សុខភាព៖ នៅពេលដែល វាផ្តល់គុណប្រយោជន៏ល្អដល់ស្រ្តីពពោះ ដែលចូលចិត្តទទួលទាន សាច់ត្រីច្រើន នៅកំឡុងពេលមានគភ៌នោះ នៅពេលថ្មីៗនេះ នៅក្នុងការសិក្សារយៈពេលយូរមួយ បានប្រាប់ថា ការបរិភោគត្រីច្រើនពេក គឺអាចបង្កើនឱកាសនិយមពីការឡើងទម្ងន់និងដុះក្បាលពោះ មកលើកុមារ។
ការសិក្សារយៈពេល១៥ឆ្នាំមួយ នៅក្នុងប្រទេសនៅតំបន់អ៊ឺរ៉ុប និង សហរដ្ឋអាមេរិកបានបង្ហាញថា កុមារជាកូនរបស់ស្ត្រីដែលពិសារសាច់ត្រីច្រើនជាងការរំពឹងទុកក្នុងមួយសប្តាហ៏ អាចវិវឌ្ឍន៏រាងកាយបានយ៉ាងរហ័ស និង ទំនងជាអាចប្រឈមនឹងការឡើងទម្ងន់ ឬ ដុះក្បាលពោះនៅពេលឈានដល់វ័យ៤ឬ៦ឆ្នាំតែម្តង។
នៅក្នុងសេចក្តីប្រកាសឆ្នាំ២០១៤ The US. Food and Drug Administration បានបញ្ជាក់ថា ស្រ្តីមានផ្ទៃពោះ គួរតែទទួលទានពី២ទៅ៣ដង ក្នុងមួយសប្តាហ៏ ក៏ប៉ុន្តែ ពួកគេគួរតែទទួលទានប្រភេទត្រីផ្សេងៗគ្នា ដែលមានផ្ទុកសារធាតុបារតទាប នៅពេលអ្នកម្តាយគ្រប់រូបកំពុងជៀសវាងពីផលប៉ះពាល់ នៃសារធាតុមួយនោះ នៅពេលពពោះ។
បន្ថែមពីនោះ សេចក្តីសំអាង ត្រូវធ្វើឡើងដោយអាស្រ័យលើការសិក្សា ដែលបានបង្ហាញពីអាស៊ីត អូមេហ្កា៣ ពិតជាសំខាន់ក្នុងការលូតលាស់នៃខួរក្បាលទារក។
អ្នកស្រាវជ្រាវជាច្រើនបានសរសេរនៅក្នុងលទ្ធផលនៃការសិក្សា ដែលបានបោះពុម្ពនៅក្នុង JAMA Pediatrics ថា បញ្ហាឡើងទម្ងន់និងដុះក្បាលពោះ ត្រូវបានគេចាត់ទុកជាកង្វល់សុខភាព ជាសាធារណៈទៅហើយ។
ម៉្យាងទៀត ការឡើងទម្ងន់ឆាប់រហ័សនៅក្នុងវ័យទារកភាព គឺអាចទាក់ទងយ៉ាងខ្លាំងពីការប្រឈមនឹង ការដុះក្បាលពោះនៅពេលពួកគេឈានចូលដល់វ័យកុមារភាពនិងពេញវ័យ៕
ប្រែសម្រួលដោយ៖ បូស៊ីម
My Lekha
