ថ្ងៃទី២០ ខែមិថុនា ឆ្នាំ២០១៧
(សហរដ្ឋអាមេរិក)៖ ផ្ទៃក្នុងគណបក្សប្រជាជនកម្ពុជា បានផ្តល់ព័ត៌មានជាច្រើន ឲ្យអតីតប្រធានគណបក្សសង្គ្រោះជាតិ។ នេះបើតាមសម្តីលោក សម រង្ស៊ី នៅក្នុងពិធីសំណេះសំណាលជាមួយប្រជាពលរដ្ឋខ្មែរ នៅទីក្រុង Long Beach រដ្ឋ California សហរដ្ឋអាមេរិក។ លោក សម រង្ស៊ី បានបន្តថា មេទ័ពគណបក្សប្រជាជនកម្ពុជា បានប្តេជ្ញាថា នឹងគោរពតាមឆន្ទៈប្រជារាស្ត្រ ប្រសិនបើប្រជារាស្ត្រខ្មែរ បោះឆ្នោតឲ្យគណបក្សសង្គ្រោះជាតិ ដឹកនាំប្រទេសនាឆ្នាំ ២០១៨ ខាងមុខនេះ។
ចុងបញ្ចប់ អតីប្រធានក្រុមមតិភាគតិចនៅរដ្ឋសភារូបនេះ បានថ្លែងឌឺដងថា បុគ្គលណា ដែលបង្ខំគេឲ្យធ្វើសង្គ្រាម គម្រាមគេអំពីសង្គ្រាម គម្រាមចាប់គេដាក់គុក បុគ្គលនោះទ័លប្រាជ្ញហើយ អស់ពាក្យអ្វីនិយាយហើយ គ្មានប្រាជ្ញាយកមកប្រើទេ អស់មានអ្វីឲ្យប្រជារាស្ត្រខ្មែរទុកចិត្ត និងស្រលាញ់ទៀតហើយ មានន័យថាបុគ្គលនោះជិតចាញ់ហើយ។
គួររម្លឹកថា នាពេលថ្មីៗនេះ លោក សម រង្ស៊ី បានប្រកាសថា លោកនៅតែជាបេក្ខភាពនាយករដ្ឋមន្ត្រីប្រទេសកម្ពុជា ដើម្បីតតាំងជាមួយនឹងលោក ហ៊ុន សែន ក្នុងការបោះឆ្នោត ខែកក្កដា ឆ្នាំ ២០១៨ ខាងមុខនេះ៕
សូមបងប្អូនជនរួមជាតិស្ដាប់ប្រសាសន៍លោក សម រង្ស៊ី ៖