Peypey Dy ដែលជាតារា Facebook ល្បីឈ្មោះមួយរូប និងជាតារាសម្តែងប៉ិនប្រសព្វបែបក្រមិចក្រមើម បានទម្លាយរឿងពិធីការនីស្ថានីទូរទស្សន៍មួយ ដែលបានអញ្ជើញរូបលោកឡើងប៉ុស្តិ៍ទូរទស្សន៍ តែត្រូវលោកបដិសេធ ហើយស្រាប់តែដើរនិយាយដើមលោកថាមកពីរឿងនយោបាយទើប Black List តារារូបនេះចោលទៅវិញ។

ក្នុងនោះ Peypey Dy បានរៀបរាប់ថា៖ “ថ្ងៃនេះចង់និយាយពីបុគ្គលិក និងជាពិធីការិនីនៅស្ថានីយទូរទស្សន៍មួយ ធ្លាប់បានអញ្ជេីញខ្ញុំអោយចូលរួមក្នុងកម្មវិធីរបស់នាងជាច្រេីនដង តែខ្ញុំបដិសេធ
ប៉ុន្តែនាងបែរជានិយាយប្រាប់គេ ថាចង់ហៅខ្ញុំចូលកម្មវិធីនាងដែរតែខ្ញុំពាក់ព័ន្ធនយោបាយ ដូច្នេះថ្នាក់លេីកត់ឈ្មោះខ្ញុំចូល Black List. ស្អីគេ ដល់ថ្នាក់ហ្នឹងផង…? កោតតែមិនចេះខ្មាស់ខ្លួនឯង ហេីយខ្លួនជាស្រីទេ តែមាត់ក៏រវ៊ើកខ្លាំងមេស? និយាយយកល្អហួស អញ្ជេីញគេមិនបាន   ដេីរនិយាយបង្ខូចគេ   ថោកខ្លាំង”

ទោះជាយ៉ាងណាក្តី Peypey Dy មិនបានបង្ហាញពីអត្តសញ្ញាណ ពិធីការនីមួយរូបនោះទេ ខណៈដែលមហាជនជាច្រើនចង់ដឹងយ៉ាងខ្លាំង៕