នៅលើលោកនេះ មានអ្នកប្រាជ្ញ និងមនុស្សពូកែមិនតិចនាក់ទេ ដែលបានបន្សល់ទុកជាគំនិត និងសុភាសិតដល់អ្នកជំនាន់ក្រោយ។ គ្រាន់តែការយល់ឃើញរបស់ពួកគាត់ ក៏អាចធ្វើឱ្យយើងបានទទួលចំណេះដឹងដ៏ធំធេងដែរ។ មានពេលខ្លះ គំនិតល្អត្រឹមតែមួយ អាចកែប្រែជីវិតមនុស្សម្នាក់បានទាំងស្រុង ដូច្នេះ យើងមិនអាចមើលស្រាលពីឥទ្ធិពលនៃគំនិតបានទេ។ ក្នុងអត្ថបទនេះ ខ្ញុំបានដកស្រង់សុភាសិត និងគំនិតអប់រំល្អៗ ពីសៀវភៅ កម្រងគតិបណ្ឌិត ដែលជាស្នាដៃរៀបរៀងរបស់ លោក គឹម ពេជ្រពីរនន់ ដើម្បីធ្វើជាការចែករំលែកដល់អ្នកទាំងអស់គ្នា។
- គេចាប់ត្រីបានស្រួលនៅក្នុងទឹកល្អក់។ សុភាសិតចិន
- ធ្វើដីឥដ្ឋឱ្យមានរាង ទាន់វានៅទន់។ សុភាសិតអារ៉ាប់
- សិក្សាពីរបស់ចាស់ យល់ដឹងច្បាស់ពីរបស់ថ្មី។ សុភាសិតជប៉ុន
- មនុស្សជំនាន់ក្រោយ មានប្រាជ្ញាជាងយាយតាជំនាន់មុន។ សុភាសិតវៀតណាម
- ចូរកុំរំពឹងកេរមេរតរបស់ឪពុក ចូររៀនធ្វើជាមនុស្សដោយខ្លួនឯង។ សុភាសិត តួរគី
- ចូរកុំអង្គុយនៅជួរមុខ ដើម្បីកុំឱ្យគេផ្លាស់អ្នកទៅជួយក្រោយបំផុត។
- នៅក្នុងចំណោមផ្កាកុលាប ចូរធ្វើខ្លួនជាផ្កាកុលាប តែបើនៅក្នុងចំណោមបន្លា ចូរធ្វើខ្លួនជាបន្លា។ សុភាសិត ពែក្ស
- កូនឆ្កែ វាមិនខ្លាចសត្វខ្លាទេ។ សុភាសិតកូរ៉េ
- មានតែបទពិសោធន៍ប៉ុណ្ណោះ ដែលបង្កើតបានជំនាញយ៉ាងពិតប្រាកដ។ សុភាសិតឥណ្ឌា
- អ្នកដែលស្លាប់ទៅ តែងតែមានកំហុសជានិច្ច។ សុភាសិតបារាំង
- កាលណាអស់ប្រេង ចង្កៀងនឹងរលត់។ សុភាសិតចិន
- រស់នៅយូរប៉ុណ្ណាក៏ដោយ ស្លាប់មានតែម្តងប៉ុណ្ណោះ។
- សេះចាស់ស្គាល់ផ្លូវច្បាស់ណាស់។ សុភាសិតកូរ៉េ
- ចិត្តទូលាយ មិនងាយចាស់។
- ទ្រព្យសម្បត្តិ គឺ គុម្ពស្មៅ សុខភាព ជាកំណប់ទ្រព្យ។ សុភាសិតចិន
- ជំហានទីមួយឆ្ពោះទៅកាន់អំពើល្អ គឺ កុំធ្វើអំពើអាក្រក់។
- បើមិនឡើងឆាក កុំមើលស្រាលសិល្បករ បើមិនដែលដាំស្លកុំមើលស្រាលចុងភៅ។ សាស្រ្តាចារ្យ វ៉ែនសុន
- មនុស្សខ្វាក់ មិនខ្លាចសត្វពស់ទេ។ សុភាសិតជប៉ុន
- សក់ស្កូវ មិនមែនជាគុណវិបត្តិទេ។ សុភាសិតអារ៉ាប់
- ស្នេហា មិនមែនជាសុភមង្គលទេ តែវាគឺជាផ្លូវនាំផ្ពោះទៅសុភមង្គលដែលគ្មានទីសំចត។
តាមពិតទៅមានរាប់រយសុភាសិត និងទស្សនៈទៀតនៅក្នុងសៀវភៅ កម្រងគតិបណ្ឌិត នេះ។ បើអ្នកទាំងអស់ ចូលចិត្តអានគំនិតខ្លី ឬជាមនុស្សដែលចូលចិត្តសន្សំសៀវភៅល្អៗ មិនគួររំលងសៀវភៅមួយក្បាលនេះទេ។ អ្នកទាំងអស់គ្នាអាចទិញសៀវភៅនេះបាននៅលើវេបសាយខ្មែរម៉ាត ដោយLinkចង់ត្រង់នេះ។
-------------------------------
Express
