿងអាស្រូវផ្លូវភេទ ហើយករណីរបស់លោក កឹម សុខានេះ បានចូលដល់យន្តការផ្លូវច្បាប់ របស់អង្គភាពប្រឆាំងអំពើពុករលួយហើយ ខណៈដែលរដ្ឋសភាជាតិ ស្នើសុំការឆ្លើយបំភ្លឺពីលោកកឹម សុខា ផងដែរ។
ពាក់ព័ន្ធ រឿងអាស្រូវស្នេហា ដែលគេចោទប្រកាន់ថាជារឿងរបស់លោក កឹម សុខានេះ កន្លងមកសម្ដេច ហ៊ុន សែន នាយករដ្ឋមន្ត្រីកម្ពុជា និងជាប្រធានគណបក្សប្រជាជនកម្ពុជា ធ្លាប់បានព្រមានប្រើប្រាស់វិធានការតាមផ្លូវច្បាប់ បើសិនរឿងអាស្រូវស្នេហារបស់លោក កឹម សុខានេះ ធ្លាប់ចូលក្នុងដៃរបស់រដ្ឋសភា និងរាលដាលដល់គណបក្សប្រជាជន និងរដ្ឋាភិបាល៕
(ដោយ៖គួន សំបូរ)
