Saturday, February 20, 2016 លោកខឹម វាសនា ប្រតិកម្មសម្តីរបស់ប៉ាក់គីអៅ 10:13 AM | Posted by specialshowtoday | | Edit Post តារាប្រដាល់ល្បីលំដាប់ពិភពលោកគឺ មែននី ប៉ាក់គឺអៅ បានថ្លែងក្នុងបទសម្ភាសន៏ក្នុងកម្មវិធីទូរទស្សន៏ថា "ទោះបីជាសត្វក៏ដោយ ក៏គ្រាន់បើល្អជាងមនុស្សភេទខ្ទើយនោះទៅទៀត ក៏ដោយសារតែគេអាចបែកចែកដាច់ពីគ្នារវាងមនុស្សប្រុស និងមនុស្សស្រី ដោយភេទខ្ទើយ អាក្រក់ជាងសត្វទៅទៀត" ដោយហេតុថារូបលោកយល់ឃើញថា អ្វីដែលគាត់បាននិយាយនោះ គឺជាការពិត ដោយផ្អែកទៅលើគម្ពីរព្រះមានបន្ទូលយ៉ាងដូច្នេះ។ តបតាមសម្តីនៃការយល់ឃើញខាងដើម ភ្លាមៗក្រុមហ៊ុនម៉ាកល្បីពិភពលោក Nike បានធ្វើការបញ្ចប់កុងត្រារវាងក្រុមហ៊ុនខ្លួន ជាមួយតារាប្រដាល់រូបនោះមួយរំពេច៕ ពាក់ព័ន្ធជុំវិញការយល់ឃើញរបស់ប៉ាក់គីអៅ ទៅលើភេទខ្ទើយមក គេបានឃើញសារខ្លីមួយដែលបានបង្ហោះលើបណ្តាយសង្គមហ្វេសប៊ុក ដែលត្រូវបានគេស្គាល់ថានោះគឺជាគណនីអាខោនផ្ទាល់ខ្លួនរបស់លោក ខឹម វាសនា ប្រមុខគណបក្សសម្ព័ន្ធដើម្បីប្រជាធិបតេយ្យ បានបង្ហាញអារម្មណ៏យល់ឃើញបែបជាគំនិតទស្សនៈវែកញែក ឲ្យឃើញផ្ទុយស្រលះពីអ្វីដែលប៉ាក់គីអៅយល់ឃើញថា៖ " មនុស្សទាំងអស់ក្នុងលោក គ្មានកំហុសព្រោះកើតមកជាពូជសាសន៍អ្វីនោះទេ គ្មានកំហុសព្រោះពណ៌សប្បុរស្បែករបស់ពួកគេនោះទេ គ្មានកំហុសព្រោះរូបរាងមិនស្អាតរបស់ពួកគេនោះទេ គ្មានកំហុសព្រោះត្រកូលតូចទាបឬត្រកូលថោកទាបរបស់ពួកគេនោះទេ គ្មានកំហុសព្រោះពិការភាពរបស់ពួកគេនោះទេ គ្មានកំហុសព្រោះភេទប្រុសស្រីឬខ្ទើយរបស់ពួកនោះឡើយ។ តំលៃពួកគេស្ថិតនៅលើការងាររបស់គេតែប៉ុណ្ណោះ។ អោយតែគេបានចូលរួមចែករំលែកសុខទុក្ខនឺងពិភពលោក និងបានធ្វើចំណែកអោយពិភពលោករីកចំរើន នោះពួកគេនឹងត្រូវតែទទួលបានចំនែកសោយផលពីធម្មជាតិនេះវិញដែរ ព្រមទាំងត្រូវបានទទួលនូវការ ការពារអោយផុតពីការធ្វើបាបនិងការមើលងាយពីប្រភពណាមួយផងដែរ។"
