មានការភ្ញាក់ផ្អើល និងចែកចេញតៗគ្នាពេញបណ្តាញសង្គមហ្វេសប៊ុក ដែលបង្ហាញពីសកម្មភាពបុរសម្នាក់បើករថយន្តរបស់ខ្លួនទៅកៀររថយន្តគេហើយថែមទៀតដកកាំភ្លើងបាញ់គេថែមទៀត មិនត្រឹមតែប៉ុណ្ណោះថែមទាំងចុះពីលើរថយន្តដកកាំភ្លើងឈរចាំបាញ់ថែមទៀតផង។ បន្ទាប់ពីកើតមានករណីនេះភ្លាម នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានចេញបញ្ជាឲ្យកម្លាំងសមត្ថកិច្ចធ្វើការចាប់ខ្លួនជននោះឲ្យបាន ដើម្បីយកមកផ្តន្ទាទោសតាមផ្លូវច្បាប់។
យោងតាមការឲ្យដឹងពីម្ចាស់រថយន្តបានឲ្យដឹងថា មានឡានបាឡែនពណ៌ទឹកមាស ពាក់ស្លាកលេខភ្នំពេញ 2AM-2762 មួយគ្រឿងបើកបរដោយជនមិនស្គាល់មុខ ទិសដៅស្របគ្នា បានជិះមកវ៉ាខាងស្តាំដៃហើយបុកកញ្ចក់ឡានខ្ញុំ ពេលនោះខ្ញុំបានជិះតាមហើយស៊ីផ្លេអោយគាត់ឈប់ដោះស្រាយ តែឡាននោះបែរជាបង្អង់ល្បឿន បើកកញ្ចក់ឡានហើយបាញ់មួយគ្រាប់បំរុងសំឡាប់តែម្តង សំណាងហើយដែលមិនត្រូវ បន្ទាប់មកឡាននោះក៏អែបស្តាំហើយអ្នកបើកបរចេញមកក្រៅកាន់កាំភ្លើងជាប់នឹងដៃរងចាំឡានពួកខ្ញុំដែរអែបស្តាំឈប់នៅក្រោយឡានរបស់ជនបង្កហេតុ ដោយសារតែភាពភ័យខ្លាចពេកពួកខ្ញុំក៏បកឡានថយក្រោយដើម្បីរកទីតាំងសុវត្ថិភាព គ្រប់សកម្មភាពទាំងអស់មាននៅក្នុងកាមេរ៉ាសុវត្ថិភាពជាភស្តុតាង ហេតុអ្វីជីវិតមនុស្សនៅស្រុកខ្មែរពិតជាគ្មានតំលៃមែនទេ?
