Tuesday, November 8, 2016
Labels:ល្បីនិងល្អបំផុតលើពិភពលោក
Showing posts with label ល្បីនិងល្អបំផុតលើពិភពលោក. Show all posts
Showing posts with label ល្បីនិងល្អបំផុតលើពិភពលោក. Show all posts
យន្តហោះចម្បាំង១០គ្រឿងមកពី៤ប្រទេសតំបន់អឺរ៉ុបទៅស្ទាក់យន្តហោះទម្លាក់គ្រាប់រុស្ស៊ី
យន្តហោះចម្បាំង១០គ្រឿងរបស់ប្រទេស ៤នៅក្នុងតំបន់អឺរ៉ុបបានហោះហើរទៅស្ទាក់ យន្តហោះទមា្លក់គ្រាប់របស់រុស្ស៊ី Tu-160 ដែលកំពុងហោះហើរនៅជិតដែនអាកាសប្រទេសន័រវេយសនិងអេស្បាញ។
ប្រទេសន័រវេសជាប្រទេសដំបូងដែលបានប្រទះឃើញយន្តហោះរបស់រុស្ស៊ីហោះ ហើរនៅក្បែរព្រំដែនអាកាសរបស់ខ្លួនឆ្ពោះ ទៅកាន់ឆ្នេរសមុទ្រខេត្ត Bilbao ប្រទេស អេស្ប៉ាញ។ ក្រោយមកបារាំងក៏បានបញ្ជូន យន្តហោះប្រតិកម្មរហ័ស២គ្រឿងទៅរារាំងផងដែរ។
នៅពេលនេះរដ្ឋមន្ត្រីក្រសួងការពារជាតិ រុស្ស៊ីមិនទាន់មានប្រតិកម្មអ្វីជុំវិញហេតុការណ៍ ខាងលើនៅឡើយ។ ហេតុការណ៍ខាងលើកើតឡើងចំពេលដែលរុស្ស៊ីនិងណាតូកំពុង ប្រឈមមុខតានតឹងដាក់គ្នាលើបញ្ហាជាច្រើនក្នុងនោះមានប្រព័ន្ធការពារមីស៊ីលជាដើម។
ទំនាក់ទំនងរវាងរុស្ស៊ីនឹងណាតូកាន់តែតាន់តឹងខ្លាំងឡើងក្រោយពេលដែលរុស្ស៊ីចោទប្រកាន់ណាតូថា បានកៀរគរប្រទេសអតីតសហភាពសូវៀតចូលក្នុងអង្គការនេះ។ កន្លងមកនៅក្នុងកិច្ចប្រជុំរដ្ឋមន្ត្រីការបរទេសណាតូនៅទីក្រុងប្រ៊ុចសែល ប្រទេសបែល ហ្ស៊ិកនាយករដ្ឋមន្ត្រីសាធារណរដ្ឋ Montenegro និងណាតូបានចុះហត្ថលេខាដាក់ បញ្ជូលប្រទេសនេះជាសមាជិកថ្មីរបស់ណាតូ។ ម៉ុងតេណេត្រូជាប្រទេសចូចមួយស្ថិតនៅក្នុងតំបន់បាលកានបានក្លាយជាសមាជិកទី២៩របស់ណាតូ។ ការដាក់បញ្ចូល នោះបានធ្វើឲ្យទំនាក់ទំនងរវាងរុស្ស៊ីនឹងណាតូកាន់តែអាក្រក់ជាងមុនទៅទៀត។
មានប្រសាសន៍នៅក្នុងពិធីចុះហត្ថលេខា នាយករដ្ឋមន្ត្រី Milo Dukanovic បញ្ជាក់ ថា ក្រោយរយៈពេល១០ឆ្នាំចាប់តាំងពីទទួល បានឯករាជ្យម៉ុងតេណេក្រូបានក្លាយជា សមាជិករបស់ណាតូ។ ទាំងនោះបានបង្ហាញ យ៉ាងច្បាស់ថា ប្រទេសតូចមួយនេះមានការកំណត់ទៅនឹងអនគត់របស់ខ្លួន។ លោក បន្តទៀតថា ណាតូនឹងដើរតួនាទីយ៉ាង សំខាន់នៅក្នុងការរក្សាសន្តិភាពស្ថិភាពនៅក្នុងតំបន់។
ចំណែកអគ្គលេខាធិការណាតូវិញបានបញ្ជាក់ថា ម៉ុងតេណេក្រូត្រូវតែអនុវត្តពេញលេញនូវនយោបាយរបស់ណាតូ។ នេះជារឿងដែលគួរឲ្យត្រេកអរបំផុតដែលណាតូមានសមាជិកថ្មីមួយទៀត។ ប្រទេសជា សមាជិកបង្ហាញការគាំទ្រអបអរសាទរដល់ សមាជិកថ្មីរបស់ខ្លួន។
ការដាក់បញ្ចូលសមាជិកថ្មីដែលមាន ទីតាំងនៅសមុទ្របាលកានធ្វើឲ្យទំនាក់ ទំនងរវាងរុស្ស៊ីនឹងណាតូកាន់តែតានតឹងជាងមុនដោយសារតែប្រទេសជាសមាជិកណាតូអាចដាក់ពង្រាយកម្លាំងអាវុធនិងទាហានជួយការពារសន្តិសុខប្រទេសនោះ។
កន្លងមករដ្ឋមន្ត្រីការពារជាតិអាមេរិកលោក Ashton Carter បញ្ជាក់ថា ណាតូនឹង ដាក់ពង្រាយ៤កងពលតូចនៅតំបន់អឺរ៉ុបខាងកើតដើម្បីទប់ទល់ជាមួយរុស្ស៊ី។
សារព័ត៌មានរ៉យទ័របានផ្សាយថា បណ្តា ប្រទេសតំបន់សមុទ្របាល់ទិកដែលបានចូល ជាសមាជិកណាតូកាលពីឆ្នាំ២០០៤ ដូចជា Estonia , Latvia និង Lithuania បានស្នើ ដល់សម្ពន្ធមិត្តយោធាណាតូដាក់ពង្រាយកម្លាំងយោធានៅក្នុងប្រទេសរបស់ខ្លួនដោយ ប្រទេសទាំងនោះព្រួយបារម្ភពីការគំរាម កំហែងពីប្រទេសរុស្ស៊ីក្រោយពេលដែល រុស្ស៊ីបានដាក់បញ្ចូលតំបន់ស្វយ័តគ្រីមៀស្ថិតនៅក្នុងការគ្រប់គ្រងរបស់រុស្ស៊ីកាលពីឆ្នាំ២០១៤។
លោក ខាតធើរធឺ បញ្ជាក់ថា ក្រោយពេលទទួលបានសំណើអង្គការណាតូបានត្រៀមលក្ខណៈដាក់ពង្រាយ៤កងពលតូចនៅតាមប្រទេសតំបន់សមុទ្របាល់ទិក និង ប្រទេសប៉ូឡូញ។ សារព័ត៌មាន The Wall Street Jounal បានផ្សាយថា ណាតូនឹងដាក់ ពង្រាយកម្លាំងទាហាន៤ពាន់នាក់នៅក្នុងគម្រោងខាងលើ។
លោក ខាតធើ បាននិយាយទៅកាន់ ក្រុមអ្នកសារព័ត៌មានពេលបំពេញទស្សន កិច្ចនៅប្រទេសអាល្លឺម៉ង់ថា គម្រោងខាង លើកំពុងតែពិភាក្សា ប៉ុន្តែលោកមិនបានផ្តល់ ព័ត៌មានលម្អិតជុំវិញកិច្ចពិភាក្សានោះទេ។
មន្ត្រីអាមេរិកបានបញ្ជាក់ថា គោលដៅ របស់អាមេរិកនៅតំបន់អឺរ៉ុបគឺអនុវត្តឲ្យ បានឆាប់រហ័សក្នុងការជួយដល់សម្ពន្ធមិត្តដើម្បីទប់ស្កាត់សកម្មភាពគំរាមកំហែងពី រុស្ស៊ី។ អាមេរិកក៏បានបង្កើតមូលនិធិការពារជាតិដើម្បីហ្វឹកហ្វឺនកម្លាំងយោធាក៏ដូចជាសកម្មភាពធ្វើសមយុទ្ធរបស់ណាតូ។
ដំណើរទស្សនកិច្ចរបស់លោក ខាតធើ ទៅកាន់ប្រទេសអាល្លឺម៉ង់ក្នុងគោលដៅជួប ពិភាក្សាជាមួយមេបញ្ជាការកងទ័ពណាតូនិងមេបញ្ជាការកងទ័ពអាមេរិកនៅទីនោះដើម្បីពិភាក្សាស្តីពីការដាក់ពង្រាយកម្លាំងនៅអឺរ៉ុបខាងកើត។
ដំណើរទស្សនកិច្ចរបស់លោក ខាតធើ ទៅកាន់ប្រទេសអាល្លឺម៉ង់ក្នុងគោលដៅជួប ពិភាក្សាជាមួយមេបញ្ជាការកងទ័ពណាតូនិងមេបញ្ជាការកងទ័ពអាមេរិកនៅទីនោះដើម្បីពិភាក្សាស្តីពីការដាក់ពង្រាយកម្លាំងនៅអឺរ៉ុបខាងកើត។
នៅក្នុងព្រឹត្តិការណ៍មួយផ្សេងទៀតដែល ពាក់ព័ន្ធនោះដែរ ក្រោយពេលអាមេរិក ប្រតិកម្មពីយន្តហោះចម្បាំងរុស្ស៊ីបានចូលឈ្លានពានតំបន់បាល់ទិក ណាតូបានបញ្ជូន យន្តហោះចម្បាំងទៅកាន់ទីនោះដើម្បីរារាំង យន្តហោះរុស្ស៊ី។
រដ្ឋមន្ត្រីការពារជាតិប្រទេសឡាត់វៀកាល ពីថ្ងៃទី៣ ខែឧសភា បានឲ្យដឹងថា យន្តហោះ ចម្បាំងណាតូ៥គ្រឿងបានទៅកាន់តំបន់សមុទ្របាល់ទិកដើម្បីការពារដែនអាកាសនៅទីនោះ។ នៅចុងខែមេសាកន្លងមកយន្ត ហោះចម្បាំងណាតូបានចូលទៅរារាំងយន្តហោះចម្បាំងរុស្ស៊ីដែលហោះចូលដែនអាកាសសមុទ្របាល់ទិក៕ ម៉ែវ សាធី
ប្រភព៖ Nokorwatnews
ថ្ងៃនេះ យើងនឹងនាំប្រិយមិត្តមកមើល ប្រទេសដែលមានទេសភាពដ៏ស្រស់ស្អាត និងមានវិស័យអប់រំខ្ពស់វិញម្តង។ ទន្ទឹមនឹងនេះដែរ ប្រទេសទាំងនោះ មានប្រជាជន ដែលចិត្តល្អ និងមានគំនិតវិជ្ជមានជាងគេបំផុត ក្នុងពិភពលោក។
National Geographic បានដាក់បញ្ចូលគ្នា ជាបញ្ជីមួយដែលបង្ហាញពី បណ្តាប្រទេសដែលមានប្រជាពលរដ្ឋរស់នៅរីករាយបំផុត ដោយប្រើប្រាស់ទិន្នន័យ របស់អង្គការសហប្រជាជាតិ។
ចង់ដឹងទេថា មានប្រទេសណាខ្លះ? តោះទៅតាមដានទាំងអស់គ្នា!
១០. Sweden (ប្រទេស ស៊ុយអែត)
ប្រទេស ស៊ុយអែត (ឈ្មោះជាផ្លូវការគឺ ព្រះរាជាណាចក្រ ស៊ុយអែត) ជាប្រទេស ដែលស្ថិតក្នុងទ្វីបអឺរ៉ុប ភាគខាងជើង មានព្រំប្រទល់ខាងលិច ជាប់នឹងប្រទេស ន័វេស និងខាងកើត ជាប់នឹងប្រទេស ហ្វាំងឡង់ និងតភ្ជាប់ទៅប្រទេស ដាណឺម៉ាក ដោយស្ពាន Öresund ។ ប្រទេសនេះ មានផ្ទៃដីចំនួន ៤៥០,២៩៥ គីឡូម៉ែត្រការ៉េ និងមានប្រជាជនសរុបជាង ៩.៨ លាននាក់។
អាថ៌កំបាំងរបស់ ប្រជាពលរដ្ឋស៊ុយអែត គឺប្រពៃណី Fika ដែលជាពាក្យប្រើសម្រាប់រៀបរាប់ អំពីទម្លាប់របស់ពួកគេ ទៅផឹកកាហ្វេ និងជជែកគ្នាពីនេះពីនោះជាមួយមិត្តភក្តិ នៅរៀងរាល់ពេលសម្រាកពីការងារ។ ពួកគេតែងជួបគ្នាត្រឹមរយៈពេល ១៥ នាទី រាល់ ២ ម៉ោងម្តង។ ដោយសារតែទម្លាប់នេះហើយទើប ស៊ុតអែត ជាប្រទេសដែលមានតម្រូវការកាហ្វេ ច្រើនជាងគេបំផុតក្នុងពិភពលោកផងដែរ។
៩. Australia (ប្រទេស អូស្រ្តាលី)
ប្រទេស អូស្រ្តាលី (ឈ្មោះជាផ្លូវការគឺ សាធារណរដ្ឋ អូស្រ្តាលី) ស្ថិតក្នុងទ្វីបអូស្រ្តាលី ក៏ដូចជាប្រទេសដែលមានទំហំធំបំផុត លំដាប់ទី ៦ របស់ពិភពលោក។ ប្រទេសនេះ មានផ្ទៃដី ៧,៦៩២,០២៤ គីឡួម៉ែត្រការ៉េ និងមានប្រជាជនសរុប ២៤,១៦២,៩០០ នាក់បើគិតមកទល់នឹងឆ្នាំ ២០១៦ នេះ។
ប្រទេសអូស្ត្រាលី មានកម្រិតបំពុលបរិស្ថានទាបបំផុត ដោយមានការចូលរួមច្រើនពីប្រជាពលរដ្ឋ ក៏ដូចជាកិច្ចសហការក្នុងសហគមន៍យ៉ាងជិតស្និទ្ធផងដែរ។ ជនជាតិអូស្រ្តាលី ចូលចិត្តការអាំងសាច់បរិភោគ ដោយពួកគេចូលចិត្ត ធ្វើការជួបជុំនៅតាមសួនឧទ្យាន ក្នុងគោលបំណងដើម្បីចំណាយពេលវេលា និងបង្កើនទំនាក់ទំនងក្នុងសង្គម ជាមួយមិត្តភក្តិ ជាពិសេស រាល់មនុស្សដែលនៅជុំវិញ។
៨. New Zealand (ប្រទេស នូវែលហ្សេឡង់)
ប្រទេស នូវែលហ្សេឡង់ ជាប្រទេសដីកោះមួយ ស្ថិតក្នុងភាគនិរតី នៃមហាសមុទ្រប៉ាស៊ីហ្វិក។ ប្រទេសនេះ បែងចែកជាសមាសភាពភូមិសាស្រ្តសំខាន់ពីរគឺ កោះខាងជើង (Te Ika-a-Māui) និងកោះខាងត្បូង (Te Waipounamu) ជាមួយនឹងកោះតូចៗជាច្រើនក្បែរៗនោះផងដែរ។ ប្រទេស នូវែលហ្សេឡង់ មានផ្ទៃដីសរុបចំនួន ២៦៨,០២១ គីឡូម៉ែត្រការ៉េ និងមានប្រជាជនប្រមាណ ៤,៧០៧,៣០០ នាក់ ក្នុងឆ្នាំ ២០១៦ នេះ។
ប្រទេសនេះ ហ៊ុំព័ទ្ធទៅដោយ ភ្នំដែលមានពណ៌ខៀវស្រងាត់ អមដោយធម្មជាតិដ៏ស្រស់បំព្រង និងមានទេសភាពគួរឲ្យគយគន់មិនអាចបំភ្លេចបានឡើយ។ តើមានអ្នកណាម្នាក់ ដែលថាមិនមានមោទនភាពនឹងប្រទេសនេះ យ៉ាងម៉េចនឹងកើតទៅ? កម្រិតការបំពុលបរិស្ថានតិចតួច និងជិវិតសត្វព្រៃធម្មេជាតិ ដ៏សម្បូរបែប បានធ្វើឲ្យប្រជាជននូវែលហ្សេឡង់ ក្លាយជាប្រជាជាតិមានភាពរីករាយ ក្នុងជីវិតបំផុត។
៧. The Netherlands (ប្រទេស ហូឡង់)
ប្រទេស ហូឡង់ (ឈ្មោះជាផ្លូវការគឺ ព្រះរាជាណាចក្រហូឡង់) ជាប្រទេសដែលមានទំហំតូច តែមានប្រជាជនរស់នៅច្រើន ស្ថិតក្នុងអឺរ៉ុប ប៉ែកខាងលិច និងមានកោះបី បន្ថែមទៀតក្នុងតំបន់ Caribbean។ ប្រទេសនេះ មានផ្ទៃដីសរុបទំហំ ៤១,៥៤៣ គីឡូម៉ែត្រការ៉េ និងមានប្រជាជនរស់នៅចំនួនជាង ១៧ លាននាក់ ក្នុងឆ្នាំ ២០១៦ នេះ។
ចំណុចដ៏ពិសេស របស់ប្រជាជន ហូឡង់ គឺពួកគេមានកម្រិត ការចូលរូមរាល់សកម្មភាពលំហាត់ប្រាណខ្ពស់ ជាពិសេស ស្រលាញ់ចូលចិត្តការជិះកង់ជាងគេ។ ពួកគេមានមោទនភាព ជាមួយនឹងប្រព័ន្ធជិះកង់ ដ៏មានសុវត្ថិភាព និងមានប្រវែងជាង ៣,០០០ គម ដែលបានបង្កើតឡើងណាស់។ ហេតុនេះ ប្រសិនបើអ្នកមានសំណាងទៅលេងទីក្រុង Amsterdam របស់ប្រទេសហូឡង់ សូមកុំភ្លេចជួលកង់ជិះកម្សាន្ត និងជួលអ្នកនាំផ្លូវម្នាក់ផងណា!
៦. Canada (ប្រទេស កាណាដា)
ប្រទេស កាណាដា ជាប្រទេសដែលនៅកណ្តាលភាគខាងជើង នៃទ្វីបអាមេរិកខាងជើង ដែលមានប្រជាជនរស់នៅប្រមាណជាង ៣៦ លាននាក់ ក្នុងអំឡុងឆ្នាំ ២០១៦ នេះ និងមានផ្ទៃដីទំហំជាង ៩.៩៨ លានគីឡូម៉ែត្រការ៉េ ជាហេតុបណ្តាលឲ្យប្រទេសនេះ ក្លាយជាប្រទេសដែលមានដីទំហំធំបំផុតទី ២ របស់ពិភពលោក។
មិនត្រឹមតែជាប្រទេសដែលធំបំផុតនោះទេ ប្រទេសកាណាដានេះ ក៏ជាឋានសួគ៌សម្រាប់ភ្ញៀវទេសចរគ្រប់ៗរូបផងដែរ។ ពលរដ្ឋ នៅក្នុងប្រទេសដ៏ធំនេះ មានមោទនភាព នឹងសួនឧទ្យានស្អាតៗ ភ្នំថ្មដ៏ស្រស់ត្រកាល និងទីវាលទេសភាព ដ៏ទូលំទូលាយ។ គ្រាន់តែការរៀបរាប់ប៉ុននេះ ក៏អាចទាញបានថា ប្រជាជនកាណាដា មានភាពរីករាយអស្ចារ្យក្នុងជីវិតដែរ។
៥. Finland (ប្រទេស ហ្វាំងឡង់)
ប្រទេស ហ្វាំងឡង់ (ឈ្មោះជាផ្លូវការគឺ សាធារណរដ្ឋ ហ្វាំងឡង់) ជារដ្ឋអធិបតេយ្យភាព ក្នុងទ្វីបអឺរ៉ុប។ ប្រទេសនេះ មានផ្ទៃដីសរុបចំនួន ៣៣៨,៤២៤ គីឡូម៉ែត្រការ៉េ និងមានប្រជាជនរស់នៅប្រមាណ ៥,៤៨៨,៥៤៣ នាក់ បើគិតមកដល់ខែមិនា ឆ្នាំ ២០១៦ នេះ។ ហ្វាំងឡង់ ជាប្រទេសដែលធំបំផុតទី ៨ ក្នុងតំបន់អឺរ៉ុប និងជាប្រទេសដែលមានចំនួនប្រជាជនតិចជាងគេបំផុត នៅក្នុងសហភាពអឺរ៉ុប។
អារម្មណ៍ខ្វល់ខ្វាយ និងកង្វល់ពីបញ្ហាផ្សេងៗ និងត្រូវរលាយបាត់ភ្លាមៗមួយរំពេច ស្របពេលដែលអ្នកចូលទៅរំសាយអារម្មណ៍ទាំងនោះ ក្នុងសូណា (sauna) របស់ប្រពៃណី ជនជាតិហ្វាំងឡង់។ ទោះបីជាមានប្រជាជនរស់នៅតែជាង ៥ លាននាក់ក៏ពិតមែន តែប្រទេសនេះ មានកន្លែងសូណាជាង ៣.៣ លានកន្លែងឯណោះ មានន័យថា វាស្ទើរតែមាននៅគ្រប់ទីកន្លែងទាំងអស់ទៅហើយ។
៤. Norway (ប្រទេស ន័រវេស)
ប្រទេស ន័រវេស (ឈ្មោះជាផ្លូវការគឺ ព្រះរាជាណាចក្រ ន័រវេស) ជាប្រទេសកាន់របបរាជាធិបតេយ្យ និងអធិបតេយ្យភាព។ ប្រទេសនេះ មានផ្ទៃដីមានទំហំសរុប ៣៨៥,២៥២ គីឡូម៉ែត្រការ៉េ និងមានប្រជាជនចំនួន ៥,២១៣,៩៨៥ បើគិតមកត្រឹមខែ ឧសភា ឆ្នាំ ២០១៦ នេះ។ ប្រទេស ន័រវេស មានរាជធានីឈ្មោះ Oslo ដែលជាទីក្រុងធំជាងគេ ក្នុងប្រទេសផងដែរ។
ជនជាតិន័រវេស មានមោទនភាពយ៉ាងខ្លាំង នឹងតំបន់ធម្មជាតិជុំវិញប្រទេស របស់ពួកគេ ជាមួយនឹងការចូលរួមថែរក្សា យ៉ាងយកចិត្តទុកដាក់បំផុតផងដែរ។ គេនិយាយថា ការធ្វើដំណើរទៅឡើងភ្នំខ្ពស់បំផុតក្នុងប្រទេសនោះ (ភ្នំ Skala) អាចជួយរំសាយ ឬកម្ចាត់ចោលនូវកង្វល់ និងអារម្មណ៍ខ្វល់ខ្វាយបានទាំងអស់ទៀតផង។ ក្រៅពីនេះ អ្នកអាចបោះតង់ សម្រាក ដើម្បីគយគន់ទេសភាពជុំវិញខ្លួនបាន ដោយក្តីរីករាយ។
៣. Iceland (ប្រទេស អ៊ីស្លង់)
ប្រទេស អ៊ីស្លង់ (ឈ្មោះជាផ្លូវការគឺ សាធារណរដ្ឋ អ៊ីស្លង់) គឺជាប្រទេសដីកោះ Nordic ស្ថិតនៅចន្លោះតំបន់ អាត្លង់ទិកខាងជើង និងតំបន់ មហាសមុទ្រអាកទិក។ ប្រទេសនេះ មានប្រជាពលរដ្ឋរស់នៅប្រមាណ ៣៣២,៥២៩ នាក់ លើផ្ទៃដីទំហំ ១០៣,០០០ គីឡូម៉ែត្រការ៉េ (បណ្តាលឲ្យប្រទេសនេះ ជាប់ជាប្រទេសដែលមានប្រជាជនតិចជាងគេ ក្នុងអឺរ៉ុប)។
ទេសភាពភ្នំភ្លើង ឆ្នេរសមុទ្រដ៏ស្រស់ស្អាត និងទេសភាពដែលមិនអាចប្រៀបផ្ទឹមបានរបស់ប្រទេសនេះ បានធ្វើឲ្យប្រជាជន អ៊ីស្លង់ មានសុភមង្គលបំផុត លើផែនដីនេះ។ ជាការពិតណាស់ តើមាននរណាដែលថាមិនចូលចិត្ត ហែលទឹកកម្សាន្ត ដែលមានពណ៌ខៀវស្រស់បែបនេះទៅ?
២. Switzerland (ប្រទេស ស្វីស)
ប្រទេសស្វីស (ឈ្មោះជាផ្លូវការគឺ សហព័ន្ធ ស្វីស) ជាប្រទេសសាធារណរដ្ឋសហព័ន្ធមួយ ក្នុងទ្វីបអឺរ៉ុប។ ប្រទេសនេះមានផ្ទៃដីសរុបចំនួន ៤១,២៨៥ គីឡូម៉ែត្រការ៉េ និងប្រជាជនជាង ៨ លាននាក់ បើគិតត្រឹមខែកញ្ញា ឆ្នាំ ២០១៤។ ប្រទេស ស្វីស គ្មានរាជធានីទេ ប៉ុន្តែមានទីក្រុង Zürich ជាទីក្រុងធំជាងគេ។
ប្រទេសដែលជា ដើមកំណើតពូជគ្រប់ប្រភេទនៃស្ករសូកូឡា បែរជាមានប្រជាជនដែលរស់នៅ ប្រកបទៅដោយសុខភាពល្អទៅវិញ។ ពួកគេចូលចិត្តជិះស្គី ចូលចិត្តជិះទូកកំសាន្ត និងជិះឆ័ត្រយោង។ វាមិនមែនជារឿងភ្ញាក់ផ្អើលអ្វីទេ ដែលប្រទេសនេះជាប់ជា ប្រទេសដែលមានប្រជាជនធាត់តិចជាងគេបំផុត ក្នុងពិភពលោក។
១. Denmark (ប្រទេស ដាណឺម៉ាក)
ប្រទេស ដាណឺម៉ាក (ឈ្មោះជាផ្លូវការគឺ ព្រះរាជាណាចក្រ ដាណឺម៉ាក) ជាប្រទេស ក្នុងទ្វីបអឺរ៉ុប ដែលមានផ្ទៃដីសរុប ៤២,៩២៤ គីឡួម៉ែត្រ និងមានប្រជាជនរស់នៅជាង ៥.៧ លាននាក់។ ប្រទេស ដាណឺម៉ាក មានរាជធានីឈ្មោះ Copenhagen ដែលជាទីក្រុងធំជាងគេ ក្នុងប្រទេសផងដែរ។
ជាក់ស្តែង ប្រទេសនេះ ត្រូវបានគេជឿថា មានប្រជាពលរដ្ឋរស់នៅប្រកបទៅដោយភាពរីករាយបំផុត លើលោក។ នេះមិនមែន ត្រឹមតែមកពីពួកគេទទួលបាន ការថែទាំសុខភាព និងការអប់រំ ដោយឥតគិតថ្លៃប៉ុណ្ណោះទេ គឺពួកគេមានមោទនភាពជាមួយនឹងសាមគ្គីភាពប្រចាំជាតិទាំងមូលរបស់ពួកគេ។ ពួកគេក៏ជា ប្រជាជាតិដែលមានសណ្តានចិត្តល្អបរិសុទ្ធផងដែរ។ ទោះបីជាមិនដែលស្គាល់អ្នកពីមុនមកក៏ដោយ ក៏ពួកគេរាក់ទាក់អញ្ជើញអ្នក ពិសាតែមួយពែងជាមួយគ្នាទៀតផង៕
ប្រភព៖ Bright Side | Wikipedia
ខ្មែរឡូត
ពិតណាស់រឿងតុក្កតា Disney បានយកទីតាំងពិតមកដាក់ក្នុងភាពយន្តរបស់ខ្លួនដែលអ្នកមិនបានដឹងពីមុនមកនោះទេ។
ទីតាំងទាំងនោះមាន ១៣ កន្លែងរួមមាន៖
១. ព្រះបរមរាជវាំង Sultan ក្នុងរឿង Aladdin។ ខាងក្រៅគឺជាប្រាសាទ Taj Mahal ក្នុងទីក្រុង Agra ប្រទេសឥណ្ឌា។
២. ប្រាសាទក្នុងរឿង Beauty and The Beast។ ខាងក្រៅគឺជា Chateau De Chambord ក្នុងទីក្រុង Loir-Et-Cher ប្រទេសបារាំង។
៣. ភូមិតូចមួយក្នុងរឿង Beauty And The Beast។ ខាងក្រៅគឺជា ទីក្រុង Alsace ប្រទេសបារាំង។
៤. ព្រះរាជវាំងទឹកក Elsa ក្នុងរឿង Frozen។ ខាងក្រៅគឺជាសណ្ឋាគារ Hotel De Glace ក្នុងទីក្រុង Quebec ប្រទេសកាណាដា។
៥. ប្រាសាទ Dunbroch ក្នុងរឿង Brave។ ខាងក្រៅគឺជាប្រាសាទ Elean Donan Castle ចក្រភពអង់គ្លេស។
៦. ភូមិរបស់ Pacha ក្នុងរឿង The Emperor's New Groove។ ខាងក្រៅគឺជាប្រាសាទ Machu Picchu ក្នុងទីក្រុង Cusco ប្រទេសប៉េរូ។
៧. ប្រាសាទ Royal ក្នុងរឿង Sleeping Beauty។ ខាងក្រៅគឺជា ប្រាសាទ Neuschwanstein ក្នុងទីក្រុង Bavaria ប្រទេសអាល្លឺម៉ង់។
៨. រឿង The Kingdom In Tangled។ ខាងក្រៅគឺជា Mont Saint-Michel ក្នុងទីក្រុង Normandy ប្រទេសបារាំង។
៩. រឿង Emperor's Home In Mulan។ ខាងក្រៅគឺជារាជវាំងក្នុងក្រុងប៉េកាំង ប្រទេសចិន។
១០. រឿង The Cathedral In The Hunchback of Notre Dame។ ខាងក្រៅគឺជាវិហារ Notre Dame Cathedral ក្នុងទីក្រុងប៉ារីស។
១១. រឿង Prince Eric's Castle In The Little Mermaid។ ខាងក្រៅគឺជា Chateau De Chillon ក្នុងទីក្រុង Geneva ប្រទេសស្វ៊ីស។
១២. រឿង Queen's Castle In Snow White។ ខាងក្រៅគឺជាប្រាសាទ Segovia Castle ប្រទេសអេស្ប៉ាញ។
១៣. រឿង City In Atlantis: The Lost Empire ខាងក្រៅគឺជា ប្រាសាទអង្គរវត្តក្នុងខេត្តសៀមរាប ប្រទេសកម្ពុជា៕
-------------
http://khmeread.com/posts/11163
ប្រធានាធិបតីអាមេរិក លោក បារ៉ាក់ អូបាម៉ា បានឈានចូលវ័យ ៥៥ឆ្នាំហើយ កាលពីថ្ងៃទី០៤ ម្សិលមិញនេះ។ ការងារជាប្រធានាធិបតីអាមេរិក ដែលជាប្រទេសជាតិមានភាពរុងរឿង និងមានឥទ្ធិពលបំផុតមួយ ក្នុងពិភពលោក គឺមិនងាយស្រួលឡើយ ដោយសារតែមានការងារស្មុគស្មាញច្រើន។ បើទោះបីជា ប្រធានាធិបតីអាមេរិកខ្លះកាន់តំណែង រហូតដល់ទៅ ៨ឆ្នាំ ៤ឆ្នាំ ឬតិចជាងនេះក្តី ប៉ុន្តែការងារដ៏ស្មុគស្មាញទាំងនោះ បានធ្វើឲ្យពួកគាត់ កាន់តែចាស់ទៅៗពីមួយឆ្នាំទៅមួយឆ្នាំ។
ខាងក្រោមនេះគឺជាការផ្លាស់ប្តូរមុខមាត់របស់ប្រធានាធិបតីអាមេរិក ១០រូប នៅមុន និងក្រោយបញ្ចប់អាណត្តិ៖
១) លោក បារ៉ាក់ អូបាម៉ា (២០០៨ – ២០១៦)
២) លោក Abraham Lincoln (១៨៦១ – ១៨៦៥)
៣) លោក Franklin D. Roosevelt (១៩៣៣ – ១៩៤៥)
៤) លោក Dwight D. Eisenhower (១៩៥៣ – ១៩៦១)
៥) លោក Ronald Reagan (១៩៨១ – ១៩៨៩)
៦) លោក Harry S. Truman (១៩៤៥ – ១៩៥៣)
៧) លោក John F. Kennedy (១៩៦១ – ១៩៦៣)
៨) លោក Richard Nixon (១៩៦៩ – ១៩៧៣)
៩) លោក Bill Clinton (១៩៩៣ – ២០០១)
១០) លោក George W. Bush (២០០១ – ២០០៨)
ប្រែសម្រួល ៖ សេង ឡុង
ប្រភព ៖ boredpanda
ប្រភព ៖ boredpanda
http://news.sabay.com.kh/article/793757?utm_content=buffer3d722&utm_medium=social&utm_source=facebook.com&utm_campaign=buffer-news-social
Subscribe to:
Posts
(Atom)
