*ដូចតាមការគ្រោងទុកគណបក្សសង្រ្គោះជាតិ នៅថ្ងៃទី២៦ខែមីនាឆ្នាំ២០១៦នេះបានរៀបចំមហាសន្និបាតក្រុមប្រឹក្សាជាតិលើកទី២ របស់គណបក្សសង្រ្គោះជាតិ ដើម្បីកំណត់ទិសដៅនិងគោលនយោបាយ បូកសរុប របាយការណ៍សកម្មភាពរយៈពេល២ឆ្នាំកន្លងមក ពិភាក្សា អនុម័តលើសំណើរសន្និបាតក្រុមប្រឹក្សាជាតិ ក្រោមអធិបតីភាព លោកប្រធាន សម រង្សី និង លោកអនុប្រធានស្ដីទី កឹម សុខា ព្រមទាំងមានការចូលរួមពី ក្រុមការងារ ក្រុមទ្រទ្រង់ គណៈកម្មាធិការប្រតិបត្តិក្រុង ~ស្រុក ប្រធានចលនាមហាជន ទូទាំង២៥ខេត្ត ស្ថិតនៅ ភូមិព្រៃលាប សង្កាត់ព្រៃលាប ខណ្ឌជ្រោយចង្វារ រាជធានីភ្នំពេញ ។
ដែលមានរបៀបវារៈ ៖
១. របាយការណ៍សកម្មភាពរយៈពេល ២ឆ្នាំកន្លងមក
២. កំណត់ទិសដៅ និងគោលនយោយបាយរបស់គណបក្សសម្រាប់ពេលខាងមុខ
៣. ពិភាក្សា និងអនុម័តលើសំណើរបស់សន្និបាតក្រុមប្រឹក្សាជាតិ
៤. ផ្សេងៗ...។
យោងតាមលក្ខន្ដិកៈ គណបក្សសង្គ្រោះជាតិត្រូវប្រារព្ធធ្វើសមាជគណបក្សរៀងរាល់៥ឆ្នាំម្ដង ដែលសមាជលើកដំបូងបានប្រារព្ធធ្វើនៅឆ្នាំ២០១២ ហើយសមាជលើកទី២ នឹងប្រារព្ធធ្វើនៅឆ្នាំ២០១៧។ នៅចន្លោះសមាជនីមួយៗ គណបក្សសង្គ្រោះជាតិត្រូវប្រារព្ធធ្វើសន្និបាតក្រុមប្រឹក្សាជាតិជារៀងរាល់ ២ឆ្នាំម្ដង។ សន្និបាតក្រុមប្រឹក្សាជាតិលើកទី១ បានប្រារព្ធធ្វើនៅឆ្នាំ២០១៤ ហើយសន្និបាតក្រុមប្រឹក្សាជាតិលើកទី២ ត្រូវប្រារព្ធធ្វើនៅឆ្នាំ២០១៦នេះ។
26-03-16
