Bale ជួលកោះមួយដាច់ម្នាក់ឯង ដើម្បីសុំមិត្តស្រីរៀបការ
Gareth Bale តារាឆ្នើមក្រុម Real Madrid បានជួលកោះមួយដាច់ម្នាក់ឯង តម្លៃជាង៥០ម៉ឺនដុល្លារ ដើម្បីសុំមិត្តស្រី Emma Rhys-Jones រៀបការ កាលពីពាក់កណ្ដាលខែមុន។ នេះបើតាមសារព័ត៌មានអេស្ប៉ាញមួយ បានចុះផ្សាយ។
Gareth Bale តារាឆ្នើមក្រុម Real Madrid
បើតាម AS បានឲ្យដឹងថា Super Star ដែលជួយឲ្យ Real ឈ្នះ UEFA Champions League រដូវកាលមុន និងជួយក្រុមជម្រើសជាតិវែល ឡើងដល់ Semi-Final នៅពាន Euro 2016 រូបនេះ បានជួលកោះមួយឈ្មោះថា Illa de Tagomago មានទីតាំងនៅជិតកោះ Ibiza ក្នុងសមុទ្រមេឌីទែរ៉ាណេ នូវតម្លៃ ៤៥ម៉ឺនអឺរ៉ូ (ជាង៥០ម៉ឺនដុល្លារ) រយៈពេល១សប្ដាហ៍ ដើម្បីសុំមិត្តស្រីរៀបការ ក្នុងពិធីខួបកំណើត២៧ឆ្នាំរបស់គេ កាលពីថ្ងៃទី១៦ ខែកក្កដា។
កោះ Illa de Tagomago
Bale ជាមួយប្រពន្ធ និងកូនស្រី
Bale និងមិត្តស្រី Rhys-Jones ស្រលាញ់គ្នាតាំងពីនៅរៀនមកម្ល៉េះ ខណៈដែលអ្នកទាំងពីរបានរស់នៅជាមួយគ្នាច្រើនឆ្នាំមកហើយ និងមានកូនស្រីមួយឈ្មោះថា Alba។ គូស្នេហ៍ស្មោះស្ម័គ្រមួយគូនេះ បានព្រមរៀបអាពាហ៍ពិពាហ៍ជាមួយគ្នា កាលខែមុន។
តម្លៃជួលកោះខាងលើនេះ មិនច្រើនសម្រាប់ Bale នោះទេ ព្រោះខ្សែបម្រើស្លាបវ័យ២៧ឆ្នាំរូបនេះ ទើបបានទទួលប្រាក់លើកទឹកចិត្ត៦០ម៉ឺនអឺរ៉ូ បន្ទាប់ពីជួយឲ្យក្រុមស្ដេចស ឈ្នះពាន UEFA Champions League រដូវកាលមុន និងមានប្រាក់ឈ្នួល ២៩០០០០ផោន (ជាង៣៨ម៉ឺនដុល្លារ) ក្នុង១សប្ដាហ៍នៅក្រុម Real Madrid ផងដែរ៕
ប្រែសម្រួល៖ វិន ជីវ័ន្ត
ប្រភព៖ AShttp://news.sabay.com.kh/article/788888#pk_campaign=fb#pk_kwd=788888
ប្រភព៖ AShttp://news.sabay.com.kh/article/788888#pk_campaign=fb#pk_kwd=788888
