រូបភាពកងទ័ពកូរ៉េខាងជើងបាញ់កាំភ្លើងធំក្នុងពេលធ្វើសមយុទ្ធ
20-02-2016 9:33 am
ស្នូរបាញ់កាំភ្លើងបានលាន់លឺចេញពីទឹកដីកូរ៉េខាងជើង គឺនៅក្បែរព្រំដែនជាមួយកូរ៉េខាងត្បូង ថ្ងៃទី២០កុម្ភៈនេះ។នេះបើតាមការបញ្ជាក់ពីមន្ដ្រីយោធាកូរ៉េខាងត្បូង។ សំឡេងបាញ់កាំភ្លើងនេះ បានបន្លឺឡើងដូចជាការបាញ់រះមួយជុំ រួចក៏ស្ងាត់ទៅវិញ ហើយមិនបានធ្លាក់សំបកគ្រាប់លើទឹកដីកូរ៉េខាងត្បូងឡើយ។ ក្រោយការបាញ់លើកដំបូងហើយ ក៏គ្មានការបាញ់បន្ដទៀតដែរ។ នេះបើតាមការរាយការណ៍។
ស្នូរបាញ់កាំភ្លើងបានលាន់លឺចេញពីទឹកដីកូរ៉េខាងជើង គឺនៅក្បែរព្រំដែនជាមួយកូរ៉េខាងត្បូង ថ្ងៃទី២០កុម្ភៈនេះ។នេះបើតាមការបញ្ជាក់ពីមន្ដ្រីយោធាកូរ៉េខាងត្បូង។ សំឡេងបាញ់កាំភ្លើងនេះ បានបន្លឺឡើងដូចជាការបាញ់រះមួយជុំ រួចក៏ស្ងាត់ទៅវិញ ហើយមិនបានធ្លាក់សំបកគ្រាប់លើទឹកដីកូរ៉េខាងត្បូងឡើយ។ ក្រោយការបាញ់លើកដំបូងហើយ ក៏គ្មានការបាញ់បន្ដទៀតដែរ។ នេះបើតាមការរាយការណ៍។
ក្រោយមានហេតុការណ៍កើតឡើង កងទ័ពកូរ៉េខាងត្បូងបានសន្និដ្ឋានថា ប្រហែលជាកងទ័ពកូរ៉េខាងជើងធ្វើសមយុទ្ធនៅជិតព្រំដែនសមុទ្រកូរ៉េទាំងពីរ។ចំពោះប្រជាជនដែលរស់នៅតំបន់ព្រំដែន ត្រូវបានជម្លៀសចេញភ្លាមៗផងដែរ បន្ទាប់ពីលឺសំឡេងបាញ់កាំភ្លើង ប៉ុន្ដែពេលនេះបានត្រឡប់មករស់នៅក្នុងភូមិរបស់ពួកគេធម្មតាវិញហើយ។
កងទ័ពកូរ៉េខាងត្បូងកំពុងតាមដានយ៉ាងយកចិត្ដទុកដាក់ ចំពោះហេតុការណ៍ដែលបានកើតឡើង ព្រោះការពារក្រែងលោកូរ៉េខាងជើងបង្កហេតុអ្វីទៀត។ សូមបញ្ជាក់ថា កូរ៉េខាងជើងកំពុងត្រូវអន្ដរជាតិ ពិសេសកូរ៉េខាងត្បូងថ្កោលទោសយ៉ាងខ្លាំង បន្ទាប់ពីបានបាញ់សាកល្បងគ្រាប់បែកនិងមីស៊ីលជោគជ័យម្ដងជាពីរដង។
លើកទីមួយកូរ៉េខាងជើងបានប្រកាសថាបានធ្វើតេស្ដដោយជោគជ័យនូវគ្រាប់បែកអ៊ីដ្រូសែន តែពិភពលោកថាជាការធ្វើតេស្ដអាវុធនុយក្លេអ៊ែរលើកទីបួនរបស់កូរ៉េខាងជើង។ បន្ទាប់មកកូរ៉េខាងជើងបានប្រកាសថា បានបាញ់ដោយជោគជ័យទៀតនូវមីស៊ីលផ្កាយរណប ដែលបាញ់ចូលលំហអាកាស។ក្រៅពីនេះ កូរ៉េខាងជើងថានឹងបន្ដបាញ់មីស៊ីលផ្កាយរណបបន្ថែមទៀត។ទង្វើនេះហើយ ដែលអន្ដរជាតិរួមទាំងអង្គការសហប្រជាជាតិផង កំពុងរិះរកមធ្យោបាយហាមឃាត់ និងបានពិភាក្សាជាមួយភាគីពាក់ព័ន្ធ ដើម្បីដាក់ទណ្ឌកម្មលើកូរ៉េខាងជើងបន្ថែមទៀត។
ដោយឡែកអាមេរិកវិញ លោកប្រធានាធិបតីបារ៉ាក់ អូបាម៉ា បានចុះហត្ថលេខារួចហើយ ដើម្បីដាក់ទណ្ឌកម្មថ្មីលើកូរ៉េខាងជើង ព្រោះតែអំពើផ្គើនរបស់គេ។ កូរ៉េខាងត្បូងវិញថា ខ្លួននឹងចាត់វិធានការភ្លាម បើសិនកូរ៉េខាងជើងហ៊ានធ្វើអ្វីដែលជាអំពើបង្កអសន្ដិសុខលើឧបទ្វីបកូរ៉េ៕ដោយ៖ពេញ ផេង
-----------------
http://vayofm.com/news/detail/66777.html
