(ភ្នំពេញ) ៖ បន្ទាប់ពីមានការចេញផ្សាយរបាយការណ៍ របស់អង្គការឃ្លាំមើលពិភពលោកគ្លបល វីនេស (Global Witness) ថា ក្រុមគ្រួសាររបស់សម្ដេចតេជោ ហ៊ុន សែន នាយករដ្ឋមន្ត្រីកំពុងកាន់កាប់ក្រុមហ៊ុន និងភាគហ៊ុនដោយសម្ងាត់ជាច្រើនដែលក្រុមហ៊ុនខ្លះកំពុងរំលោភសិទ្ធិមនុស្ស ហើយខ្លះទៀតកំពុងរំលោភច្បាប់ នោះបានធ្វើឱ្យមានប្រតិកម្មយ៉ាងខ្លាំងពីសំណាក់ក្រុមគ្រួសាររបស់សម្ដេច មន្ដ្រីរដ្ឋាភិបាល និងមន្ដ្រីគណបក្សប្រជាជនកម្ពុជា។
នៅថ្ងៃព្រហស្បតិ៍នេះអង្គការGlobal Witnessដែលមានមូលដ្ឋាននៅទីក្រុងឡុងដ៍នៃប្រទេសអង់គ្លេសបានចេញផ្សាយរបាយការណ៍មួយដែលមានឈ្មោះថាHostile Takeoverក្រោយចំណាយពេលស្រាវជ្រាវប្រមាណ១ឆ្នាំដោយបញ្ជាក់ថា៖“ដោយប្រើទិន្នន័យកាន់កាប់ក្រុមហ៊ុនដែលរដ្ឋាភិបាលតែងតែរឹតបន្តឹងមិនឲ្យគេយកបាននោះអង្គការGlobalWitnessបានបង្ហាញថាតើសមាជិកគ្រួសារត្រកូលហ៊ុន សែនកាន់កាប់ពេញលេញឬកាន់កាប់ដោយផ្នែកក្នុងក្រុមហ៊ុនជាច្រើនដែលមានដើមទុនចុះបញ្ជីជាង២០០លានដុល្លារសហរដ្ឋអាមេរិក”។
របាយការណ៍បន្ថែមថាក្រុមហ៊ុនទាំងនេះត្រួតត្រាវិស័យសំខាន់ភាគច្រើននៃសេដ្ឋកិច្ចដោយមានសម្ព័ន្ធភាពជាមួយក្រុមហ៊ុនម៉ាកល្បីៗលំដាប់អន្តរជាតិដូចជាApple, Nokia, Visa, Unilever, Procter &Gamble, Nestle, DurexនិងHondaជាដើម។
តែកូនប្រុសរបស់សម្តេចតេជោ ហ៊ុន សែន នាយករដ្ឋមន្ត្រី លោក ហ៊ុន ម៉ានិត បានច្រានចោលរបាយការណ៍របស់Global Witness ដោយលើកឡើងថា ជារបាយការណ៍ពោរពេញទៅដោយកំហុសនិងព័ត៌មានមិនពិតព្រមទាំងមានភាពបង្អាប់និងបង្ខូចកិត្តិយសគ្រួសារត្រកូលហ៊ុន។
លោក ហ៊ុន ម៉ានិត បានបញ្ជាក់នៅលើបណ្តាញសង្គម Facebook ថា “នេះជាការវាយប្រហារលើគ្រួសារត្រកូលហ៊ុនដែលជាការរៀបចំ និងកិច្ចសហការដ៏ល្អរវាង Global Witness, Cambodia Daily និង Phnom Penh Postដោយស្តែងចេញពីគោលបំណងយ៉ាងច្បាស់។ ដូចសព្វដងព័ត៌មាននេះពោរពេញ ទៅដោយកំហុស និងព័ត៌មានមិនពិត ក្នុងគោលបំណងតែមួយគត់គឺបង្អាប់និងបង្ខូចកិត្តិយសគ្រួសារត្រកូលហ៊ុន...”។
ចំណែកលោកហ៊ុន ម៉ាណែត បានប្រតិកម្មតាមរយៈFacebookរបស់លោកថា៖ឱ្យតែជិតដល់ពេលបោះឆ្នោត អង្គការ Global Witness តែងតែរៀបចំបង្កើតរឿងប្លែក ឬរឿងដដែលៗ ដើម្បីវាយប្រហារមកលើរាជរដ្ឋាភិបាលកម្ពុជា ជាពិសេស សម្តេចតេជោ ហ៊ុន សែន។
លោកបានសរសេរបង្ហោះនៅលើបណ្តាញសង្គម Facebook នៅរសៀលនេះថា "ខ្ញុំនៅចាំបានថា ប៉ុន្មានអាណត្តិហើយឱ្យតែពេលជិតបោះឆ្នោត គឺជាពេលវេលាដែលអង្គការមួយឈ្មោះ Global Witness បង្កើតរឿងប្លែកៗ ឬប្រធានបទដដែលៗដើម្បីចោទប្រកាន់និងវាយប្រហារមកលើរាជរដ្ឋាភិបាលជាពិសេសលើឪពុកខ្ញុំតែម្តង។ហើយលើកនេះក៏មិនមានអ្វីថ្មីដែរ...គ្រាន់តែខុសត្រង់ថា តាមរយៈការផ្សាយរអត្ថបទតែមួយជួនគ្នា (បង្ហាញពីការសហការគ្នាដ៏ល្អក្នុងរឿងនេះ) រវាង Phnom Penh Post និង Cambodia Daily លើកនេះគឺមិនត្រឹមវ៉ៃតែឪពុករបស់ខ្ញុំនោះទេ គឺគេបានបង្កើតរឿងវ៉ៃទាំងគ្រួសារតែម្តង ពោលគឺមិនឱ្យរួចខ្លួនម្នាក់ណាឡើយ។ ចាំមើលចេញរឿងអ្វីទៀត?"។
រីឯនៅលើទំព័រសង្គមFacebook របស់លោកស្រី ហ៊ុន ម៉ាណា នៅថ្ងៃទី៧ ខែកក្កដា ឆ្នាំ២០១៦នេះ លោកស្រីបានលើកឡើងថា “នាងខ្ញុំសូមអរគុណចំពោះGlobal Witness ដែលបានចំណាយពេលយ៉ាងច្រើនដើម្បីស្រាវជ្រាវពីក្រុមគ្រួសារត្រកូលហ៊ុន។ នាងខ្ញុំបានដឹងយ៉ាងច្បាស់ថា ពួកអ្នកចង់បានអ្វីពីគ្រួសារយើងខ្ញុំ គឺឱ្យតែជិតដល់ពេលបោះឆ្នោតម្តងៗពួកអ្នកតែងតែធ្វើរឿងបែបនេះ ក្នុងគោលដៅបំផ្លាញឪពុករបស់នាងខ្ញុំ តែនាងខ្ញុំនិងគ្រួសារ គួរតែអរគុណដល់ អស់លោកលោកស្រីដែលបានជួយដល់ឳពុករបស់នាងខ្ញុំ ឱ្យឈ្នះឆ្នោតគ្រប់អាណត្តិព្រោះតែការភូតភរ ការប្រមាថរបស់លោកអ្នកធ្វើឱ្យអ្នកបោះឆ្នោតកាន់តែមានការទុកចិត្ត និង បោះឆ្នោតជូនឪពុកខ្ញុំថែមទៀត”។
អំពីកាសែតភ្នំពេញប៉ុស្តិ៍ និង Cambodia Daily ដែលបានចេញផ្សាយព័ត៌មាននេះព្រមគ្នា លោកស្រី ក៏បានលើកឡើងផងដែរ ថា“នាងខ្ញុំក៏សូមកោតសសើរផងដែរដល់ ភ្នំពេញប៉ុស្តិ៍ និង Cambodia Daily ដែលបានចេញផ្សាយព័ត័មាននេះក្នុងពេលនិងថ្ងៃតែមួយ ដែលបង្ហាញឱ្យឃើញថា មានកិច្ចសហការដ៏ល្អរវាងសារព័ត៌មានទាំងពីរជាមួយ Global Witnessដើម្បីបំផ្លាញដល់កិត្តិយសគ្រួសារត្រកូលហ៊ុន សូមអស់លោក លោកស្រី បន្តកិច្ចការបែបនេះតទៅទៀតចុះ ប្រសិនគ្មានការងារធ្វើ”។
ជាមួយគ្នានេះ មន្ដ្រីនាំពាក្យគណបក្សប្រជាជនកម្ពុជាលោកសុខ ឥសាន ក៏បានបញ្ជាក់ប្រាប់វិទ្យុក្នុងស្រុកមួយដែរថាកូនៗរបស់សម្ដេច ហ៊ុន សែន ជាពលរដ្ឋសាមញ្ញធម្មតា ហើយមានសិទ្ធិគ្រប់គ្រាន់ក្នុងការប្រកបអាជីវកម្មឬបណ្តាក់ទុនផ្សេងៗស្របទៅតាមច្បាប់របស់ប្រទេស។
លោកមានប្រសាសន៍ថា “កូនបង្កើតក្ដី កូនប្រសាក្ដី គេមានសិទ្ធិជាពលរដ្ឋដូចគ្នាអាចប្រកបអាជីវកម្មបានឱ្យតែត្រឹមត្រូវតាមគោលការណ៍ រកស៊ីបង់ពន្ធត្រឹមត្រូវ មានទាស់អី។ ខ្ញុំថា គ្លបល វីនេស រកតែរឿងគ្រួសារសម្ដេច ដូចជាគុំកួនយ៉ាងម៉េច។ គ្រួសារសម្ដេចរកស៊ីមិនបាន ហើយគេដទៃទៀតរកស៊ីបាន វាទាស់អីអាហ្នឹង? ច្បាប់កម្ពុជា អត់មានហាមឃាត់ឯណាកូននរណាក៏ដោយ ប្រពន្ធនរណាក៏ដោយ អោយតែរកស៊ីត្រឹមត្រូវទៅតាមច្បាប់។ ចោទថា គេរកស៊ីមិនស្របច្បាប់អីផ្សេងៗ អាហ្នឹងគេមានស្ថាប័នអធិការកិច្ច គេមានស្ថាប័នប្រឆាំងអំពើពុករលួយគេមើលតើ! មិនមែន គ្លបល វីនេស មកមើលពីលើឯណា រដ្ឋឯករាជ្យ អធិបតេយ្យ”។
ដោយឡែកលោកផៃ ស៊ីផាន ជារដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ដ្រីក៏បានថ្លែងប្រាប់រស្មីកម្ពុជានាព្រឹកថ្ងៃទី៧ ខែកក្កដា នេះដែរថា “របាយការណ៍ហ្នឹងគ្មានតម្លៃ ឬឥទ្ធិពលទេ ដោយសារជារបាយការណ៍មួយដែលធ្វើការប្រឆាំងជាលក្ខណៈបុគ្គលជាមួយនឹងនាយករដ្ឋមន្ដ្រី ដែលទទួលបានការទុកចិត្ត ហើយនឹងការគាំទ្រពីប្រជាពលរដ្ឋខ្មែរភាគច្រើន។ អាស្រ័យហេតុដូច្នេះ ខ្ញុំផៃ ស៊ីផាន ជាអ្នកនាំពាក្យ មិនមានអ្វីដែលជាឱ្យតម្លៃក្នុងការឆ្លើយឆ្លង ជាមួយរបាយការណ៍ដែលលម្អៀងធ្វើការចោទប្រកាន់មកសម្ដេចតេជោនោះទេ”៕
នៅថ្ងៃព្រហស្បតិ៍នេះអង្គការGlobal Witnessដែលមានមូលដ្ឋាននៅទីក្រុងឡុងដ៍នៃប្រទេសអង់គ្លេសបានចេញផ្សាយរបាយការណ៍មួយដែលមានឈ្មោះថាHostile Takeoverក្រោយចំណាយពេលស្រាវជ្រាវប្រមាណ១ឆ្នាំដោយបញ្ជាក់ថា៖“ដោយប្រើទិន្នន័យកាន់កាប់ក្រុមហ៊ុនដែលរដ្ឋាភិបាលតែងតែរឹតបន្តឹងមិនឲ្យគេយកបាននោះអង្គការGlobalWitnessបានបង្ហាញថាតើសមាជិកគ្រួសារត្រកូលហ៊ុន សែនកាន់កាប់ពេញលេញឬកាន់កាប់ដោយផ្នែកក្នុងក្រុមហ៊ុនជាច្រើនដែលមានដើមទុនចុះបញ្ជីជាង២០០លានដុល្លារសហរដ្ឋអាមេរិក”។
របាយការណ៍បន្ថែមថាក្រុមហ៊ុនទាំងនេះត្រួតត្រាវិស័យសំខាន់ភាគច្រើននៃសេដ្ឋកិច្ចដោយមានសម្ព័ន្ធភាពជាមួយក្រុមហ៊ុនម៉ាកល្បីៗលំដាប់អន្តរជាតិដូចជាApple, Nokia, Visa, Unilever, Procter &Gamble, Nestle, DurexនិងHondaជាដើម។
តែកូនប្រុសរបស់សម្តេចតេជោ ហ៊ុន សែន នាយករដ្ឋមន្ត្រី លោក ហ៊ុន ម៉ានិត បានច្រានចោលរបាយការណ៍របស់Global Witness ដោយលើកឡើងថា ជារបាយការណ៍ពោរពេញទៅដោយកំហុសនិងព័ត៌មានមិនពិតព្រមទាំងមានភាពបង្អាប់និងបង្ខូចកិត្តិយសគ្រួសារត្រកូលហ៊ុន។
លោក ហ៊ុន ម៉ានិត បានបញ្ជាក់នៅលើបណ្តាញសង្គម Facebook ថា “នេះជាការវាយប្រហារលើគ្រួសារត្រកូលហ៊ុនដែលជាការរៀបចំ និងកិច្ចសហការដ៏ល្អរវាង Global Witness, Cambodia Daily និង Phnom Penh Postដោយស្តែងចេញពីគោលបំណងយ៉ាងច្បាស់។ ដូចសព្វដងព័ត៌មាននេះពោរពេញ ទៅដោយកំហុស និងព័ត៌មានមិនពិត ក្នុងគោលបំណងតែមួយគត់គឺបង្អាប់និងបង្ខូចកិត្តិយសគ្រួសារត្រកូលហ៊ុន...”។
ចំណែកលោកហ៊ុន ម៉ាណែត បានប្រតិកម្មតាមរយៈFacebookរបស់លោកថា៖ឱ្យតែជិតដល់ពេលបោះឆ្នោត អង្គការ Global Witness តែងតែរៀបចំបង្កើតរឿងប្លែក ឬរឿងដដែលៗ ដើម្បីវាយប្រហារមកលើរាជរដ្ឋាភិបាលកម្ពុជា ជាពិសេស សម្តេចតេជោ ហ៊ុន សែន។
លោកបានសរសេរបង្ហោះនៅលើបណ្តាញសង្គម Facebook នៅរសៀលនេះថា "ខ្ញុំនៅចាំបានថា ប៉ុន្មានអាណត្តិហើយឱ្យតែពេលជិតបោះឆ្នោត គឺជាពេលវេលាដែលអង្គការមួយឈ្មោះ Global Witness បង្កើតរឿងប្លែកៗ ឬប្រធានបទដដែលៗដើម្បីចោទប្រកាន់និងវាយប្រហារមកលើរាជរដ្ឋាភិបាលជាពិសេសលើឪពុកខ្ញុំតែម្តង។ហើយលើកនេះក៏មិនមានអ្វីថ្មីដែរ...គ្រាន់តែខុសត្រង់ថា តាមរយៈការផ្សាយរអត្ថបទតែមួយជួនគ្នា (បង្ហាញពីការសហការគ្នាដ៏ល្អក្នុងរឿងនេះ) រវាង Phnom Penh Post និង Cambodia Daily លើកនេះគឺមិនត្រឹមវ៉ៃតែឪពុករបស់ខ្ញុំនោះទេ គឺគេបានបង្កើតរឿងវ៉ៃទាំងគ្រួសារតែម្តង ពោលគឺមិនឱ្យរួចខ្លួនម្នាក់ណាឡើយ។ ចាំមើលចេញរឿងអ្វីទៀត?"។
រីឯនៅលើទំព័រសង្គមFacebook របស់លោកស្រី ហ៊ុន ម៉ាណា នៅថ្ងៃទី៧ ខែកក្កដា ឆ្នាំ២០១៦នេះ លោកស្រីបានលើកឡើងថា “នាងខ្ញុំសូមអរគុណចំពោះGlobal Witness ដែលបានចំណាយពេលយ៉ាងច្រើនដើម្បីស្រាវជ្រាវពីក្រុមគ្រួសារត្រកូលហ៊ុន។ នាងខ្ញុំបានដឹងយ៉ាងច្បាស់ថា ពួកអ្នកចង់បានអ្វីពីគ្រួសារយើងខ្ញុំ គឺឱ្យតែជិតដល់ពេលបោះឆ្នោតម្តងៗពួកអ្នកតែងតែធ្វើរឿងបែបនេះ ក្នុងគោលដៅបំផ្លាញឪពុករបស់នាងខ្ញុំ តែនាងខ្ញុំនិងគ្រួសារ គួរតែអរគុណដល់ អស់លោកលោកស្រីដែលបានជួយដល់ឳពុករបស់នាងខ្ញុំ ឱ្យឈ្នះឆ្នោតគ្រប់អាណត្តិព្រោះតែការភូតភរ ការប្រមាថរបស់លោកអ្នកធ្វើឱ្យអ្នកបោះឆ្នោតកាន់តែមានការទុកចិត្ត និង បោះឆ្នោតជូនឪពុកខ្ញុំថែមទៀត”។
អំពីកាសែតភ្នំពេញប៉ុស្តិ៍ និង Cambodia Daily ដែលបានចេញផ្សាយព័ត៌មាននេះព្រមគ្នា លោកស្រី ក៏បានលើកឡើងផងដែរ ថា“នាងខ្ញុំក៏សូមកោតសសើរផងដែរដល់ ភ្នំពេញប៉ុស្តិ៍ និង Cambodia Daily ដែលបានចេញផ្សាយព័ត័មាននេះក្នុងពេលនិងថ្ងៃតែមួយ ដែលបង្ហាញឱ្យឃើញថា មានកិច្ចសហការដ៏ល្អរវាងសារព័ត៌មានទាំងពីរជាមួយ Global Witnessដើម្បីបំផ្លាញដល់កិត្តិយសគ្រួសារត្រកូលហ៊ុន សូមអស់លោក លោកស្រី បន្តកិច្ចការបែបនេះតទៅទៀតចុះ ប្រសិនគ្មានការងារធ្វើ”។
ជាមួយគ្នានេះ មន្ដ្រីនាំពាក្យគណបក្សប្រជាជនកម្ពុជាលោកសុខ ឥសាន ក៏បានបញ្ជាក់ប្រាប់វិទ្យុក្នុងស្រុកមួយដែរថាកូនៗរបស់សម្ដេច ហ៊ុន សែន ជាពលរដ្ឋសាមញ្ញធម្មតា ហើយមានសិទ្ធិគ្រប់គ្រាន់ក្នុងការប្រកបអាជីវកម្មឬបណ្តាក់ទុនផ្សេងៗស្របទៅតាមច្បាប់របស់ប្រទេស។
លោកមានប្រសាសន៍ថា “កូនបង្កើតក្ដី កូនប្រសាក្ដី គេមានសិទ្ធិជាពលរដ្ឋដូចគ្នាអាចប្រកបអាជីវកម្មបានឱ្យតែត្រឹមត្រូវតាមគោលការណ៍ រកស៊ីបង់ពន្ធត្រឹមត្រូវ មានទាស់អី។ ខ្ញុំថា គ្លបល វីនេស រកតែរឿងគ្រួសារសម្ដេច ដូចជាគុំកួនយ៉ាងម៉េច។ គ្រួសារសម្ដេចរកស៊ីមិនបាន ហើយគេដទៃទៀតរកស៊ីបាន វាទាស់អីអាហ្នឹង? ច្បាប់កម្ពុជា អត់មានហាមឃាត់ឯណាកូននរណាក៏ដោយ ប្រពន្ធនរណាក៏ដោយ អោយតែរកស៊ីត្រឹមត្រូវទៅតាមច្បាប់។ ចោទថា គេរកស៊ីមិនស្របច្បាប់អីផ្សេងៗ អាហ្នឹងគេមានស្ថាប័នអធិការកិច្ច គេមានស្ថាប័នប្រឆាំងអំពើពុករលួយគេមើលតើ! មិនមែន គ្លបល វីនេស មកមើលពីលើឯណា រដ្ឋឯករាជ្យ អធិបតេយ្យ”។
ដោយឡែកលោកផៃ ស៊ីផាន ជារដ្ឋលេខាធិការ និងជាអ្នកនាំពាក្យទីស្ដីការគណៈរដ្ឋមន្ដ្រីក៏បានថ្លែងប្រាប់រស្មីកម្ពុជានាព្រឹកថ្ងៃទី៧ ខែកក្កដា នេះដែរថា “របាយការណ៍ហ្នឹងគ្មានតម្លៃ ឬឥទ្ធិពលទេ ដោយសារជារបាយការណ៍មួយដែលធ្វើការប្រឆាំងជាលក្ខណៈបុគ្គលជាមួយនឹងនាយករដ្ឋមន្ដ្រី ដែលទទួលបានការទុកចិត្ត ហើយនឹងការគាំទ្រពីប្រជាពលរដ្ឋខ្មែរភាគច្រើន។ អាស្រ័យហេតុដូច្នេះ ខ្ញុំផៃ ស៊ីផាន ជាអ្នកនាំពាក្យ មិនមានអ្វីដែលជាឱ្យតម្លៃក្នុងការឆ្លើយឆ្លង ជាមួយរបាយការណ៍ដែលលម្អៀងធ្វើការចោទប្រកាន់មកសម្ដេចតេជោនោះទេ”៕
