ក្រោយពីលោក អ៊ុំ សំអាន តំណាងរាស្រ្តគណបក្សសង្គ្រោះជាតិមណ្ឌលសៀមរាប មកដល់កម្ពុជា លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី ហាក់ស្ទាក់ស្ទើរក្នុងការអត្ថាធិប្បាយចំពោះចំណាត់ការណាមួយរបស់រដ្ឋាភិបាលចំពោះលោក អ៊ុំ សំអាន។ លោក ផៃ ស៊ីផាន គ្រាន់តែបញ្ជាក់ថា ការចោទប្រកាន់ណាមួយ ទៅលើលោក អ៊ុំ សំអាន នោះ អាស្រ័យទៅលើក្រសួងយុត្តិធម៌។
លោក ផៃ ស៊ីផាន បញ្ជាក់ប្រាប់សារព័ត៌មានថ្មីៗ យ៉ាងនេះថា៖« ខ្ញុំអត់ដឹងទេថា រដ្ឋាភិបាលមានចំណាត់ការយ៉ាងណា តែការចោទប្រកាន់ណាមួយអាស្រ័យលើក្រសួងយុត្តិធម៌។ ការវិលត្រឡប់របស់លោក អ៊ុំ សំអាន មកកម្ពុជាវិញ ព្រោះគាត់ជាតំណាងរាស្រ្ត សម្រេចលើគាត់»។
ទាក់ទងនឹងវិធានការរបស់ក្រសួងយុត្តិធម៌ សារព័ត៌មានថ្មីៗ មិនអាចទាក់ទងអ្នកនាំពាក្យក្រសួងនេះ ដើម្បីបកស្រាយបាននោះទេ។
កាលពីថ្ងៃខែកញ្ញា ឆ្នាំ ២០១៥ កន្លងទៅ សម្តេចនាយករដ្ឋមន្រ្តី ហ៊ុន សែន ធ្លាប់បានព្រមានប្រើវិធានការផ្លូវច្បាប់លើមនុស្សទាំងអស់ និងគ្រប់ស្ថាប័ន ដែលនៅតែបន្តចោទប្រកាន់រដ្ឋាភិបាលថា ប្រើប្រាស់ផែនទីក្លែងក្លាយ។ សម្តេចនាយករដ្ឋមន្រ្តីចាត់ទុកអំពើនេះថា ជាការញុះញង់ និងប៉ះពាល់ដល់សមត្ថកិច្ចនីត្យានុកូលភាព សណ្តាប់ធ្នាប់ និងសន្តិសុខសាធារណៈ ដែលធ្វើឲ្យសាធារណជនភ័ន្តច្រឡំពីបញ្ហាព្រំដែន។
សូមបញ្ជាក់ថា លោក អ៊ុំ សំអាន បានធ្វើដំណើរមកដល់ប្រទេសកម្ពុជាវិញហើយ នៅម៉ោង ៩ ព្រឹកថ្ងៃទី ១០ ខែមេសា ឆ្នាំ ២០១៦ នេះ ។ តំណាងរាស្រ្តបក្សប្រឆាំងដែលរិះគន់រដ្ឋាភិបាលមិនសំចៃមាត់រូបនេះ មកដល់ខេត្តសៀមរាប ទាំងអះអាងថា ខ្លួនមិនខ្លាចរដ្ឋាភិបាលកម្ពុជាចាប់ខ្លួននោះទេ។ លោកមិនខ្លាច ដោយសារលោក យល់ថា រូបលោក មិនបានធ្វើអ្វីខុសនោះទេ៕
លោក ផៃ ស៊ីផាន បញ្ជាក់ប្រាប់សារព័ត៌មានថ្មីៗ យ៉ាងនេះថា៖« ខ្ញុំអត់ដឹងទេថា រដ្ឋាភិបាលមានចំណាត់ការយ៉ាងណា តែការចោទប្រកាន់ណាមួយអាស្រ័យលើក្រសួងយុត្តិធម៌។ ការវិលត្រឡប់របស់លោក អ៊ុំ សំអាន មកកម្ពុជាវិញ ព្រោះគាត់ជាតំណាងរាស្រ្ត សម្រេចលើគាត់»។
ទាក់ទងនឹងវិធានការរបស់ក្រសួងយុត្តិធម៌ សារព័ត៌មានថ្មីៗ មិនអាចទាក់ទងអ្នកនាំពាក្យក្រសួងនេះ ដើម្បីបកស្រាយបាននោះទេ។
កាលពីថ្ងៃខែកញ្ញា ឆ្នាំ ២០១៥ កន្លងទៅ សម្តេចនាយករដ្ឋមន្រ្តី ហ៊ុន សែន ធ្លាប់បានព្រមានប្រើវិធានការផ្លូវច្បាប់លើមនុស្សទាំងអស់ និងគ្រប់ស្ថាប័ន ដែលនៅតែបន្តចោទប្រកាន់រដ្ឋាភិបាលថា ប្រើប្រាស់ផែនទីក្លែងក្លាយ។ សម្តេចនាយករដ្ឋមន្រ្តីចាត់ទុកអំពើនេះថា ជាការញុះញង់ និងប៉ះពាល់ដល់សមត្ថកិច្ចនីត្យានុកូលភាព សណ្តាប់ធ្នាប់ និងសន្តិសុខសាធារណៈ ដែលធ្វើឲ្យសាធារណជនភ័ន្តច្រឡំពីបញ្ហាព្រំដែន។
សូមបញ្ជាក់ថា លោក អ៊ុំ សំអាន បានធ្វើដំណើរមកដល់ប្រទេសកម្ពុជាវិញហើយ នៅម៉ោង ៩ ព្រឹកថ្ងៃទី ១០ ខែមេសា ឆ្នាំ ២០១៦ នេះ ។ តំណាងរាស្រ្តបក្សប្រឆាំងដែលរិះគន់រដ្ឋាភិបាលមិនសំចៃមាត់រូបនេះ មកដល់ខេត្តសៀមរាប ទាំងអះអាងថា ខ្លួនមិនខ្លាចរដ្ឋាភិបាលកម្ពុជាចាប់ខ្លួននោះទេ។ លោកមិនខ្លាច ដោយសារលោក យល់ថា រូបលោក មិនបានធ្វើអ្វីខុសនោះទេ៕
