July 30, 2016
ក្រោយពីធ្លាក់ខ្លួនក្លាយជាកម្មករសំណង់ និង ជាកម្មករ អូសរទេះ នៅតាមព្រំដែន អស់រយៈពេលជាច្រើនឆ្នាំ លោក ជៀស ស្រួច អតីតកីឡាករប្រដាល់ល្បីឈ្មោះនៅកម្ពុជា បានវិលត្រលប់មកវិញ ជាមួយរឿង កក្រើកមួយជាមួយនឹងអតីតភរិយា ជាតារាសម្តែងល្បីឈ្មោះម្នាក់ ធ្វើអោយមហាជនជាច្រើនមានការចាប់អារម្មណ៍យ៉ាងខ្លាំង។ មិនត្រឹមតែប៉ុននោះទេ លោក ជៀស ស្រួច ត្រូវបានមិត្តសិល្បៈករ ជាច្រើន ជួយជ្រោមជ្រែង ដើម្បីអោយលោក បានចូលរួមក្នុងវិស័យកីឡា និង វិស័យសិល្បៈដូចមុនវិញ។
កាលពីម្សិលមិញនេះដែរ តារាចម្រៀង ប្រចាំផលិតកម្ម Calaxy លោក ម៉ារា ប៊ុនណា បានរៀបរាប់នៅលើ Facebook របស់លោកថា ៖ “ផលិតកម្ម Calaxy បានអញ្ជេីញ លោក ជា ស្រួច មកសំដែង MV ថ្ងៃនេះ សូមជួយគាត់ម្នាក់ ១ដៃ១ជេីងផង ដេីម្បីផ្តល់កំលាំងចិត្តនិងលេីកតំលៃសិល្បៈខ្មែរយេីង” ដែលនេះជាដំណឹងល្អមួយសំរាប់លោក ជៀស ស្រួច និងបងប្អូនមហាជន ដែលចង់ឃើញគាត់ ក្លាយជា ជៀស ស្រួច ដូចពីមុនវិញ។
អតីតកាលបានរសាត់បាត់ទៅ លោក ជៀស ស្រួច បានតាំងចិត្តចាប់ផ្តើមជីវិតសារជាថ្មី ដោយមានការខិតខំ ជួយជ្រោមជ្រែង ពីសំណាក់តារាចម្រៀង តារាសម្តែង មិត្តសិល្បៈករ ជាច្រើន សង្ឃឹមថា អតីតកីឡាករប្រដាល់រូបនេះ អាចមានកេរ្តិ៍ឈ្មោះល្អដូចមុនវិញ៕
http://komsan.khmer-note.com/article/3089
